Gokul Milk Union Election Twist: गोकुळ अध्यक्षपदाच्या निवडीवरून संघर्षाच्या टप्प्यात प्रशासकीय धक्का; मोसमी बर्डे-चौगुलेंची बदली

Gokul Milk Union Election 2026: मौसमी चौगुले यांना निवडणुकीच्या अधिसूचित पदावर कार्यरत असल्याने तातडीने नव्या पदाचा कार्यभार स्वीकारता येणार नाही, असेही सांगितले जात आहे. केंद्रीय निवडणूक आयोगाकडून सुरू असलेली विशेष सखोल मतदार पुनरीक्षण प्रक्रिया पूर्ण होईपर्यंत त्यांना कोल्हापुरातील सध्याच्याच पदावर काम करावे लागणार आहे.

• निवडणूक निर्णय अधिकाऱ्यांची बदली
• मोसमी चौगुले यांना सध्या कोल्हापुरातच राहावे लागणार
• अध्यक्ष निवडीचा वाद थेट न्यायालयात

Gokul Milk Union Election Twist: कोल्हापूर जिल्हा सहकारी दूध उत्पादक संघ म्हणजेच गोकुळ दूध संघाच्या नुकत्याच झालेल्या निवडणुकीत अनेक अनपेक्षित घटना घडल्या. काँग्रेस नेते सतेज पाटील यांच्या खेळीने मंत्री हसन मुश्रीफ यांच्या पॅनेलचा दारूण पराभव केला. पण त्यानंतरही या निवडणुकीतील ट्विस्ट अद्यापही कायम आहेत. गोकुळची निवडणूक प्रक्रिया अद्याप सुरू असतानाच राज्य सरकारने निवडणूक निर्णय अधिकारी आणि उपजिल्हाधिकारी मोसमी बर्डे-चौगुले यांची पदोन्नती करत एक मोठा धक्काच दिला आहे.

राज्य सरकारने मोसमी चौगुले यांची अपर जिल्हाधिकारी (गट-अ) पदावर तात्पुरत्या स्वरूपात नियुक्ती करण्यात आली आहे. त्यांना छत्रपती संभाजीनगर येथील विभागीय आयुक्त कार्यालयात सहआयुक्त (पुनर्वसन) पदी पाठवण्यात आले आहे. सामान्य प्रशासन विभागाच्या आस्थापना मंडळाच्या शिफारशीनुसार ३१ ऑक्टोबर रोजी यासंदर्भातील शासन आदेश जारी करण्यात आला.

ED Arrest: ऑनलाइन सट्टेबाजी घोटाळ्याप्रकरणी ईडीची मोठी कारवाई; सागर डॅशला अटक, मुंबई कनेक्शनची चौक

मौसमी चौगुले यांना निवडणुकीच्या अधिसूचित पदावर कार्यरत असल्याने तातडीने नव्या पदाचा कार्यभार स्वीकारता येणार नाही, असेही सांगितले जात आहे. केंद्रीय निवडणूक आयोगाकडून सुरू असलेली विशेष सखोल मतदार पुनरीक्षण प्रक्रिया पूर्ण होईपर्यंत त्यांना कोल्हापुरातील सध्याच्याच पदावर काम करावे लागणार आहे. महाराष्ट्राच्या मुख्य निवडणूक अधिकाऱ्यांकडून ही प्रक्रिया पूर्ण झाल्याची अधिकृत घोषणा झाल्यानंतरच त्यांना छत्रपती संभाजीनगर येथे रुजू होता येईल. गोकुळच्या अध्यक्षपदाची निवडणूक ऐन टप्प्यात असताना झालेल्या या निर्णयामुळे राजकीय आणि सहकार क्षेत्रात विविध चर्चांना सुरुवात झाली आहे.

गोकुळ अध्यक्षपदाच्या निवडीवरून न्यायालयात लढाई

गोकुळ दूध संघाच्या निवडणुकीच्या निकालानंतर गोकुळच्या अध्यक्षपदाच्या निवडीवरून राजकीय संघर्ष अधिकच तीव्र झाला आहे.नुकत्याच झालेल्या निवडणुकीत राजर्षी शाहू शेतकरी समविचारी आघाडीने १३ जागा जिंकल्या, तर महायुतीला १२ जागां मिळाल्या. पण गोकुळच्या अध्यक्षपदाच्या निवडीसाठी बोलावण्यात आलेल्या सभेत आवश्यक १४ संचालकांचा कोरम पूर्ण न झाल्याने त्यामुळे ती निवडणूक होऊ शकली नाही.

India Post Recruitment 2026: दहावी पास तरुणांसाठी खुशखबर! सरकारी नोकरीत मिळणार 63 हजार

यानंतर समविचारी आघाडीच्या १३ संचालकांनी मुंबई उच्च न्यायालयाच्या कोल्हापूर सर्किट बेंचकडे याचिका दाखल केली. अध्यक्षपदाच्या निवडीसाठी १४ संचालकांची उपस्थिती अनिवार्य नसल्याचा दावा समविचारी आघाडीने केला. या प्रकरणाच्या सुनावणीनंतर पहिल्या सभेलाही महायुतीच्या १२ संचालक अनुपस्थित राहिले. त्यामुळे न्यायालयाने महायुतीच्या १२ संचालकांना नोटीस बजावली आहे. तसेच राज्य सरकारसह या संचालकांनाही याचिकेत प्रतिवादी करण्यात आले आहे.

महायुतीचे नेते पुढील बैठकीला उपस्थित राहणार

कोल्हापूर सर्किट बेंचच्या सुनावणीनंतर महायुतीने भूमिका स्पष्ट केली आहे. आरोग्यमंत्री प्रकाश आबिटकर आणि वैद्यकीय शिक्षणमंत्री हसन मुश्रीफ यांनी गोकुळच्या अध्यक्षपदाच्या निवडीसाठी होणाऱ्या पुढील बैठकीला उपस्थित राहणार असल्याचे सांगितले आहे. एकीकडे अध्यक्षपदाच्या निवडीवरून न्यायालयीन लढाई सुरू असताना दुसरीकडे निवडणूक निर्णय अधिकाऱ्यांची पदोन्नतीवर बदली झाल्याने या घडामोडींना विशेष महत्त्व प्राप्त झाले आहे. त्यामुळे गोकुळच्या अध्यक्षपदाची निवड नेमकी कधी होणार आणि पुढील प्रक्रियेत कोणते वळण येणार, याकडे सहकार क्षेत्राचे लक्ष लागले आहे.