गुरुवार, 13 ऑगस्ट 2026
आता एजंटची पण खैर नाही...! ‘परवाना मिळवून देतो’ म्हणत पैशांची मागणी करणाऱ्यांपासून सावध, FDA चा इशारा
अन्न व औषध प्रशासनाने स्पष्ट केले आहे की, अन्न व औषधविषयक परवाने मिळवण्यासाठी कोणत्याही एजंट, मध्यस्थ किंवा खासगी व्यक्तीची अधिकृत नियुक्ती करण्यात आलेली नाही. त्यामुळे परवाना मिळवण्यासाठी एखाद्या व्यक्तीमार्फत अर्ज करण्याची आवश्यकता नाही. संबंधित अर्जदाराने स्वतः अधिकृत ऑनलाइन प्रणालीचा वापर करून अर्ज करावा.
तुकाराम मुंढेंचा मोर्चा बस स्थानकांवरील कँटीनकडे; सिल्लोडमध्ये FDA ची धडक कारवाई
अन्न व औषधविषयक परवान्यासाठी अर्ज करण्यापासून ते परवाना मंजुरीपर्यंतची प्रक्रिया पूर्णपणे ऑनलाइन करण्यात आली आहे. त्यामुळे नागरिक, औषध उत्पादक, घाऊक व किरकोळ औषध विक्रेते तसेच Food Business Operators यांनी कोणत्याही मध्यस्थाच्या माध्यमातून अर्ज करण्याची गरज नसल्याचे प्रशासनाने सांगितले आहे. अर्जदारांनी आवश्यक कागदपत्रांसह स्वतः ऑनलाइन अर्ज करावा आणि अधिकृत पोर्टलवर उपलब्ध मार्गदर्शक सूचनांचा वापर करावा.
औषधविषयक परवान्यांसाठी FDA महाराष्ट्राचे अधिकृत ऑनलाइन पोर्टल वापरावे:
FDA Maharashtra अधिकृत पोर्टल
अन्नविषयक परवान्यांसाठी अधिकृत FoSCoS पोर्टलचा वापर करावा:
FoSCoS – FSSAI अधिकृत पोर्टल
या पोर्टलवर अर्ज प्रक्रिया आणि आवश्यक मार्गदर्शक सूचना उपलब्ध आहेत.
FDAच्या अधिकाऱ्यांच्या नावाने किंवा अधिकारी-कर्मचाऱ्यांमार्फत अर्जावर कारवाई करून देण्याच्या नावाखाली कोणी आर्थिक मागणी करत असल्यास नागरिकांनी तात्काळ तक्रार करावी, असे आवाहन करण्यात आले आहे.
अशा प्रकारची आर्थिक मागणी करणाऱ्या व्यक्ती किंवा संस्थेविरोधात माहिती देताना तक्रारदाराची ओळख गोपनीय ठेवण्यात येईल, असेही प्रशासनाने स्पष्ट केले आहे.
या सूचनेमध्ये महाराष्ट्रातील औषध उत्पादक, घाऊक आणि किरकोळ औषध विक्रेते, Food Business Operators तसेच अन्न व औषध परवान्यासाठी अर्ज करणाऱ्या सर्व संबंधितांना सावध करण्यात आले आहे.
बनावट एजंटांच्या आमिषाला बळी न पडता अधिकृत ऑनलाइन प्रणालीचा वापर करण्याचे आवाहन करण्यात आले आहे.
Blinkit च्या मालाड गोदामावर FDA चा छापा; फूड लायसन्स निलंबित, कारवाईने खळबळ
औषध परवान्यासाठी अर्ज प्रक्रिया आणि मार्गदर्शक सूचना FDA महाराष्ट्राच्या अधिकृत पोर्टलवर उपलब्ध आहेत. तसेच अन्न परवान्यासाठी FoSCoS प्रणालीवर अर्ज करण्याची प्रक्रिया आणि मार्गदर्शक सूचना उपलब्ध आहेत.
महत्त्वाचे म्हणजे, परवाना मिळवण्यासाठी कोणत्याही एजंट किंवा मध्यस्थाची आवश्यकता नाही. अर्जदाराने स्वतः अधिकृत ऑनलाइन प्रणालीचा वापर करणे आवश्यक आहे. त्यामुळे ‘परवाना मंजूर करून देतो’ किंवा ‘अधिकाऱ्यांशी संपर्क आहे’ असे सांगून पैसे मागणाऱ्या व्यक्तींपासून नागरिकांनी सावध राहावे.
