गुरुवार, 15 ऑक्टोबर 2026
Today's Maharashtra Breaking News Updates in marathi 15.10.2026
Maharashtra to World Breaking News :
केंद्रीय निवडणूक आयोगाचे मुख्य आयुक्त ज्ञानेश कुमार यांच्या मनमानी कारभाराविरोधात आणि एसआयआर प्रक्रियेतील फेरफारविरोधात आज (2 ऑक्टोबर) कॉकरोच जनता पार्टीचे आंदोलन सुरू होणार आहे.मुंबईतील शिवाजी पार्कमध्ये आज सायंकाळी ४ वाजल्यापासून सीजेपीचे आंदोलन सुरू होत आहे.
ज्ञानेश कुमार यांनी तातडीने राजीनामा द्यावा, विशेष तीव्र फेरफार (SIR – Special Intensive Revision) अंतर्गत मतदार याद्यांमधून वगळण्यात आलेली नावे आणि ही प्रक्रिया थांबवावी. भविष्यातील निवडणूक आयुक्त नियुक्तीमध्ये नागरी समाजाच्या (civil society) सदस्यांचा सहभाग अनिवार्य करावा, अशी मागणी सीजेपीकडून करण्यात आली आहे.
महात्मा गांधी यांच्या १५७ व्या जयंतीनिमित्त पंतप्रधान आणि राष्ट्रपतींनी दिल्लीतील राजघाटावर जाऊन आदरांजली वाहिली असून देशभर ‘स्वच्छता ही सेवा’ अभियान आणि विशेष उपक्रम आयोजित करण्यात आले आहेत. मान्सूनच्या परतीच्या प्रवासाला वेग आला असला तरी बंगालच्या उपसागरातील कमी दाबाच्या पट्ट्यामुळे मध्य महाराष्ट्र, कोकण आणि विदर्भातील काही जिल्ह्यांत पावसाचा यलो अलर्ट जारी करण्यात आला आहे.
02 Oct 2026 05:59 PM (IST)
महात्मा गांधी जयंतीनिमित्त मुंबईतील मणिभवन परिसरात स्वच्छता अभियान राबवण्यात आले. यावेळी कॅबिनेट मंत्री मंगलप्रभात लोढा यांनी देशातील सामाजिक आणि राजकीय परिस्थितीवर भाष्य करताना, स्वच्छतेसोबतच समाजात अराजकता निर्माण करणाऱ्या प्रवृत्तींचाही सामना करण्याची गरज असल्याचे म्हटले. विरोधकांच्या आंदोलनावर टीका करत त्यांनी विद्यार्थ्यांच्या प्रश्नांपेक्षा राजकीय हेतूंना प्राधान्य दिले जात असल्याचा आरोप केला.
02 Oct 2026 05:45 PM (IST)
भारतीय बॉक्सर अंकुश पंघालने पुरुषाांच्या 80 किलो वजनी गटातील फायनलमध्ये सुवर्ण पदक जिंकत एक नवा इतिहास रचला. एशियन गेम्स 2026 (Asian Games 2026) मध्ये भारतासाठी शुक्रवार हा ‘गोल्डन फ्रायडे’ ठरला, कारण भारताने बॉक्सिंगमध्ये एकापाठोपाठ एक सुवर्ण पदक पटकावले. सुवर्ण पदकाच्या फायनल सामन्यात पंघालने दक्षिण कोरियाचा बॉक्सर किम मिनसाँगचा 4-0 असा पराभव केला. भारताचे एशियन गेम्स 2026 मधील हे 14 वे गोल्ड मेडल ठरले. त्याच्या एक मिनिटानंतरच कुस्तीत सुजीतने भारताला 15 वे सुवर्ण पदक जिंकून दिले.
02 Oct 2026 05:30 PM (IST)
महसूल व वन विभाग, महाराष्ट्र शासनाच्या दि.14 ऑगस्ट 2026 रोजीच्या शासन निर्णयानुसार राज्यात दि. 1 सप्टेंबर 2026 ते दि. 31 मार्च 2027 या कालावधीत ‘महात्मा ज्योतीराव फुले महसूल लोक अदालत अभियान’ राबविण्यात येत आहे अशी माहिती खंडाळा तहसीलदार रविराज जाधव यांनी दिली आहे.
02 Oct 2026 05:16 PM (IST)
महाराष्ट्र राज्य मार्ग परिवहन महामंडळाने (एसटी) प्रवाशांच्या सोयीसाठी सुरू केलेल्या ‘आवडेल तेथे कोठेही प्रवास पास’ योजनेतील पास आता ऑनलाइन पद्धतीने उपलब्ध करून देण्याचा निर्णय घेतला आहे. त्यामुळे प्रवाशांना आगारात जाऊन हस्तलिखित पद्धतीने पास काढण्याची आवश्यकता राहणार नसून, घरबसल्या ऑनलाइन पास मिळवता येणार आहे.
02 Oct 2026 05:00 PM (IST)
Pune BJP : पुणे जिल्हा ग्रामीणमधील युवकांना संघटनात्मकदृष्ट्या एकत्र आणण्यासाठी भारतीय जनता युवा मोर्चाच्या वतीने ‘युवा निर्धार मेळावा’ आयोजित करण्यात आला आहे. शनिवार, ३ ऑक्टोबर २०२६ रोजी जेजुरी येथील मार्तंड सभागृहात सायंकाळी ४.३० वाजता हा मेळावा होणार आहे. युवा कार्यकर्ते, पदाधिकारी आणि युवकांशी संवाद साधत सामाजिक, शैक्षणिक, रोजगार तसेच युवकांच्या विविध प्रश्नांवर यावेळी चर्चा होणार आहे.
02 Oct 2026 04:55 PM (IST)
Jai Jai Swami Samarth: नवरात्री म्हणजे आदिशक्तीचा उत्सव, स्त्रीच्या सामर्थ्याचा जागर आणि अन्यायाविरुद्ध उभं राहण्याची प्रेरणा. याच नवरात्रीच्या पार्श्वभूमीवर ‘जय जय स्वामी समर्थ’ मालिकेत एक भव्य, नाट्यमय आणि प्रेरणादायी पर्व प्रेक्षकांच्या भेटीला येणार आहे. ‘जागर शक्तीचा – महिमा स्वामींचा’ या विशेष भागांमध्ये स्वामी काही पीडित स्त्रियांना एकत्र आणून त्यांच्या मनात दडलेल्या शक्तीची जाणीव करून देणार आहेत.
02 Oct 2026 04:50 PM (IST)
Dombivli News: डोंबिवलीतील गोग्रासवाडी परिसरातील अनधिकृत गोठ्यामुळे निर्माण झालेली दलदल आणि अस्वच्छतेचा प्रश्न पुन्हा एकदा ऐरणीवर आला आहे. गेल्या वर्षी जून महिन्यात याच परिसरात एका शाळकरी मुलीच्या अंगावर बैल धावून आल्याने ती घाबरून पळत असताना अनेक वर्षांपासून साचलेल्या शेणाच्या दलदलीत अडकली होती. त्यावेळी स्थानिक नागरिकांनी प्रयत्नांची पराकाष्ठा करून तिला सुखरूप बाहेर काढले होते. आता पुन्हा एकदा याच दलदलीत एक व्यक्ती अडकल्याची घटना घडली आहे.
02 Oct 2026 04:45 PM (IST)
Nagpur News : सध्या राज्यात गुप्तपणे सुरु असलेल्या विविध वस्तूंच्या तस्करीवर मोठ्या घडामोडी घडत आहेत . याच्या बातम्या अधून मधून प्रसारमाध्यमांवर दिसत असतात . पण वन्यजीवांच्या तस्कऱ्या काही केल्या कमी होण्याचे नाव घेत नाहीत . पोलीस यंत्रणासुद्धा निकराचा प्रयत्न करून अशा टोळ्यांना पकडत आहेत . महसूल गुप्तवार्ता संचालनालयाच्या (डीआरआय) नागपूर क्षेत्रीय युनिटने गुप्त माहितीच्या आधारे अवघ्या तीन दिवसांत दोन मोठ्या कारवाया केल्या. एका कारवाईत आंतरराज्यीय अमली पदार्थ तस्करी करणाऱ्या टोळीचा पर्दाफाश करीत १.०५ कोटीचे अॅम्फेटामाइन जप्त केले तर दुसऱ्या कारवाईत गोंदिया जिल्ह्यात बिबट्याची कातडी जप्त करून वन्यजीव तस्करी करणाऱ्या टोळीतील दोघांना अटक केली.
02 Oct 2026 04:40 PM (IST)
परवीन हुड्डाने एशियन गेम्स 2026 (Asian Games 2026) मधील पदक जिंकण्याची आपली प्रतिक्षा संपुष्टात आणली. 26 वर्षीय परवनीनने महिलांच्या 65 किलो वजनी गटात सुवर्ण पदकाला गवसणी घातली. एशियन गेम्स 2026 बॉक्सिंगमध्ये भारताचे हे दुसरे पदक, तर एकूण 13 वे सुवर्ण पदक ठरले. परवीनने शुक्रवारी चिनी ताइपैच्या नीन चेनविरोधात अटीतटीच्या सामन्यात फायनल जिंकली. भारतीय बॉक्सरने सुरुवातीला पहिला राउंड 5- 0 असा जिंकला. चेनने दुसऱ्या राउंडमध्ये दमदार पुनरागमन केले आणि हा राउंड 5-0 असा जिंकला. अखेरच्या राउंडमध्ये परवीनने आपले धैर्य कायम राखत हा राउंड 3-2 असा जिंकत गोल्ड मेडल पक्के केले.
02 Oct 2026 04:35 PM (IST)
धाराशिव : उमरगा तालुक्यातील समुद्राळ येथील भाऊसाहेब बिराजदार सहकारी साखर कारखान्याकडे मागील गाळप हंगामातील कोट्यवधी रुपयांची ऊस बिले थकीत राहिले आहेत. यामुळे संतप्त झालेल्या ऊस उत्पादक शेतकऱ्यांनी काल मध्यरात्रीपासून धाराशिव जिल्हाधिकारी कार्यालयासमोर बेमुदत धरणे आंदोलन सुरू केले आहे. कारखान्याकडे शेतकऱ्यांची सुमारे २१ कोटी रुपयांची थकबाकी असून, प्रशासनाने दिलेल्या लेखी आश्वासनानंतरही पैसे न मिळाल्याने हवालदील झालेल्या शेतकऱ्यांनी हा आक्रमक पवित्रा घेतला आहे. (Farmers Protest)
02 Oct 2026 04:30 PM (IST)
पाटणा हायकोर्टाने एका युनानी वैद्यकीय विद्यार्थिनीला मोठा दिलासादायक निर्णय घेतला आहे. दोन विषयात नापास झाला तरी विद्यार्थ्यांचे वर्ष वाया जाणार नाही.आता हायकोर्टाच्या आदेशामुळे ती तिसऱ्या वर्षाची परीक्षा देऊ शकणार आहे. हा निकाल न्यायमूर्ती हरीश कुमार यांच्या खंडपीठाने दिला आहे. कदमकुआं येथील सरकारी तिब्बी कॉलेजमधील BUMS 2021-2026 च्या विद्यार्थिनी खुशबू कुमारीची ही केस आहे.
खुशबू कुमारी ही कटिहारची राहणारी येथे राहणारी आहे. ती शासकीय तिब्बी कॉलेजमध्ये BUMS करते तिचा दुसऱ्या वर्षाच्या पहिल्या पुरवणी परीक्षेचा निकाल लागला. त्यात ती दोन विषयात नापास झाली. शैक्षणिक नियमांनुसार, विद्यापीठाने ठरलेल्या वेळेत दुसरी पुरवणी परीक्षा घ्यायला पाहिजे होती मात्र (AKU) आर्यभट्ट नॉलेज युनिव्हर्सिटीने आजपर्यंत दुसरी पुरवणी परीक्षा झालीच नाही. BUMS Student:
02 Oct 2026 04:25 PM (IST)
सातारा : करंजे तर्फ सातारा येथील देवस्थान इनाम वर्ग-३ मधील गट नं. १५५ मधील 111.6 गुंठे जमिनीच्या मालकी व फेरफार नोंदीवरून गंभीर प्रश्न उपस्थित झाले आहेत. या जमिनीच्या व्यवहारात कोट्यवधी रुपयांचा गैरव्यवहार झाल्याचा आरोप सामाजिक कार्यकर्ते हेमंत मोरे यांनी पत्रकार परिषदेत केला. मोरे यांनी संबंधित प्रकरणाची सखोल चौकशी करून चुकीच्या नोंदी रद्द कराव्यात आणि शासनाचे नाव जमिनीवर दाखल करावे, अशी मागणी त्यांनी जिल्हाधिकारी व महसूल विभागाकडे केली आहे.
02 Oct 2026 04:20 PM (IST)
पुणे : चाकण आणि हिंजवडी औद्योगिक परिसरातील वाढती वाहतूक कोंडी, रस्त्यांवरील खड्डे, पर्जन्य जलनिस्सारण, नाल्यांवरील अतिक्रमणे, रस्ते रुंदीकरण तसेच जंक्शन, यू-टर्न आणि सार्वजनिक वाहतूक व्यवस्थेच्या प्रश्नांवर ठोस उपाययोजना करण्यासाठी जिल्हाधिकारी जितेंद्र डुडी यांनी उच्चस्तरीय टास्क फोर्स समितीच्या माध्यमातून आढावा घेतला. संबंधित यंत्रणांनी सर्वेक्षण, नियोजन आणि आवश्यक कार्यवाही तातडीने पूर्ण करून त्याचा कृती आराखडा तयार ठेवावा, असे निर्देश त्यांनी दिले.
02 Oct 2026 04:15 PM (IST)
आशियाई क्रीडा २०२६ च्या (Asian Games 2026) मध्ये पुरुष क्रिकेटचा अंतिम सामना भारत आणि पाकिस्तान यांच्यात खेळला जाणार आहे. हे दोन्ही संघ ३ ऑक्टोबर रोजी सुवर्णपदकासाठी एकमेकांविरुद्ध खेळतील. गतविजेत्या भारताने उपांत्य फेरीत श्रीलंकेला १२४ धावांच्या मोठ्या फरकाने पराभूत करून अंतिम फेरीत स्थान मिळवले. तर, पाकिस्तानने बांग्लादेशला विकेट्सने पराभूत करून विजेतेपदाच्या सामन्यात आपले स्थान निश्चित केले. आता, श्रेयस अय्यरच्या नेतृत्वाखालील भारतीय संघ पाकिस्तानला पराभूत करून सलग दुसऱ्यांदा सुवर्णपदक जिंकण्याच्या प्रयत्नात असेल. भारत-पाकिस्तानचा हा महामुकाबला कधी आणि कुठे रंगणार आहे. जाणून घेऊयात.
02 Oct 2026 04:10 PM (IST)
सप्टेंबर 2026 मध्ये Nissan Motor Indiaच्या देशांतर्गत विक्रीत मोठी वाढ पाहायला मिळाली. कंपनीने महिन्यात 3,300 युनिट्सची विक्री केली. गेल्या वर्षी सप्टेंबरमध्ये ही संख्या 1,652 युनिट्स होती. म्हणजेच वर्षाच्या तुलनेत विक्री जवळपास दुप्पट झाली असून 1,648 युनिट्सची वाढ नोंदवण्यात आली आहे. निसानने सप्टेंबरमध्ये देशांतर्गत विक्रीसह एकूण 10,025 युनिट्सची होलसेल नोंदवली. यापैकी 6,725 युनिट्स एक्सपोर्ट करण्यात आल्या. म्हणजेच कंपनीच्या एकूण मासिक व्हॉल्यूमपैकी जवळपास 67 टक्के वाटा एक्सपोर्टचा होता. भारतातील विक्रीपेक्षा कंपनीचा एक्सपोर्ट व्हॉल्यूम दुपटीहून जास्त राहिला.
02 Oct 2026 04:05 PM (IST)
छत्रपती संभाजीनगर : पैठण तालुक्यातील विहामांडवा येथून मन हेलावून टाकणारी घटना समोर आली आहे. नऊ महिन्यांची गर्भवती असलेल्या महिलेची प्रकृती गंभीर झाल्यानंतरही तिला वेळेत उपचार मिळाले नसल्याचा आरोप असून, अखेर महिलेचा आणि तिच्या पोटातील बाळाचा मृत्यू झाला. उपचाराचा खर्च करण्यास सासरच्या मंडळींनी नकार दिल्याचा आरोप करण्यात आला आहे. विशेष म्हणजे, माहेरच्यांनी उपचाराचा खर्च करण्याची तयारी दर्शवूनही महिलेला वेळेत रुग्णालयात दाखल करण्यात आले नसल्याचे तक्रारीत म्हटले आहे. या प्रकरणी मृत महिलेच्या पतीसह सासू-सासरे आणि नणंदेविरुद्ध पाचोड पोलीस ठाण्यात गुन्हा दाखल करण्यात आला आहे. स्वाती उर्फ समीक्षा विशाल निंबाळकर असे मृत महिलेचे नाव आहे.
02 Oct 2026 03:59 PM (IST)
Kalyan Redevelopment Project: कल्याण पश्चिमेतील चिकनघर परिसरात टायकून समूहाकडून सुरू असलेल्या पुनर्विकास प्रकल्पावरून रहिवाशांमध्येच मतभेद निर्माण झाले आहेत. या प्रकल्पातील रहिवाशांच्या एका गटाने बिल्डरविरोधात गुन्हा दाखल झाल्यानंतर आक्रमक भूमिका घेतली आहे. तर दुसऱ्या गटाने या प्रकरणात राजकारण केले जात असल्याचा आरोप केला आहे. या पार्श्वभूमीवर ‘आम्हाला घर पाहिजे, राजकारण नको’ अशी भूमिका घेत रहिवाशांचा दुसरा गट पुढे आला आहे. या प्रकरणात आता काँग्रेसने देखील उडी घेतली असून बिल्डर विरोधात कारवाईची मागणी केली आहे.
02 Oct 2026 03:50 PM (IST)
पुणे : बारामतीत झालेला पेट्रोल पंपावर कोयत्याने हल्ला व शेरेवाडी परिसरातील घटनांच्या यापार्श्वभूमीवर खासदार सुप्रिया सुळे यांनी पुणे ग्रामीणचे पोलिस अधीक्षक संदीपसिंह गिल यांची भेट घेतली. बारामती, दौंड, इंदापूर, पुरंदरसह संपूर्ण पुणे ग्रामीण भागात पोलिस पेट्रोलिंग वाढविण्यासह संवेदनशील ठिकाणी चेकिंग, सीसीटीव्ही कॅमेऱ्यांची संख्या वाढविणे आणि आवश्यकतेनुसार पोलिसांचे मनुष्यबळ वाढविण्याची मागणी त्यांनी केली.
02 Oct 2026 03:40 PM (IST)
ठाणे : शिवसेना (उद्धव ठाकरे) गटाचे विभागप्रमुख प्रदीप उर्फ बाळू पूर्णेकर यांच्या हत्या प्रकरणाच्या तपासाला वेग आला असून, पोलिसांच्या हाती धक्कादायक माहिती लागली आहे. पोलिस तपासानुसार, पूर्णेकर यांच्या हत्येचा कट काही आठवडे आधीच आखण्यात आल्याचा संशय आहे. हल्ल्यापूर्वी आरोपींनी पूर्णेकर यांच्या दैनंदिन हालचालींवर लक्ष ठेवण्यासोबतच हत्या कशी करायची, याची मॉक ड्रिल केल्याची माहिती तपासातून समोर आल्याचे सांगितले जात आहे. हत्येनंतर आरोपींच्या शोधासाठी ठाणे गुन्हे शाखेने नऊ पथके तयार केली होती. पोलिसांनी पप्या शिंदे याला ताब्यात घेतल्यानंतर त्याच्याकडून इतर आरोपींची माहिती मिळवण्याचा प्रयत्न केला. मात्र, त्याने ठोस माहिती दिली नसल्याचे पोलिस सूत्रांकडून सांगण्यात आले.
02 Oct 2026 03:30 PM (IST)
Maharashtra Drought 2026 : दुष्काळ, सततची नापिकी आणि डोक्यावर वाढत चाललेले कर्ज यामुळे हतबल झालेल्या खानापूर (ता. धाराशिव) येथील दयानंद संताराम राठोड (वय ३४) या अल्पभूधारक शेतकऱ्याने गुरुवारी (१ ऑक्टोबर) सायंकाळी गळफास घेऊन आत्महत्या केली. या घटनेने संतप्त झालेल्या नातेवाईक, ग्रामस्थ आणि शेतकऱ्यांनी शुक्रवारी (२ ऑक्टोबर) मृतदेह थेट जिल्हाधिकारी कार्यालयात आणत ठिय्या आंदोलन सुरू केले. ‘शेतकऱ्यांना न्याय मिळालाच पाहिजे’, ‘आत्महत्याग्रस्त कुटुंबाला मदत मिळालीच पाहिजे’ अशा घोषणांनी जिल्हाधिकारी कार्यालयाचा परिसर दणाणून गेला.
02 Oct 2026 03:20 PM (IST)
महात्मा गांधी जयंती दिनी कोल्हापुरात व्यापाऱ्यांचे आंदोलनं
२ हजार UPI व्यवहारावरील प्रस्तावित MDR शुल्क आकारणी मागे घ्या मागणीसाठी व्यवहारी आक्रमक
कोल्हापुरातल्या पापाची तिकटी इथल्या महात्मा गांधी पुतळ्या समोर व्यापाऱ्यांची घोषणाबाजी
02 Oct 2026 03:10 PM (IST)
दिल्लीतील 11 मेट्रो स्टेशनमध्ये प्रवेश बंदीपुढील सूचना मिळेपर्यंत प्रवेश बंदी असणार जंतरमंतरवरील आंदोलनाच्या पार्श्वभूमीवर निर्णय
दरम्यान, राजीव चौक, मंडी हाऊस, नवी दिल्ली आणि सेंट्रल सेक्रेटरिएट या स्टेशनवर इंटरचेंजची सुविधा सुरू राहणार आहे.
02 Oct 2026 03:04 PM (IST)
भारतीय महिला तिरंदाजी संघाने आशियाई क्रीडा २०२६ मधील ( Asian Games 2026) रिकर्व्ह प्रकारात इतिहास रचला. भारताने अंतिम सामन्यात १० वेळच्या ऑलिम्पिक चॅम्पियन दक्षिण कोरियाला ५-३ ने पराभूत करून महिलांच्या सांघिक रिकर्व्ह तिरंदाजी प्रकारात प्रथमच सुवर्णपदक जिंकले. कुमकुम मोहाड, अंकिता भाकत आणि कीर्ती या त्रिकुटाने भारतासाठी उत्कृष्ट कामगिरी करत संघाला अंतिम सामन्यात ऐतिहासिक विजय मिळवून दिला. पहिले दोन सेट बरोबरीत सुटल्यानंतर, भारताने तिसऱ्या सेटमध्ये दक्षिण कोरियाच्या महिला तिरंदाजी संघाला पराभूत करून सुवर्णपदकार नाव कोरले.
02 Oct 2026 02:59 PM (IST)
दुष्काळग्रस्त भागाच्या पाहणी दौऱ्यावर असलेले शरद पवार शेतकऱ्यांच्या विविध समस्या जाणून घेणार आहेत. त्यानंतर कृषिमंत्र्यांची भेट घेऊन शेतकऱ्यांच्या मागण्या आणि अडचणी सरकारसमोर मांडणार असल्याचे त्यांनी सांगितले.
02 Oct 2026 02:51 PM (IST)
कोपरगाव शहरात आज गांधी जयंतीचे औचित्य साधून 'नो यूपीआय डे' साजरा करण्यात येत आहे. केंद्र सरकारने यूपीआय व्यवहारांवर एमडीआर शुल्क आकारण्याच्या घेतलेल्या निर्णयाविरोधात व्यापारी वर्ग आक्रमक झाला असून, कोपरगावमध्ये आज अनोख्या गांधीगिरी मार्गाने तीव्र निषेध नोंदवला जात आहे. महाराष्ट्र चेंबर ऑफ कॉमर्स आणि कोपरगाव तालुका व्यापारी महासंघाच्या नेतृत्वाखाली पदाधिकाऱ्यांनी शहरात फिरून व्यापाऱ्यांच्या भेटी घेतल्या आणि या शुल्काविषयी सविस्तर जनजागृती केली. तसेच नो यूपी आयचे पोस्टर लावण्यात आले आहेत.
02 Oct 2026 02:40 PM (IST)
एकनाथ शिंदे शिवसेनेच्या माजी महापौर नगरसेविका मीनाक्षी शिंदे यांनी प्रदीप पुर्णेकर हत्याप्रकरणावर पत्रकार परिषदेत घेत, दिशा सालियान मृत्यूप्रकरणावर बोट ठेवत ठाकरे पिता-पुत्रावर गंभीर आरोप केले. दिशा सालियन प्रकरणात तिचे वडील फेऱ्या मारत आहेत. फिर्यादीमध्ये आदित्य ठाकरे यांचे नाव का टाकले नाही. उद्धव ठाकरे त्यावेळी CM होते, त्यांनी पुरावे नष्ट केले. ज्यांनी पुरावे नष्ट केले असतील त्यांची चौकशी करावी. आदित्य ठाकरे यांना देखील अटक करावे. आता Fir झाली आहे. त्या कॉपी त आदित्य आणि उद्धव ठाकरे यांची नावे लिहिली आहे, याकडे मीनाक्षी शिंदे यांनी लक्ष वेधले.
02 Oct 2026 02:30 PM (IST)
यवतमाळ शहरातील बाबाजी दाते महिला सहकारी बँकेतील थकबाकीदारांवर सक्तवसुली संचालनालयाने (ईडी) छापे घातले. यवतमाळ आणि वणी येथील नऊ थकबाकीदारांवर छापा पडल्याची माहिती आहे. यात थकबाकीदारांच्या घरातील कर्ज प्रकरणाची कागदपत्रे तपासण्यात आली असून, या प्रकारामुळे सर्वत्र खळबळ उडाली आहे.
02 Oct 2026 02:21 PM (IST)
शरद पवार आज पुरंदर बारामतीच्या दौऱ्यावर आहेत. महाराष्ट्र सरकारने 266 तालुक्यात दुष्काळ जाहीर केल्यानंतर शरद पवार आज प्रथमच दुष्काळ पाहणी दौरा करत आहेत. यादरम्यान वागदरवाडीमध्ये पवार यांनी शेतकऱ्यांच्या बांधावर जाऊन दुष्काळ स्थितीचा आढावा घेतला. खूप पाऊस कमी झाला असून चाऱ्याचा प्रश्न निर्माण झाला आहे. तात्काळ चाऱ्याची छावणी सुरू करावीत, अशी मागणी उपस्थित शेतकऱ्यांनी शरद पवार यांच्याकडे केली.
02 Oct 2026 02:10 PM (IST)
नेपाळ आणि उत्तर प्रदेशात झालेल्या मुसळधार पावसामुळे बिहारमधील गंडक नदी अनेक ठिकाणी यापूर्वीच्या सर्वोच्च पूरपातळीपेक्षा सुमारे 22 सें.मी. ने वरून वाहत आहे. त्यामुळे नदीच्या दोन्ही तटबंदींवर मोठा दबाव निर्माण झाला आहे. सारणमधील पनापूर आणि मुझफ्फरपूरमधील साहेबगंज येथे तटबंदीला भगदाड पडले आहे. गंगा नदी धोक्याच्या पातळीवरून वाहत असल्याने गंडक नदीवर उलट्या प्रवाहाचा दबाव वाढला आहे.
02 Oct 2026 01:55 PM (IST)
ठाण्याच्या मानपाडा परिसरातील ठाकरे गटाचे विभागप्रमुख प्रदीप पूर्णेकर यांच्या हत्येमुळे राजकीय वर्तुळात खळबळ उडाली आहे. प्रदीप पुर्णेकर यांच्या कार्यालयात घुसून पाच जणांनी त्यांची गोळ्या झाडून आणि कोयत्याचे वार करून निर्घृण हत्या केली होती. याप्रकरणी पूर्णेकर कुटुंबीयांनी शिंदे सेनेच्या नेत्या मिनाक्षी शिंदे आणि त्यांचे पती राजेंद्र शिंदे यांच्यावर आरोप केले जातं आहे. (Pradeep Purnekar Case)
02 Oct 2026 01:45 PM (IST)
टेक कंपनी Huawei ने चीनमध्ये त्यांच्या नव्या फ्लॅगशिप सिरीजअंतर्गत आणखी एक नवा 5G स्मार्टफोन लाँच केला आहे. हा स्मार्टफोन Huawei Mate 90 Pro Max या नावाने लाँच करण्यात आला आहे. कंपनीने कॅमेरा आणि फोटोग्राफीवर फोकस करण्यासाठी हा नवा स्मार्टफोन डिझाईन केला आहे. या डिव्हाईसमध्ये 200MP RYYB पेरिस्कोप टेलीफोटो कॅमेरा मिळणार आहे, ज्यामुळे स्मार्टफोन अधिक खास बनत आहे. प्रिमियम रेंजमध्ये लाँच करण्यात आलेल्या या स्मार्टफोनची किंमत आणि त्याचे फीचर्स जाणून घेऊया.
02 Oct 2026 01:35 PM (IST)
पावसाने पाठ फिरवल्याने खरीप हंगाम अडचणीत सापडलेल्या पुणे जिल्ह्यातील दुष्काळग्रस्त आठ तालुक्यांतील शेतकऱ्यांना राज्य सरकारने मोठा दिलासा दिला आहे. दुष्काळाच्या काळात कर्जाचा तगादा लागू नये, यासाठी खरीप २०२६ मधील अल्पमुदत पीक कर्जाचे मध्यम मुदत कर्जात पुनर्गठन करण्यास मान्यता देतानाच शेतीशी निगडित कर्जाच्या वसुलीलाही स्थगिती देण्यात आली आहे. त्यामुळे पीक हातातून गेल्याने आर्थिक संकटात सापडलेल्या शेतकऱ्यांना कर्जफेडीसाठी मुदत मिळणार आहे.
02 Oct 2026 01:25 PM (IST)
मध्य-पूर्वेतील (Middle East) भू-राजकीय तणावाने आतापर्यंतचे सर्वात भयंकर रूप धारण केले असून, दुबईहून इस्रायलमधील तेल अवीवकडे उड्डाण करणाऱ्या ‘फ्लायदुबई FZ1073’ (Flydubai FZ1073) या प्रवाशांनी भरलेल्या विमानातील कथित दहशतवादी कटामुळे जगभरात प्रचंड खळबळ उडाली आहे. या विमानात १७४ प्रवासी आणि कर्मचारी प्रवास करत होते, ज्यामध्ये प्रामुख्याने इस्रायली नागरिकांचा समावेश होता. उड्डाण घेतल्यानंतर अवघ्या काही वेळातच कॉकपिटमध्ये घडलेल्या रक्तरंजित आणि नाट्यमय प्रसंगाने आंतरराष्ट्रीय स्तरावर खळबळ उडवून दिली आहे. या घटनेनंतर आता अमेरिका, इस्रायल आणि इराण हे तीन देश थेट आमनेसामने आले असून मध्य-पूर्वेत युद्धाची ठिणगी पडण्याची शक्यता निर्माण झाली आहे.
02 Oct 2026 12:48 PM (IST)
दुचाकीस्वार दाम्पत्याला धमकावून त्यांना लुटल्याची घटना कात्रज घाटात घडली आहे. पसार झालेल्या तीन चोरट्यांना पोलिसांनी अटक केली आहे. याप्रकरणी तौहिद असला शाह (वय २३), सुलेमान यासीन शेख (वय २१), रोहित बबलू सिंग (वय २०, तिघे रा. पिंपरी) यांना अटक करण्यात आली. याबाबत एकाने आंबेगाव पोलिसांत तक्रार दिली आहे. तक्रारदार हे खेड शिवापूर येथे राहायला आहेत. अंगारकी चतुर्थी असल्याने तक्रारदार व त्यांची पत्नी मंगळवारी (२९ सप्टेंबर) दुचाकीवरून पहाटे साडेचारच्या सुमारास श्रीमंत दगडूशेठ हलवाई गणपती मंदिरात दर्शनासाठी निघाले होते. कात्रज घाटातून ते दुचाकीवरून पुण्याकडे येत होते. जुन्या कात्रज बोगद्याजवळ दुचाकीवरून आलेल्या चोरट्यांनी दुचाकीस्वार तक्रारदार आणि त्यांच्या पत्नीला अडवले. चोरट्यांनी त्यांना धमकावले. दुचाकीची चावी चोरट्यांनी ताब्यात घेतली. नंतर चोरट्यांनी तक्रारदाराच्या पत्नीच्या गळ्यातील एक लाख रुपयांचे मंगळसूत्र हिसकावून नेले. घाबरलेल्या दाम्पत्याने आंबेगाव पोलीस ठाण्यात धाव घेऊन तक्रार दिली. पोलिसांनी घटनास्थळी धाव घेऊन तातडीने तपास सुरू केला.
02 Oct 2026 12:36 PM (IST)
खराडी गावठाणातून तरुणाला कारमध्ये जबरदस्तीने घालून त्याचे अपहरण करण्यात आल्याचा प्रकार समोर आला आहे. जिवे मारण्याची धमकी देत बेल्ट आणि काठीने मारहाण करून त्याला जखमी केल्याप्रकरणी दहा जणांवर गुन्हा दाखल झाला आहे. याप्रकरणी शुभम नामदेव खवळे (वय २०), साई नामदेव खवळे (वय १८, दोघे रा. हडपसर), १७ वर्षांचा विधीसंघर्षित बालक व त्यांचे सात मित्र, यांच्यावर खराडी पोलिस ठाण्यात गुन्हा दाखल करण्यात आला आहे. याबाबत श्लोक प्रमोद मोरे (वय १९, रा. खराडी गावठाण, मूळ रा. राजेवाडी, ता. आटपाडी, जि. सांगली) यांनी तक्रार दिली आहे. दिनांक २८ सप्टेंबर रोजी सायंकाळी साडेसात वाजता खराडी गावठाणातील बुद्धविहारासमोर ही घटना घडली आहे.
02 Oct 2026 12:24 PM (IST)
पोलिसांची टोपी घालून कॅब चालकाला रुबाब झाडत त्याला शिवीगाळ तसेच अर्वाच्य भाषेत बोलत असल्याचा एक व्हिडीओ व्हायरल झाला होता. त्यानंतर पोलिसांनाच टीकेला सामोरे जावे लागले होते. परंतु, शिवाजीनगर पोलिसांनी शोध घेत त्याला पकडल्यानंतर तो पोलिसच नसल्याचे समोर आले असून, तो पोलिसांची टोपी घालून रूबाब करत असल्याचे समोर आले आहे. याप्रकरणी मजहर मजीद शेख (वय २७, रा.बुरूड आळी, ता. शिरुर) या तोतया तरुणाला अटक केली आहे. याप्रकरणी महिला पोलिस अंमलदार अश्विनी गगे यांनी तक्रार दिली आहे.
02 Oct 2026 12:12 PM (IST)
हिमाचल प्रदेशात खून केल्यानंतर मुंबईच्या दिशेने पसार झालेल्या चार आरोपींच्या पलायनाला जळगावातच ब्रेक लागला आहे. प्रवासासाठी पैसे संपल्याने मोबाईल विकण्यासाठी जळगावात उतरलेल्या आरोपींचे लोकेशन हिमाचल प्रदेश पोलिसांनी जळगाव पोलिसांना कळविले. माहिती मिळताच शनिपेठ पोलिसांनी शोधमोहीम राबवून चौघांना ताब्यात घेतले. हिमाचल प्रदेशातील मुकेश कुमार यांच्या खूनप्रकरणी एफआयआर क्रमांक ८२/२०२६, दि. ३० सप्टेंबर २०२६ अन्वये गुन्हा दाखल आहे. प्राथमिक माहितीनुसार, मुकेश कुमार व आरोपी एकत्र दारू पीत असताना बहिणीवरून शिवीगाळ केल्याच्या कारणातून वाद झाला. त्यानंतर आरोपींनी हल्ला करून मुकेश कुमार यांचा खून केल्याची माहिती हिमाचल पोलिसांनी दिली.
02 Oct 2026 11:50 AM (IST)
सरकारी नोकरीच्या शोधत असाल तर ही बातमी तुमच्यासाठी आहे. शिपिंग कॉर्पोरेशन ऑफ इंडिया मुंबई म्हणजेच SCI मुंबईने नवीन भरती काढली आहे. यात मुख्य व्यवस्थापक कायदेशीर या पदासाठी जागा आहे.ही भरती सप्टेंबर 2026 च्या जाहिरातीमध्ये आली आहे. एकूण जागा एक असून पगार चांगला दिला जाईल. मुंबईत नोकरी करायची संधी हातातून जाऊ देऊ नका. अर्ज करण्याची शेवटची तारीख 13 ऑक्टोबर 2026 आहे.
02 Oct 2026 11:45 AM (IST)
दोन उमेदवारांचे अर्ज बाद झाल्याने भाजपची कोंडी, ऐनवेळी नव्या नावांची शिफारस, त्यावर शिवसेनेचा जोरदार आक्षेप आणि सभागृहात रंगलेले राजकीय नाट्य.....या सर्व घडामोडींनंतर उल्हासनगर महापालिकेच्या सात स्वीकृत नगरसेवकांची निवड अखेर बिनविरोध झाली. राजकीय संख्याबळाच्या खेळात शिवसेनेने पाच जागा मिळवल्या, तर भाजपच्या वाट्याला दोन जागा आल्या.
02 Oct 2026 11:35 AM (IST)
ट्रक आणि पिकअप बोलेरोची धडक होऊन 5 जणांचा जागीच मृत्यू झाला, तर उपचारादरम्यान आणखी 2 जणांचा मृत्यू झाला आहे. या दुर्घटनेत 25 जण जखमी आहेत. हा भीषण अपघात समृद्धी महामार्गावर धामणगाव रेल्वे जवळ झाला .गावहून दुर्गादेवीची मूर्ती घेऊन जात असताना हा अपघात घडला. जखमींवर रुग्णालयात उपचार सुरू आहे.
02 Oct 2026 11:20 AM (IST)
नाशिकच्या गंगापूर पोलिस ठाण्याच्या कर्मचाऱ्यांनी मोठी कामगिरी केली आहे. थेट पाकिस्तान सीमेवर जाऊन राजस्थानातून अमली पदार्थ आणि तस्करांना ताब्यात घेतले. या प्रकरणात रफिक खान (वय २३), रोहित मेघवाल (वय २२) आणि शौकत अली (वय २६) बाडमेर आणि जोधपूर येथील रहिवासी असलेल्या या तिघांना ताब्यात घेण्यात आले आहे.
02 Oct 2026 11:10 AM (IST)
दिवेआगर येथे सहलीदरम्यान आठ विद्यार्थ्यांचा बुडून मृत्यू झाल्याच्या घटनेनंतर आळंदीतील विनर्स अकॅडमीवर आळंदी नगरपरिषद कारवाई करणार असल्याची माहिती समोर येत आहे.
02 Oct 2026 11:10 AM (IST)
Asian Games 2026: लव्हलिना बोरगोहेनने २०२६ च्या आशियाई क्रीडा स्पर्धेत सुवर्णपदक जिंकले आहे. तिने महिलांच्या ७५ किलो वजनी गटाच्या अंतिम फेरीत चिनी बॉक्सर बाओ जियेईचा ५-० असा पराभव केला. पहिल्या दोन फेऱ्यांनंतर लव्हलिना थोड्या फरकाने आघाडीवर होती, पण अंतिम फेरीत तिने निर्णायक आघाडी घेतली. २०१४ नंतर आशियाई क्रीडा स्पर्धेत सुवर्णपदक जिंकणारी ती पहिली भारतीय महिला बॉक्सर आहे.
माजी विश्वविजेती लव्हलिनाने आशियाई क्रीडा स्पर्धेत पहिल्यांदाच सुवर्णपदकाचे लक्ष्य ठेवले होते. २०२२ च्या आशियाई क्रीडा स्पर्धेत लव्हलिनाला रौप्यपदकावर समाधान मानावे लागले होते, पण चार वर्षांनंतर तिने पदकाचा रंग बदलण्यात यश मिळवले आहे. तिच्या आधी केवळ मेरी कोमने आशियाई क्रीडा स्पर्धेतील महिलांच्या बॉक्सिंग स्पर्धेत भारतासाठी सुवर्णपदक जिंकले होते.
02 Oct 2026 11:05 AM (IST)
अभिनेत्री जान्हवी किल्लेकर सध्या तिच्या एका वक्तव्यामुळे चर्चेत आहे. कोल्हापूरला गेल्यानंतर बिस्लेरीच्या पाण्याने अंघोळ करत असल्याचं तिने सांगितल्यानंतर सोशल मीडियावर तिच्यावर मोठ्या प्रमाणात टीका झाली. या ट्रोलिंगनंतर आता जान्हवीने एक व्हिडीओ शेअर करत आपली बाजू स्पष्ट केली आहे. यावेळी तिने आपल्या त्वचेला झालेल्या समस्यांचे फोटोही दाखवले आणि या सगळ्यामागचं कारण सांगितलं.
02 Oct 2026 10:50 AM (IST)
नवीन स्मार्टफोन खरेदी करताना कॅमेरा, रॅम आणि बॅटरी या तीन प्रमुख गोष्टींवर अधिक भर दिला जातो. 8GB, 12GB किंवा 16GB रॅम असलेला स्मार्टफोन अधिक चांगला मानला जातो. हे स्मार्टफोन्स हँग होत नाहीत, असं अनेकांना वाटतं. पण खरंच असं असतं का? कारण अनेकदा दमदार रॅम असलेल्या स्मार्टफोनमध्ये देखील हँग होण्याची समस्या निर्माण होते. अशावेळी स्मार्टफोन स्लो होतात, स्मार्टफोनमधील अ‍ॅप्स व्यवस्थित काम करत नाहीत. अशावेळी यूजर्सच्या मनात येणारा प्रश्न म्हणजेच स्मार्टफोनची रॅम पावरफुल असताना देखील डिव्हाईस हँग का होते? रॅम दमदार असताना देखील स्मार्टफोनचा परफॉर्मंस खराब का होतो? चला तर मग आज याबाबत सविस्तर जाणून घेऊया.
02 Oct 2026 10:40 AM (IST)
केरळच्या गृह विभागाने केंद्रीय मुख्य निवडणूक आयुक्त ज्ञानेश कुमार यांच्याशी संबंधित सुमारे दोन दशक जुन्या दक्षता तपासाच्या नोंदी मागवल्या आहेत. कुमार केरळच्या सार्वजनिक बांधकाम विभागाचे सचिव असताना २००६ मध्ये ही चौकशी सुरू झाली. हे प्रकरण केरळ राज्य परिवहन प्रकल्पांतर्गत एमसी रोडच्या बांधकामाशी संबंधित आहे. या प्रकल्पाशी संबंधित इंडो-मलेशियन कंपनी पाटी-बेलचे मुख्य प्रकल्प व्यवस्थापक ली सी. बीन यांनी २००६ मध्ये क्वालालंपूरमध्ये आत्महत्या केली होती.
02 Oct 2026 10:30 AM (IST)
अभिनेता अजय देवगणच्या बहुचर्चित ‘दृश्यम 3’ या चित्रपटाची चाहते आतुरतेने वाट पाहत होते. अखेर ही प्रतीक्षा संपली असून, आज २ ऑक्टोबर रोजी हा चित्रपट चित्रपटगृहांमध्ये प्रदर्शित होत आहे. प्रदर्शनापूर्वीच चित्रपटाच्या बॉक्स ऑफिस कलेक्शनची जोरदार चर्चा सुरू झाली आहे. अॅडव्हान्स बुकिंगला मिळालेल्या प्रतिसादामुळे पहिल्या दिवसाच्या कमाईबाबतच्या अपेक्षा वाढल्या आहेत. गांधी जयंतीच्या सुट्टीचाही चित्रपटाला फायदा होण्याची शक्यता आहे.
02 Oct 2026 10:20 AM (IST)
टेक कंपनी सॅमसंगने भारतात नवा Samsung Galaxy A08 लाँच केला आहे. 20 हजार रुपयांहून कमी किंमतीत लाँच करण्यात आलेल्या या स्मार्टफोनमध्ये अनेक दमदार फीचर्स देण्यात आले आहेत. ज्यांचे बजेट कमी आहे, त्यांच्यासाठी हा स्मार्टफोन एक चांगला पर्याय ठरणार आहे. या स्मार्टफोनचे फीचर्स, स्पेसिफिकेशन्स आणि किंमत आता सविस्तर जाणून घेऊया.
02 Oct 2026 10:10 AM (IST)
आळंदी येथील विनर्स अकॅडमीच्या सहलीसाठी रायगडमधील दिवेआगर येथे गेलेल्या आठ विद्यार्थ्यांचा समुद्रात बुडून दुर्दैवी मृत्यू झाला. गुरुवारी सायंकाळी ही दुर्घटना घडली. मृत विद्यार्थ्यांचे मृतदेह बोर्ली प्राथमिक आरोग्य केंद्रातून श्रीवर्धन उपजिल्हा रुग्णालयात शवविच्छेदनासाठी नेण्यात आले. रात्री उशिरा पुण्याहून नातेवाईक घटनास्थळी दाखल झाल्यानंतर शवविच्छेदनाची प्रक्रिया पूर्ण करून मृतदेह पुण्याकडे रवाना करण्यात आले.
02 Oct 2026 10:00 AM (IST)
CJP Shivaji Park Protest Row: मुंबईतील ऐतिहासिक शिवाजी पार्क (Shivaji Park) येथे 'कॉकरोच जनता पार्टी' (CJP) तर्फे आयोजित करण्यात आलेल्या आंदोलनाला मुंबई पोलिसांनी परवानगी देण्यास स्पष्ट नकार दिला आहे. उच्च न्यायालयाच्या २०१३ च्या आदेशानुसार हा परिसर सायलेंस झोन असल्याचे तसेच सुरक्षेसह वाहतूक कोंडी व ध्वनिप्रदूषणाचा धोका असल्याचे कारण पोलिसांनी दिले आहे. मात्र, CJP चे संस्थापक अभिजीत दिपके यांनी पोलिसांचा हा निर्णय फेटाळून लावत नियोजित वेळेतच आंदोलन करण्याचा आणि प्रसंगी 'जेल भरो' आंदोलनाचा इशारा दिला आहे.
या वादाच्या पार्श्वभूमीवर वसईतील वकील संघटनेने (Vasai Lawyers Association) आंदोलकांना कायदेशीर पाठिंबा जाहीर करत, कार्यकर्त्यांवर गुन्हे दाखल झाल्यास न्यायालयात विनामूल्य वकीलपत्र घेण्याची घोषणा केल्याने मुंबई आणि वसई परिसरातील राजकीय व सामाजिक वातावरण चांगलेच तापले आहे.
