मुंबई : एकिकडे दसरा मेळाव्यावरुन (Dussehra) राज्यात राजकारण रंगत असताना, आणि शिवाजी पार्कवर (Shivaji Park) दसरा मेळावा उद्धव ठाकरे (Udhav Thackeray) घेणार की, शिंदे गट (Shinde Group) घेणार याची जोरदार राजकीय वर्तुळात चर्चा रंगत असताना, आता दुसरीकडे बिग बॉस फेम व आपल्या रोखठोक वक्तव्यासाठी प्रसिद्ध असणारे अभिजीत बिचुकले (Abhijeet Bichukle) हे दसरा दिवाळी सोडून महाराष्ट्राच्या भल्यासाठी मेळावा घेणार असल्याची घोषणा स्वत: अभिजीत बिचुकले यांनी केली आहे. एकिकडे राज्यात शिंदे गट आणि उद्धव ठाकरे यांच्यात दसरा मेळावा शिवाजी पार्कच्या मैदानावर घेण्यावरुन रस्सीखेच सुरु आहे. याच मेळाव्यावरुन आता अभिजीत बिचुकले हे मैदानात उतरले असून, दसरा मेळाव्यावरून अभिजीत बिचुकलेंनी टीका केली आहे.
[read_also content=”शिवसेना पक्षप्रमुख उद्धव ठाकरेंची शिवसेना भवनात बैठक, पालिका निवडणुकीवर होणार चर्चा https://www.navarashtra.com/maharashtra/shivsena-chief-udhav-thackeray-meeting-in-shivsena-bhavan-325336.html”]
दरम्यान, तसेच बिचुकलेंनी राज्यातील जनतेला आवाहन सुद्धा केलं आहे. कुठल्याही माणसानं कुठल्याही नेत्याचं भाषण ऐकायला दसऱ्याला बाहेर पडू नका, असं बिचुकलेंनी म्हटलं आहे. तसेच आपण कोणत्याही जाती धर्मासाठी किंवा समाजासाठी मेळावा घेणार नसून संपूर्ण राज्यातील जनतेसाठी दसरा-दिवाळी असे सण सोडून इतर दिवशी मी मेळावा घेणार असंही बिचुकलेंनी म्हटले आहे. तसेच त्यांनी अन्य राजकीय नेत्यांवर सुदधा जोरदार टिका केली आहे.
