शुक्रवार, 16 ऑक्टोबर 2026
Today's Maharashtra Breaking News Updates in marathi 16.10.2026
Maharashtra to World Breaking News : विद्यार्थ्यांच्या विरोधानंतर MPSC राज्यसेवा मुख्य परीक्षा २०२६ तूर्तास पुढे ढकलण्यात आली असून २०२५ च्या उत्तरपत्रिकांची फेरतपासणी करण्याचा निर्णय घेण्यात आला आहे. आशियाई खेळ २०२६ मध्ये महाराष्ट्राच्या १७ वर्षीय कुमकुम मोहड हिने तिरंदाजी (Recurve Archery) प्रकारात ऐतिहासिक सुवर्णपदक पटकावून लॉस एंजिलीस २०२८ ऑलिम्पिकचा कोटा सुरक्षित केला.
राज्यात मान्सूनच्या परतीच्या प्रवासाला सुरुवात झाली असून ‘ऑक्टोबर हीट’चा उकाडा वाढण्यासोबतच मध्य महाराष्ट्र आणि मराठवाड्यात वादळी पावसाचा यलो अलर्ट देण्यात आला आहे. मध्य-पूर्वेतील तणावादरम्यान जागतिक बाजारात कच्च्या तेलाच्या किमती नियंत्रणात आणण्यासाठी G7 देशांनी १० कोटी बॅरल इंधन साठा बाजारात आणण्याची घोषणा केली. जागतिक घसरणीमुळे सराफा बाजारात सोने आणि चांदीच्या दरात मोठी घसरण झाली असून ग्राहकांना खरेदीचा मोठा दिलासा मिळाला आहे.
03 Oct 2026 04:57 PM (IST)
टाटा ट्रस्टमध्ये सुरु असलेली धुसफूस आता लपून राहिलेली नाही. अंतर्गत वाद आता चव्हाट्यावर आला आहे. टाटा ट्रस्टमधील वादास आता नवं वळण आलं आहे. ट्रस्टचे अध्यक्ष नोएल टाटा यांनी सप्टेंबरमध्ये झालेल्या एन. चंद्रशेखरन यांच्या अध्यक्षपदी पुनर्नियुक्तीवर प्रश्नचिन्ह उपस्थित केले आहे. त्यामुळे आता हा वाद पुन्हा चिघळला आहे. त्यांनी टाटा सन्सच्या संचालक मंडळाला पत्र लिहीत प्रश्न उपस्थित केला आहे. याबाबतची माहिती या प्रकरणाशी संबंधित सूत्रांनी दिली आहे. नेमकं काय घडतंय टाटा ट्रस्टमध्ये सविस्तर जाणून घेऊयात.
03 Oct 2026 04:52 PM (IST)
ठाण्यातील ठाकरे गटाचे पदाधिकारी प्रदीप पूर्णेकर हत्या प्रकरणामुळे राजकीय वातावरण चांगलंच तापलं आहे. काही दिवसांपूर्वी शिवसेना उद्धव बाळासाहेब ठाकरे पक्षाचे प्रमुख उद्धव ठाकरे यांनी ठाण्यात जाऊन पूर्णेकर कुटुंबीयांची भेट घेतली होती. यावेळी न्याय मिळेपर्यंत शांत बसणार नसल्याचा इशारा त्यांनी दिला होता. आता सुषमा अंधारे यांनी पूर्णेकर कुटुंबीयांची भेट घेतल्यानंतर पत्रकार परिषद घेत या प्रकरणावर गंभीर प्रश्न उपस्थित केले आहेत. वाचा सविस्तर...
03 Oct 2026 04:49 PM (IST)
लोकसभेतील विरोधी पक्षनेते राहुल गांधी यांनी ‘सत्याग्रह’ नावाने नव्या मंचाची घोषणा केली आहे. देशभरातील आंदोलने आणि आंदोलनांना एका समान व्यासपीठावर एकत्र आणण्यासाठी राहुल गांधी यांनी ‘सत्याग्रह’ हे डिजिटल व्यासपीठ सुरू केले आहे. या व्यासपीठाद्वारे, देशाच्या विविध भागांमध्ये आपल्या हक्कांसाठी आणि न्यायासाठी लढणारे लोक त्यांच्या आंदोलनांविषयी माहिती देऊ शकतील. तसेच, ते देशाच्या इतर भागांमधील अशाच विषयांवरील आंदोलने पाहू शकतील आणि गरज पडल्यास पाठिंबा मिळवू शकतील, असा या मंचाचा उद्देश असल्याचे सांगितले जात आहे.
03 Oct 2026 04:47 PM (IST)
मुंबई : केंद्र व राज्यातील भाजपाचे भ्रष्ट सरकार, निवडणूक आयोगाच्या पक्षपाती कारभाराविरोधात तरुणाईमध्ये प्रचंड असंतोष आहे. शिवाजी पार्कवरील आंदोलनात या असंतोषाला वाचा फोडण्याचे काम करण्यात आले आहे, परंतु भाजपाच्या मोदी सरकार विरोधातील हा असंतोष दडपण्यासाठी सरकारने त्यांच्यावर खोटे गुन्हे दाखल केले आहेत. भाजपाने कितीही गुन्हे दाखल केले तरीही ही तरुणाई आता मागे हटणार नाही, हे भाजपा सरकारने लक्षात ठेवावे, असा खणखणीत इशारा काँग्रेस प्रदेशाध्यक्ष हर्षवर्धन सपकाळ यांनी दिला आहे.
03 Oct 2026 04:40 PM (IST)
ऑल इंडिया स्टुडंट्स असोसिएशनचे (AISA) कार्यकर्ते शनिवारी नवी दिल्लीतील जंतर मंतर मैदानात पुन्हा जमल्याचे पाहायलामिळाले. कालच्या आंदोलनाच्या पार्श्वभूमीवर जंतरमंतर परिसरा जमावबंदी लागू करण्यात आली होती. याशिवाय अतिरिक्त पोलीस बंदोबस्त, बॅरिकेड्स आणि कडक सुरक्षा व्यवस्था ठेवण्यात आली आहे. शुक्रवारी १,००० हून अधिक आंदोलकांना ताब्यात घेण्यात आले होते. हे आंदोलक मुख्य निवडणूक आयुक्त ज्ञानेश कुमार यांच्या राजीनाम्याच्या आणि मतदार यादीच्या एसआयआरच्या (SIR) विरोधात आंदोलन करत आहेत.
03 Oct 2026 03:59 PM (IST)
वाढत्या इंधन दरांवर नियंत्रण मिळवण्यासाठी आणि जागतिक ऊर्जा बाजारातील तणाव कमी करण्यासाठी ग्रुप ऑफ सेव्हन (G7 Summit) देशांनी एक अत्यंत महत्त्वाचे पाऊल उचलले आहे. अमेरिकेचे अध्यक्ष डोनाल्ड ट्रम्प यांच्या थेट दबावानंतर, जी-७ च्या सर्व सदस्य देशांनी आपल्या आपत्कालीन धोरणात्मक साठ्यातून तब्बल १०० दशलक्ष बॅरल डिझेल आणि कच्चे तेल आंतरराष्ट्रीय बाजारात सोडण्यास सहमती दर्शवली आहे. अमेरिकेत आगामी मध्यावधी निवडणुका जवळ येत असताना देशांतर्गत इंधनाचे दर गगनाला भिडू नयेत यासाठी ट्रम्प प्रशासनाने हे कडक धोरण स्वीकारले आहे. या निर्णयासोबतच, जागतिक स्तरावर ऊर्जा निर्यातीवर कोणत्याही प्रकारचे निर्बंध लादले जाणार नाहीत, अशी संयुक्त प्रतिज्ञाही सर्व सदस्य देशांनी केली आहे.
03 Oct 2026 03:50 PM (IST)
Amravati News: गावखेड्यातील मुलांनी खेळात पुढे यावे, त्यांनी जिल्हा, राज्य आणि राष्ट्रीय पातळीवर नाव कमवावे, यासाठी सरकारकडून दरवर्षी क्रीडा विकासाच्या घोषणा केल्या जातात. मात्र जिल्ह्यातील जिल्हा परिषद शाळांची वस्तुस्थिती या घोषणांना आरसा दाखवणारी आहे. अमरावती जिल्ह्यातील तब्बल २८३ जिल्हा परिषद शाळांकडे स्वतःचे क्रीडांगणच उपलब्ध नसल्याचे समोर आले आहे. त्यामुळे या शाळांमधील हजारो विद्यार्थ्यांना खेळण्यासाठी जागा शोधण्याची वेळ आली असून, त्यांच्या क्रीडा भवितव्यावरच प्रश्नचिन्ह निर्माण झाले आहे.(फोटो सौजन्य – AI)
03 Oct 2026 03:40 PM (IST)
Petrol Diesel Price Hike : जागतिक स्तरावर सुरु असलेल्या तणावाचा फटका मोठ्या प्रमाणावर संपूर्ण जगाला भोगावा लागत आहे. याचा सगळ्यात मोठा परिणाम कच्च्या तेलाच्या निर्यातीवर होताना दिसतो. त्यामुळे देशांतर्गत पेट्रोल डिझेलच्या किमती खालीवर होतच असतात. त्यामुळे सगळ्या पहिला पेट्रोल – डिझेलवर थेट प्रभाव दिसून येतो. आताही याचा मोठा झटका बसला आहे. कारण पेट्रोल डिझेलच्या किमती अचानक वाढल्या आहेत. पेट्रोल ५ रुपयांनी तर डिझेल तब्बल 3 रुपयांनी वाढलं आहे. मग नेमके आजच्या किमती काय आहे? ( Petrol Diesel Price Hike )
03 Oct 2026 03:30 PM (IST)
मुंबई : मिठी नदी गाळ उपशात झालेल्या ६५ कोटींच्या घोटाळ्यात अभिनेता दिनो मोरिया याला आर्थिक गुन्हे शाखेने अटक केली असून या प्रकरणी उबाठा आमदार आदित्य ठाकरे यांची चौकशी व्हावी, अशी मागणी शिवसेना प्रवक्त्या शीतल म्हात्रे यांनी केली. आदित्य ठाकरे आणि दिनो मोरिया यांचे व्यावसायिक संबंध असून कोविड काळात मुंबई महापालिकेतून दिलेल्या कंत्राटांची श्वेत पत्रिका काढावी अशी मागणी म्हात्रे यांनी यावेळी केली. बाळासाहेब भवन येथे आयोजित पत्रकार परिषदेत त्या बोलत होत्या.(Sheetal Mhatre)
03 Oct 2026 03:20 PM (IST)
दुबईहून इस्रायलमधील तेल अवीवकडे जाणाऱ्या फ्लायदुबईच्या (Flydubai FZ1073) या विमानात घडलेल्या भीषण कॉकपिट हल्ला प्रकरणाला आता एक अत्यंत गंभीर आणि आंतरराष्ट्रीय वळण मिळाले आहे. विमानाचे भारतीय कॅप्टन स्मित मच्छर यांच्यावर प्राणघातक हल्ला करणाऱ्या ओमानच्या सह-वैमानिकाबाबत अत्यंत धक्कादायक माहिती समोर आली आहे. आंतरराष्ट्रीय माध्यमांच्या अहवालानुसार, आरोपी सह-वैमानिकाला पूर्वी काम करत असलेल्या ‘ओमान एअर’ने राष्ट्रीय व विमान वाहतूक सुरक्षेच्या कारणास्तव निलंबित केले होते. या खुलाशामुळे आता संपूर्ण जगातील विमान वाहतूक यंत्रणांच्या सुरक्षा तपासणीवर आणि कर्मचाऱ्यांच्या पार्श्वभूमी पडताळणीवर (Background Verification) मोठे प्रश्नचिन्ह निर्माण झाले आहे.
03 Oct 2026 03:10 PM (IST)
IND vs PAK: नागोया येथे सुरू असलेल्या २०२६ आशियाई क्रीडा स्पर्धेतील सुवर्णपदकाच्या हाय-व्होल्टेज सामन्यात भारत आणि पाकिस्तान यांच्यात तीव्र नाट्य आणि आक्रमक क्रिकेट पाहायला मिळत आहे. नाणेफेक जिंकून प्रथम फलंदाजी करण्याचा निर्णय घेतलेल्या भारताला युवा फलंदाज वैभव सूर्यवंशीच्या रूपाने सुरुवातीलाच धक्का बसला, पण त्यानंतर जे घडले त्याची पाकिस्तानी संघाने कल्पनाही केली नसेल. वैभव सूर्यवंशीला बाद केल्यानंतर पाकिस्तानचा अर्धवेळ गोलंदाज सॅम अयुबने केलेला विचित्र आणि आक्रमक जल्लोष पाहून नॉन-स्ट्रायकरच्या टोकाला उभा असलेला अभिषेक शर्मा संतापला.
03 Oct 2026 03:01 PM (IST)
Wai Municipal School: वाई नगरपरिषदेच्या शाळा क्रमांक १ ची कोट्यवधी रुपये खर्चून उभारण्यात आलेली इमारत पूर्ण होऊन तब्बल तीन ते चार वर्षांचा कालावधी लोटला आहे. तरी सुद्धा या इमारतीतील मूलभूत सुविधांची अवस्था पाहता नगरपालिकेच्या कारभारावर गंभीर प्रश्नचिन्ह निर्माण होत आहे. उद्घाटनाच्या वेळी सर्व सोयी-सुविधांनीयुक्त इमारत उभारल्याचा गाजावाजा करण्यात आला. पण प्रत्यक्षात लिफ्टसारख्या महत्त्वाच्या सुविधेच्या कामातच गंभीर त्रुटी असल्याचा आरोप होत आहे.
03 Oct 2026 02:59 PM (IST)
पुणे पदवीधर मतदारसंघात भैय्या माने यांची बंडखोरी केली आहे. माझ्या भविष्याच्या आड येऊ नये, असे सांगत भैय्या माने यांनी पदवीधर निवडणूक लढवण्याचा केला निर्धार. आज पासून माझा आणि भैया माने यांचा संबंध संपला. असे वैद्यकीय शिक्षण मंत्री हसन मुश्रीफ यांनी भैय्या माने यांच्या बंडखोरी नंतर प्रतिक्रिया देताना सांगितले.
03 Oct 2026 02:51 PM (IST)
पंतप्रधान नरेंद्र मोदी तीन नोव्हेंबरला बारामतीमध्ये येणार असल्याची माहिती शरद पवार यांनी दिली. येत्या ३ नोव्हेंबर रोजी पंतप्रधान मोदी बारामतीतील विद्या प्रतिष्ठानच्या परिसराला भेट देणार आहेत. या दौऱ्याच्या पार्श्वभूमीवर बारामतीतील प्रशासकीय तसेच राजकीय हालचालींना वेग आला आहे.
03 Oct 2026 02:41 PM (IST)
सोलापूर जिल्ह्यातील उजनी धरण परिसरात प्रस्तावित असलेल्या एआय डेटा सेंटरला राष्ट्रवादी काँग्रेस (शरदचंद्र पवार) पक्षाने तीव्र विरोध दर्शवला आहे. माढ्याचे खासदार धैर्यशील मोहिते पाटील यांनी शरद पवार यांची भेट घेऊन या प्रकल्पामुळे पाण्याचे दुर्भिक्ष, पर्यावरणाची हानी आणि स्थानिक शेतीवर होणाऱ्या दुष्परिणामांची माहिती दिली. स्थानिक शेतकऱ्यांचे हित लक्षात घेऊन हे डेटा सेंटर रद्द करण्याची मागणी करण्यात आली आहे.
03 Oct 2026 02:30 PM (IST)
पुणे पदवीधर मतदारसंघाच्या निवडणुकीसाठी महायुतीमध्ये राष्ट्रवादी काँग्रेस, भाजप आणि शिवसेनेकडून उमेदवारीसाठी रस्सीखेच सुरू आहे. राष्ट्रवादी काँग्रेसचे नेते आणि मंत्री हसन मुश्रीफ यांचे निकटवर्तीय मानले जाणारे प्रताप उर्फ भैय्या माने यांनी निवडणुकीच्या रिंगणात उतरण्याचा निर्णय घेतला आहे. ते स्वतंत्रपणे लढणार आहेत.
03 Oct 2026 02:21 PM (IST)
महाराष्ट्राचे मुख्यमंत्री देवेंद्र फडणवीस हेच देशाचे पंतप्रधान नरेंद्र मोदी यांचे वारसदार आहेत. त्यांना आधी उपपंतप्रधान बनवावं, अशी संघाची भूमिका आहे. संघात तशी चर्चा सुरू आहे. येत्या तीन महिन्यात मोठ्या राजकीय घडामोडी घडणार आहेत, असा दावा ठाकरे गटाचे नेते संजय राऊत यांनी केला आहे.
03 Oct 2026 02:10 PM (IST)
अभिनेता अक्षय कुमारची बहीण अलका भाटिया यांची फसवणूक केलीय. बनावट सही करून पवईतला कोट्यवधींचा फ्लॅट हडपण्याचा प्रयत्न केलाय. मनसे विभागप्रमुख गणेश चुक्कल आणि त्याच्या साथीदाराला पवई पोलिसांनी अटक केलीय. 2021 मध्ये भाडेकरार संपल्यानंतर 30 वर्षांचा बनावट करार कोर्टात सादर केल्याप्रकरणी फॉरेन्सिक अहवालाच्या आधारे ही कारवाई केलीय. 5 ऑक्टोबरपर्यंत दोघांनाही पोलिस कोठडी सुनावलीय.
03 Oct 2026 02:00 PM (IST)
सध्या पेट्रोल-डिझेलच्या किमतीत सातत्याने चढउतार पाहिला मिळत आहे. जर तुम्ही वाढत्या डिझेल आणि पेट्रोलच्या किमतींबद्दल चिंतित असाल आणि काही महिन्यांत नवीन वाहन खरेदी करण्याचा विचार करत असाल, तर ही बातमी तुमच्यासाठी महत्त्वाची ठरू शकते. सरकारने राज्यात स्वच्छ पर्यावरण राखणे आणि प्रदूषण कमी करणे या उद्देशाने आपले नवीन इलेक्ट्रिक वाहन धोरण अधिकृतपणे अधिसूचित केले आहे.
03 Oct 2026 01:55 PM (IST)
कॉकरोच जनता पार्टीच्या शुकवारच्या (2 ऑक्टोबर) शिवाजी पार्कवरील आंदोलनानंतर सीजेपी अध्यक्ष अभिजीत दिपके यांच्यासह त्यांच्या काही सहकाऱ्यांवर पोलिस ठाण्यात तक्रार दाखल करण्यात आली आहे. स्थानिक नागरिकांचा सीजेपीच्या शिवाजीपार्कवरील आंदोलनाला विरोध असतानाही हा विरोध डावलून सीजेपीने इथे आंदोलन केले. पण या आंदोलनानंतर वकील सिद्धी देवळेकर यांनी दिपके आणि त्यांच्या सहकाऱ्यांविरोधात तक्रार दाखल केली आहे.
03 Oct 2026 01:50 PM (IST)
जपान येथे सुरु असलेल्या एशियम गेम्समधील पुरुष क्रिकेट स्पर्धेतील अंतिम सामना कट्टर प्रतिस्पर्धी भारत आणि पाकिस्तान यांच्यात खेळला गेला. भारताने पुन्हा एकदा पाकिस्तानचा दारुण पराभव करत दणदणीत विजय नोंदवला. भारताने हा सामना १९ धावांनी जिंकला. या महत्वाच्या सामन्यात भारताने नाणेफेक जिंकून प्रथम फलंदाजी करण्याचा निर्णय घेतला. अभिषेक शर्मा आणि तिलक वर्माच्या शानदार खेळीच्या जोरावर टीम इंडियाने २० षटकांत ६ विकेट्स गमावून २११ धावा केल्या आणि पाकिस्तानला विजयासाठी २१२ धावांचे लक्ष्य दिले.
03 Oct 2026 01:45 PM (IST)
भाईंदर पश्चिम येथील पंडित भीमसेन जोशी रुग्णालयातील चारपैकी तब्बल तीन लिफ्ट गेल्या महिनाभराहून अधिक काळापासून बंद असल्याने रुग्ण आणि त्यांच्या नातेवाइकांना मोठ्या गैरसोयीचा सामना करावा लागत असल्याची तक्रार समोर आली आहे. रुग्णालयात सध्या केवळ एकच लिफ्ट सुरू असल्याने तिच्यावर मोठा ताण निर्माण झाला असून, रुग्णांना तसेच नातेवाइकांना अनेक वेळा जिन्याचा आधार घ्यावा लागत आहे. विशेषतः गर्भवती महिला, ज्येष्ठ नागरिक आणि दिव्यांग व्यक्तींना याचा सर्वाधिक त्रास होत असल्याचे सांगण्यात येत आहे.
03 Oct 2026 01:40 PM (IST)
भारत आणि वेस्ट इंडिज यांच्यात तीन सामन्यांच्या एकदिवसीय मालिकेतील तिसरा आणि अंतिम सामना आज खेळला जात आहे. हा सामना न्यू चंदीगड येथील महाराजा यादवेंद्र सिंह आंतरराष्ट्रीय क्रिकेट स्टेडियमवर थोड्याच वेळात रंगणार आहे. त्याआधी दोन्ही संघाचे कर्णधार शाई होप आणि शुभमन गिल हे नाणेफेकीसाठी मैदानात उतरले आहेत.
03 Oct 2026 01:35 PM (IST)
30 सप्टेंबरला आकाशात जे घडलं ते ऐकून अंगावर काटा येतो. दुबईहून तेल अवीवला जाणाऱ्या विमानात सगळं काही सुरळीत चाललं होतं. पण कॉकपिटमध्येच असं काही घडलं की 180 पेक्षा जास्त प्रवाशांचा जीव धोक्यात आला. आणि अशा वेळी एका मराठी कॅप्टन स्मित मच्छरने धाडस दाखवलं त्याचं कौतुक आता अख्खा देश करतयं. त्यांच्या धाडसाची आणि प्रसंगावधानाची चर्चा सध्या सगळीकडे सुरु आहे.
03 Oct 2026 01:30 PM (IST)
महाराष्ट्रातील हिंगोली जिल्ह्यात शनिवारी, 3 ऑक्टोबर रोजी सकाळी एकापाठोपाठ दोन भूकंपाचे धक्के जाणवल्याने नागरिकांमध्ये भीतीचे वातावरण निर्माण झाले. पहिला धक्का सकाळी सुमारे 7.46 वाजता जाणवला. जिल्हा आपत्ती व्यवस्थापन कक्षाच्या माहितीनुसार या भूकंपाची तीव्रता रिश्टर स्केलवर 3.3 नोंदवण्यात आली. औंढा नागनाथ तालुक्यातील गढाळा गाव परिसरात त्याचे केंद्र होते आणि ते सुमारे 7 किलोमीटर खोलीवर असल्याचे सांगण्यात आले. या धक्क्यासोबत भूगर्भातून गडगडाटासारखा आवाजही ऐकू आल्याचे स्थानिकांनी सांगितले.
03 Oct 2026 01:25 PM (IST)
मीरा-भाईंदर महापालिकेने टीडीआर (हस्तांतरणीय विकास हक्क) द्वारे मोफत संपादित केलेली आरक्षणाखालील जमीन मीरा-भाईंदर-वसई-विरार पोलीस आयुक्तालयासाठी हस्तांतरित करताना राज्य शासनाच्या पोलीस विभागाकडून तब्बल २० कोटी ६ लाख ९२ हजार ७२० रुपये घेतल्याचा गंभीर आरोप करण्यात आला आहे. एकात्मिक विकास नियंत्रण व प्रोत्साहन नियमावली (यूडीसीपीआर) मधील तरतुदीनुसार संबंधित आरक्षित जागा शासनाच्या विभागासाठी असल्यास ती विनामूल्य हस्तांतरित करणे अपेक्षित असताना महापालिकेने बाजारभावाने मोबदला घेतल्याचा दावा करण्यात येत आहे. या प्रकरणामुळे महापालिकेच्या जमीन हस्तांतरणाच्या प्रक्रियेवर तसेच संबंधित अधिकाऱ्यांच्या भूमिकेवर प्रश्नचिन्ह निर्माण झाले आहे.
03 Oct 2026 01:20 PM (IST)
गुंतवणूकदार नेहमी बंपर कमाईच्या शोधात असतात. चांगला IPO कधी मार्केटमध्ये येईल आणि त्यावर बोली लावता येईल. तर ही प्रतिक्षा संपली आहे. कारण बऱ्याच काळापासून प्रतिक्षेत असलेला मुकेश अंबांनींच्या Jio IPO आता लवकरच मार्केटमध्ये एन्ट्री करणार आहे. २८ ऑगस्ट रोजी सेबीने मंजुरी दिल्यानंतर, आता त्याच्या सुरुवातीची प्रतीक्षा संपली आहे. या प्रकरणाशी संबंधित सूत्रांनुसार, रिलायन्स इंडस्ट्रीजची डिजिटल होल्डिंग कंपनी, जिओ प्लॅटफॉर्म्स लिमिटेड, या महिन्यात आपला बहुप्रतिक्षित IPO आणण्याच्या तयारीत आहे. कोणत्या तारखेला आपल्याला ही संधी मिळणार आहे?
03 Oct 2026 01:15 PM (IST)
अन्न सुरक्षा आणि स्वच्छतेच्या तपासणीत १०६ पैकी केवळ ४४ गुण मिळाल्याने वाळूज एमआयडीसीतील सोडेक्सो इंडिया सर्व्हिसेस प्रायव्हेट लिमिटेड (सी/ओ गुडईयर साऊथ एशिया टायर्स प्रायव्हेट लिमिटेड) च्या कॅन्टीनचा अन्न व्यवसाय परवाना अन्न व औषध प्रशासनाने (एफडीए) तात्काळ निलंबित केला आहे. कॅन्टीनमधील अनियमिततेबाबत आमदार प्रशांत बंब यांनी केलेल्या तक्रारीनंतर ३० सप्टेंबर रोजी झालेल्या अचानक तपासणीत हा प्रकार समोर आला आहे. अन्न सुरक्षा अधिकारी प्रज्ञा प्रमोद सुरसे यांनी कॅन्टीनची तपासणी केली. १०६ गुणांच्या निकषांमध्ये कॅन्टीनला अवघे ४४ गुण मिळाले. त्यामुळे अंतिम निष्कर्ष नॉन-कम्प्लायन्स असा नोंदविण्यात आला.
03 Oct 2026 01:10 PM (IST)
शेअर बाजारात गुंत‌वणुकीच्या आमिषाने एका महिलेची सायबर चोरट्यांनी ४९ लाख रुपयांची फसवणूक केल्याचा प्रकार उघडकीस आला. या प्रकरणी सायबर चोरट्यांविरुद्ध विश्रामबाग पोलिसांनी गुन्हा दाखल केला. याबाबत एका ५६ वर्षीय महिलेने फिर्याद दिली आहे.
03 Oct 2026 01:05 PM (IST)
अमेरिकेने आपल्या व्हिसा मंजुरीच्या प्रक्रियेत आणि प्रवेश धोरणात अत्यंत महत्त्वपूर्ण व कडक बदल केले आहेत. अमेरिकन प्रशासनाने व्हिसा अर्जदारांच्या ऑनलाइन हालचाली आणि सोशल मीडिया तपासणीची व्याप्ती अधिक वाढवली आहे. या नव्या निर्णयानुसार आता केवळ नेहमीचे कामगार किंवा पर्यटकच नव्हे, तर परदेशी पत्रकार, उच्चशिक्षित व्यावसायिक आणि विद्यार्थ्यांचाही या कडक छाननी प्रक्रियेत समावेश करण्यात आला आहे.
03 Oct 2026 12:48 PM (IST)
बारामतीत झालेला पेट्रोल पंपावर कोयत्याने हल्ला व शेरेवाडी परिसरातील घटनांच्या यापार्श्वभूमीवर खासदार सुप्रिया सुळे यांनी पुणे ग्रामीणचे पोलिस अधीक्षक संदीपसिंह गिल यांची भेट घेतली. बारामती, दौंड, इंदापूर, पुरंदरसह संपूर्ण पुणे ग्रामीण भागात पोलिस पेट्रोलिंग वाढविण्यासह संवेदनशील ठिकाणी चेकिंग, सीसीटीव्ही कॅमेऱ्यांची संख्या वाढविणे आणि आवश्यकतेनुसार पोलिसांचे मनुष्यबळ वाढविण्याची मागणी त्यांनी केली. भेटीनंतर माध्यमांशी बोलताना सुळे म्हणाल्या, “केवळ बारामतीच नव्हे, तर बारामती लोकसभा मतदारसंघातील सुमारे ८० टक्के भाग ग्रामीण आहे. मोठ्या स्वरूपाचे गुन्हे वाढल्याचे दिसत आहे. मात्र, एकूण गुन्हेगारी वाढली आहे, असे म्हणता येणार नाही. पोलिस अधीक्षकांचे काम चांगले असून, मदत मागितल्यास ते सहकार्य करतात.” अलीकडील काही गंभीर घटनांमुळे नागरिकांमध्ये भीतीचे वातावरण निर्माण झाले असून, अशा घटनांकडे पोलिस यंत्रणेने गांभीर्याने पाहण्याची गरज असल्याचे त्यांनी सांगितले. बारामतीतील पेट्रोल पंपावर कोयत्याने झालेला हल्ला तसेच सुपे परिसरातील घटना अस्वस्थ करणाऱ्या आहेत. त्यामुळे गंभीर गुन्ह्यांवर विशेष लक्ष देण्याची आवश्यकता असल्याचे सुळे यांनी नमूद केले.
03 Oct 2026 12:36 PM (IST)
घराच्या चार भिंतींतच पॅकिंग मशीन लावून सुगंधित तंबाखूचा कारखाना थाटल्याचा प्रकार समोर आला असून, मध्य प्रदेशातून आलेल्या दोघांकडून साध्या तंबाखूमध्ये गुलाबपाणी, मेंथॉल आणि ग्लिसरॉल मिसळून प्रतिबंधित सुगंधित तंबाखू तयार केली जात होती. तर, अमूलच्या नावाचा वापर करून बनावट चिजही बनविले जात होते. फुरसुंगीतील उरुळी देवाची भागात गुन्हे शाखा आणि अन्न व औषध प्रशासनाने संयुक्त छापा टाकून हा ‘घरगुती तंबाखू कारखाना’ उद्ध्वस्त केला आहे. या कारवाईत ५९ बॉक्स सुगंधित तंबाखू, पॅकिंग मशीन, कच्चा माल आणि अमूल कंपनीच्या नावाचे १,०८० चीजचे डबे असा ३१ लाख ९१ हजार ६०८ रुपयांचा मुद्देमाल जप्त करण्यात आला आहे. सुशिलसिंग विश्वनाथ तोमर (वय २६) आणि उमेशसिंग रामदीन तोमर (वय २३, रा. दोघेही मोरेना, मध्य प्रदेश) यांना अटक करण्यात आली आहे. तर, कारखान्याचा मालक असलेला यासीन सईद खान उर्फ साजीद हा फरार आहे. दोघेही उरुळी देवाची येथील घरात राहून प्रतिबंधित तंबाखू तयार करीत होते.
03 Oct 2026 12:24 PM (IST)
बसस्थानक परिसरात गर्दीच्या ठिकाणी महिलांच्या अंगावरील आणि पिशवीतील दागिने चोरणाऱ्या आंतरजिल्हा टोळीतील दोघांना आणि सोने खरेदी करणाऱ्या एकाला मंचर पोलिसांनी गजाआड केले आहे. आरोपींकडून चोरीच्या सोन्याच्या दागिन्यांसह एकूण ४ लाख ९० हजार रुपये किमतीचा मुद्देमाल जप्त करण्यात आला आहे. अशोक बबन भोसले (वय २८, रा.कासारी, ता. आष्टी, जि.बीड, सध्या रा.हिरडगाव), अश्विनी अविनाश भोसले (वय २६, रा. माहिजळगाव, ता. कर्जत, जि.अहिल्यानगर), सतीश मधुकर गोरे (वय ५४, रा. शिवाजीनगर, जामखेड, जि.अहिल्यानगर) अशी अटक करण्यात आलेल्यांची नावे आहेत.
03 Oct 2026 12:12 PM (IST)
तुमच्या नावावरील मोबाइल क्रमांक वापरून मुंबईत बँक खाते उघडले असून त्यातून दहशतवादी कारवायांना निधी दिला जात आहे, असे सांगत ७५ वर्षीय महिलेला डिजिटल अरेस्टच्या जाळ्यात अडकवण्यात आल्याचा प्रकार समोर आला आहे. पोलिसांचा गणवेश, मागे तिरंगा आणि पोलिसांचा झेंडा दाखवत क्राईम बँचचा धाक निर्माण केला. आरबीआयकडून खात्यांची तपासणी सुरू असल्याचे सांगून मुलाला अटक करण्याची तसेच कुटुंबाला इजा करण्याची धमकी देत १४ दिवसांत पाच बँक खात्यांतून आरटीजीएसद्वारे ३ कोटी ८० हजार रुपये वळवून घेतले. ही घटना १८ सप्टेंबर ते १ ऑक्टोबरदरम्यान व्यंकटेशनगरात घडली आहे. याप्रकरणी जिन्सी पोलिस ठाण्यात गुन्हा दाखल करण्यात आला आहे.
03 Oct 2026 11:58 AM (IST)
आपल्या अभिनयाने प्रेक्षकांच्या मनात वेगळी ओळख निर्माण करणारा प्रतिभावान अभिनेता मंदार जाधव आता झी मराठीच्या ‘ धाकट्या सुनबाई’ या मालिकेत तो वेदांत पटवर्धन ही प्रमुख व्यक्तिरेखा साकारत आहे. वेदांत हा आजच्या पिढीचा सुशिक्षित, सुसंस्कृत तरुण आहे. या भूमिकेच्या निमित्ताने मंदार पहिल्यांदाच झी मराठीसोबत काम करत असून, या नव्या प्रवासाबद्दल आणि त्याच्या व्यक्तिरेखेबद्दल त्याच्याशी साधलेला हा संवाद.‘धाकट्या सुनबाई’ मध्ये मी वेदांत पटवर्धन ही व्यक्तिरेखा साकारत आहे.
03 Oct 2026 11:45 AM (IST)
या घटनेचे फुटेज सोशल मिडियावर शेअर करण्यात आले असून यातील दृष्ये पाहून अनेकजण हैराण झाले आहेत. व्हिडिओमध्ये क्लबच्या पार्किंगमध्ये महिलेवर अमानुष मारहाण करताना दिसून येत आहे. महिला विवस्त्र अवस्थेत जमिनीवर पडलेली असते आणि काही महिला तर काही पुरुष बाउंसर्स तिला लाथा-बुक्क्यांनी मारहाण करत असतात. सूत्रांनुसार, पीडितेला क्लबच्या चौथ्या मजल्यावरून खाली पार्किंग एरियापर्यंत फरफटत नेण्यात आले होते. दुसऱ्या व्हिडिओमध्ये, एक महिला त्याला उचलण्याचा प्रयत्न करताना दिसत आहे, त्यानंतर एक गाडी येते आणि ते दिसेनासे होतात.
03 Oct 2026 11:32 AM (IST)
मिळालेल्या माहितीनुसार नुसरत काही दिवसांपूर्वी बालीला कामांसाठी तसेच सुट्टीसाठी ती गेली होती. तिथेच तिचा अपघात झाला. अपघात कसा झाला त्याबद्दल अजून कोणतीही माहिती समोर आली नाही. परंतू या अपघातामध्ये तिच्या मणक्याला गंभीर फ्रॅक्चर झालं. अपघातानंतर तिला लगेच बालीमधल्या हॉस्पिटलमध्ये दाखल करण्यात आले.
03 Oct 2026 11:15 AM (IST)
सॅमसंगने भारतीय बाजारात त्यांचे दोन नवीन बजेट स्मार्टफोन्स लाँच केले आहेत. ज्यामध्ये Samsung Galaxy M08 आणि Samsung Galaxy F08 यांचा समावेश आहे. हे दोन्ही डिव्हाईस कंपनीच्या वेबसाईटवर कमिंग सूनच्या टॅगसह लिस्ट करण्यात आले आहेत. कंपनीने लाँच केलेल्या या दोन्ही स्मार्टफोन्समध्ये मोठी बॅटरी, 50 मेगापिक्सेल कॅमेरा आणि दिर्घकाळापर्यंत सॉफ्टवेअर अपडेट्स देण्याचा दावा करण्यात आला आहे. कंपनीने अद्याप त्यांच्या दोन्ही स्मार्टफोन्सच्या किंमतीचा खुलासा केला नाही.
03 Oct 2026 11:07 AM (IST)
बिहारमधील गया शहरात ही परंपरा हजारो वर्षापासून सुरु आहे. गया हे शहर पितरांची नगरी येथील प्रसिद्ध मंदिर म्हणून ओळखले जाते. वेद-पुराणात सुद्धा मंदिरांचे महत्त्व सांगितले आहे. देश-विदेशातून लाखो लोक इथे पूर्वजांचं पिंडदान करण्यासाठी येतात. याच गया शहरात जनार्दन मंदिर ते भस्मकूट पर्वतावर आहे. माता मंगलागौरी मंदिराच्या अगदी उत्तरेला हे मंदिर असून हे भगवान विष्णूच्या रूपाला समर्पित केले. गया मधील 54 पिंडवेदींपैकी ही एक महत्वाची वेदी मानली जाते. इथेच जिवंत व्यक्ती स्वतःसाठी पिंडदान करते. याला ‘आत्म पिंडदान’ किंवा ‘आत्म श्राद्ध’ म्हणतात. भारतात असं एकमेव ठिकाण आहे जिथे जिवंतपणी स्वतःचं पिंडदान करता येतं.
03 Oct 2026 10:55 AM (IST)
आशियाई क्रीडा स्पर्धा २०२६ मध्ये भारतीय महिला गोल्फपटूंनी उत्कृष्ट कामगिरी केली, ज्यात प्रणवी उर्सने महिलांच्या वैयक्तिक स्पर्धेत सुवर्णपदक जिंकून इतिहास रचला. या पदकासह, प्रणवी वैयक्तिक स्पर्धेत सुवर्णपदक जिंकणारी पहिली भारतीय महिला गोल्फपटू ठरली.
सुवर्णपदक जिंकण्यासोबतच, तिने भारतीय महिला संघाला सांघिक स्पर्धेत रौप्यपदक मिळवून देण्यातही महत्त्वाची भूमिका बजावली. प्रणवीने चार फेऱ्यांच्या स्पर्धेच्या अंतिम फेरीत शेवटच्या होलवर पार करत १५ अंडर पारवर मजल मारली. सिंगापूरची शॅनन टॅन आणि चीनची यिन रुओनिंग यांनी १४ अंडर पारवर मजल मारून संयुक्तपणे रौप्यपदक पटकावले.
03 Oct 2026 10:50 AM (IST)
भारतातील मेडिकल प्रवेश परीक्षा नीट यूजी (NEET UG) ही जगातील सर्वात मोठ्या परीक्षांपैकी एक आहे. सुमारे २५ लाख उमेदवारांच्या सहभागासह, उमेदवारांच्या संख्येच्या बाबतीत नीट यूजीला जगातील पाचवी सर्वात मोठी परीक्षा म्हटले गेले आहे. ही माहिती भारतीय स्टेट बैंकच्या (SBI) ‘द स्टेट ऑफ हायर एज्युकेशन इन इंडिया’ या संशोधन अहवालात समोर आली आहे. या अहवालात भारतसह विविध देशांमधील मोठ्या परीक्षांची तुलना करण्यात आली आहे, ज्यामध्ये चीनची ‘गाओकाओ’ परीक्षा सर्वाधिक उमेदवारांची संख्या असलेली परीक्षा ठरली आहे.
03 Oct 2026 10:45 AM (IST)
गेल्या वर्षीच्या तुलनेत यात ५ टक्क्यांची वाढ झाली आहे. एकीकडे घरांची विक्री वाढली असली तरी, राज्य सरकारला मिळणाऱ्या स्टॅम्प ड्युटी (मुद्रांक शुल्क) महसुलात मात्र घट झाली आहे. या महिन्यात सरकारला १२२७ कोटी रुपयांचा महसूल मिळाला. सप्टेंबर २०२५ मध्ये हा आकडा १२९२ कोटी रुपये होता, म्हणजेच यात ५ टक्क्यांची घसरण झाली आहे. व्यवहारांच्या स्वरूपात झालेल्या बदलामुळे ही घट झाल्याचे रिपोर्टमध्ये म्हटले आहे. महिन्यागणिक विचार केला तर, ऑगस्ट २०२६ च्या तुलनेत सप्टेंबरमध्ये नोंदणीत ०.३ टक्क्यांची किरकोळ वाढ झाली.
03 Oct 2026 10:37 AM (IST)
मुंबई : एल निनोच्या प्रभावामुळे यंदा पावसाळ्यात घट दिसून आली असून, आता नवे संकटही घोंगावत आहे. पश्चिम विदर्भ, मराठवाड्यात अर्ध शुष्क अन् कोकण-गोव्यात उष्ण मान्सून हवामान पट्टयात वाढ होत असल्याचे संकेत असून, त्यामुळे बाष्पीभवन वेगाने होण्याची शक्यता नाकारता येत नाही. परिणामी आधीच पाणलोटक्षेत्रात साठा कमी असताना वेगाने बाष्पीभवन झाल्यास पाणीटंचाईची तीव्रता वाढणार आहे. भारताच्या हवामान क्षेत्रांच्या स्वरूपात दीर्घकालीन बदल होत असल्याचे भारतीय हवामानशास्त्र विभागाच्या ‘मौसम’ या संशोधन अभ्यासातून समोर आले आहे.
03 Oct 2026 10:20 AM (IST)
Thackeray Brothers Oct 4 Mumbai Morcha: मतदार यादीतील विशेष पुनर्निरीक्षण प्रक्रियेतील (SIR) कथित गडबडी आणि दोन निवडणूक आयुक्तांनी मुख्य आयुक्तांवर केलेल्या आरोपांच्या पार्श्वभूमीवर, मुख्य निवडणूक आयुक्त ज्ञानेश कुमार यांच्याविरोधात विरोधक आक्रमक झाले आहेत. 'सत्याचा मोर्चा' आणि 'तिरंगा मोर्चा'नंतर आता शिवसेना (उद्धव बाळासाहेब ठाकरे) पक्षप्रमुख उद्धव ठाकरे आणि महाराष्ट्र नवनिर्माण सेनेचे (मनसे) अध्यक्ष राज ठाकरे या ठाकरे बंधूंनी एकत्र येत ४ ऑक्टोबर रोजी मुंबईत भव्य गर्जना मोर्चाची घोषणा केली आहे.
भायखळा ते मुंबई महानगरपालिका दरम्यान निघणाऱ्या या मोर्चासाठी कोणत्याही पक्षाचे झेंडे न वापरता हातात फक्त राष्ट्रध्वज 'तिरंगा' घेण्याचे आवाहन करण्यात आले आहे. काँग्रेस, 'इंडिया' आघाडी (INDIA Bloc) आणि कॉकरोच जनता पार्टीच्या आंदोलनानंतर ठाकरे बंधू स्वतः रस्त्यावर उतरत असल्याने राजकीय वातावरण कमालीचे तापले असून दोन्ही पक्षांकडून मुंबईत या ऐतिहासिक मोर्चासाठी अभूतपूर्व शक्तिप्रदर्शन आणि पूर्वतयारी सुरू झाली आहे.
03 Oct 2026 10:10 AM (IST)
CJP Shivaji Park Election Commission Protest: केंद्रीय निवडणूक आयोग आणि मुख्य निवडणूक आयुक्त ज्ञानेश कुमार यांच्याविरोधात 'कॉकरोच जनता पार्टी'ने (CJP) मुंबईतील ऐतिहासिक शिवाजी पार्क येथे तब्बल साडेतीन तास जोरदार आंदोलन केले. "गद्दार ग्यानू मस्ट गो" अशा तीव्र घोषणाबाजीने परिसर दुमदुमून गेला होता. आंदोलनाचे नेतृत्व करणारे अभिजीत दिपके यांनी देवेंद्र फडणवीस यांच्या "मी पुन्हा येईन" या प्रसिद्ध विधानाचा संदर्भ देत, जेलमधून बाहेर आल्यावर आपणही तेच बोलणार असल्याचे सांगत भाजपवर जोरदार हल्लाबोल केला.
विशेष म्हणजे, या आंदोलनात बॉलिवूडमधील ज्येष्ठ अभिनेत्री शबाना आझमी आणि संगीतकार विशाल ददलानी यांनी थेट सहभागी होऊन मतदार यादीतून नावे गायब झाल्याचा आरोप करत निवडणूक आयोगाच्या कारभारावर प्रश्नचिन्ह उपस्थित केले. तसेच शिवसेना (उद्धव बाळासाहेब ठाकरे) पक्षानेही या आंदोलनाला अधिकृत पाठिंबा दिल्याने या आंदोलनाला मोठे राजकीय व सामाजिक वजन प्राप्त झाले आहे.
03 Oct 2026 10:00 AM (IST)
CJP Dadar Shivaji Park Rally: केंद्रीय निवडणूक आयोग आणि मुख्य निवडणूक आयुक्त ज्ञानेश कुमार यांच्या राजीनाम्याच्या मागणीसाठी 'कॉकरोच जनता पार्टी'ने (CJP) दादर येथील छत्रपती शिवाजी महाराज मैदानावर शक्तीप्रदर्शन करत भव्य आंदोलन छेडले. स्थानिक नागरिकांचा जोरदार विरोध आणि मुंबई पोलिसांची बंदी असतानाही अभिजीत दिपके यांच्या नेतृत्वात शेकडो तरुण व नागरिकांनी शुक्रवारी शिवाजी पार्कात एकत्र येत हुंकार भरला. मुंबईतील या आंदोलनानंतर सीजेपीने आता आपला मोर्चा दिल्लीकडे वळवण्याची घोषणा केली आहे. दरम्यान, स्थानिक रहिवाशांचा विरोध डावलून आंदोलन केल्याप्रकरणी आणि पोलिसांच्या आदेशाचे उल्लंघन केल्याप्रकरणी वकील सिद्धी देवळेकर यांच्या तक्रारीवरून दादर पोलिसांनी अभिजीत दिपके यांच्यासह त्यांच्या प्रमुख सहकाऱ्यांविरोधात तक्रार दाखल केली आहे.
03 Oct 2026 09:58 AM (IST)
Nanded: नांदेडमध्ये आज सकाळी 9.44 वा. सेवालाल चौक, नमस्कार चौक, आनंद‌नगर, लातुर फाटा या भागात भूकंपाचा धक्का जाणवला असल्याची माहिती नागरिकांकडून मिळत आहे. दरम्यान अधिकृत माहिती अजूनही घेतली जात आहे. नागरिकांनी घाबरून न जाता सतर्क रहावे असे आवाहन जिल्हा आपत्ती व्यवस्थापन प्राधिकरण जिल्हाधिकारी कार्यालय नांदेड यांच्याकडून करण्यात येते आहे.
नांदेडमध्ये भूकंपाचे सौम्य धक्के (माहिती - रिपोर्टर सुनील जोशी, नांदेड)
03 Oct 2026 09:50 AM (IST)
India vs West Indies 3rd ODI Bench Strength Test: भारत आणि वेस्ट इंडिज यांच्यातील तीन सामन्यांच्या एकदिवसीय मालिकेतील तिसरा आणि अंतिम सामना शनिवारी, ३ ऑक्टोबर रोजी न्यू चंदीगड येथील मैदानावर रंगणार आहे. सुरुवातीचे दोन्ही सामने जिंकून भारताने मालिकेत २-० अशी विजयी आघाडी घेत मालिका आधीच खिशात घातली असल्याने अंतिम सामन्यात भारतीय संघ व्यवस्थापन बेंच स्ट्रेंथ अजमावण्याची शक्यता आहे. या सामन्यात कर्णधार रोहित शर्माला विश्रांती देऊन युवा फलंदाज यशस्वी जयस्वालला एकदिवसीय संघात संधी दिली जाऊ शकते. यशस्वीने शुभमन गिलसोबत डावाची सुरुवात केल्यास त्याला मिळालेल्या संधीचे सोने करत आपली लय कायम ठेवता येईल, तर मधल्या फळीत विराट कोहली, ऋतुराज गायकवाड, केएल राहुल आणि रवींद्र जडेजा यांच्यावर फलंदाजीची मुख्य धुरा असणार आहे.
03 Oct 2026 09:40 AM (IST)
Marathwada Graduates Constituency Polls: महाराष्ट्र विधान परिषदेच्या मराठवाडा पदवीधर मतदारसंघाच्या निवडणुकीचे बिगुल वाजताच राजकीय वर्तुळात प्रचंड घडामोडी घडताना दिसत आहेत. महायुतीकडून राष्ट्रवादी काँग्रेस अजित पवार पक्षाचे विद्यमान आमदार सतीश चव्हाण यांची उमेदवारी अंतिम मानली जात असतानाच, महाविकास आघाडीतर्फे राष्ट्रवादी काँग्रेस शरदचंद्र पवार पक्षाने त्यांच्याविरोधात प्रतापसिंह पाटील यांना मैदानात उतरवण्याची तयारी सुरू केली आहे. या संभाव्य लढतीची पूर्वतयारी म्हणून प्रतापसिंह पाटील यांनी लातूर, हिंगोली आणि नांदेड जिल्ह्यांत पदवीधरांच्या गाठीभेटी आणि प्रचार दौरे वेगाने सुरू केले आहेत. सलग तीन वेळा निवडून आलेल्या सतीश चव्हाणांसमोर नवे आव्हान उभे करण्यासाठी शरद पवार गटाने ही मोर्चेबांधणी सुरू केल्यामुळे मराठवाडा पदवीधर मतदारसंघातील राजकीय घडामोडींना मोठी धार आली आहे.
03 Oct 2026 09:30 AM (IST)
MVA MLC Election Controversy: राज्य विधान परिषदेच्या ५ पदवीधर व शिक्षक मतदारसंघांच्या जाहीर झालेल्या निवडणुकांच्या पार्श्वभूमीवर महाविकास आघाडीत (MVA) अंतर्गत नाराजी व मतभेद उफाळून आले आहेत. मित्रपक्षांशी कोणतीही पूर्वचर्चा न करता काँग्रेसने नागपूर पदवीधरमधून अभिजीत वंजारी, पुणे शिक्षक मतदारसंघातून जयंत आसगावकर आणि अमरावती शिक्षक मतदारसंघातून प्रा. आदिती पोहरे या तीन उमेदवारांची यादी एकतर्फी जाहीर केल्यामुळे शिवसेना (ठाकरे गट) आणि राष्ट्रवादी काँग्रेस (शरद पवार गट) यांनी तीव्र आक्षेप नोंदवला आहे. या राजकीय तिढ्यावर तोडगा काढण्यासाठी आज शनिवारी दुपारी २ वाजता मुंबईतील हयात हॉटेल येथे मविआच्या प्रमुख नेत्यांची तातडीची बैठक पार पडणार आहे.
