Maharashtra Breaking News
15 Dec 2025 11:40 AM (IST)
हिवाळी अधिवेशनाच्या शेवटच्या प्रस्तावामध्ये मुख्यमंत्री देवेंद्र फडणवीस यांनी शक्तीपीठ महामार्गाच्या मार्गात बदल केला जाणार असल्याचे जाहीर केले आहे. शेतकऱ्यांच्या प्रचंड विरोध आणि भूसंपादनामध्ये येणाऱ्या असंख्य अडचणी यामुळे मार्ग बदलण्यात आला आहे.
15 Dec 2025 11:30 AM (IST)
सरदार वल्लभभाई पटेल यांच्या पुण्यतिथीनिमित्ताने पंतप्रधान नरेंद्र मोदी यांनी सोशल मीडियावर पोस्ट करुन भावना व्यक्त केल्या आहेत. पंतप्रधानस मोदींनी लिहिले आहे की, भारताचे लोहपुरुष सरदार वल्लभभाई पटेल यांना त्यांच्या ७५ व्या पुण्यतिथीनिमित्त मी आदरपूर्वक श्रद्धांजली अर्पण करतो. त्यांनी आपले जीवन राष्ट्राला एकत्र करण्यासाठी समर्पित केले. एक कृतज्ञ राष्ट्र एकसंध आणि मजबूत भारताच्या उभारणीसाठी त्यांचे अतुलनीय योगदान कधीही विसरणार नाही, अशा भावना पंतप्रधान मोदींनी व्यक्त केल्या .
भारत रत्न सरदार पटेल की 75वीं पुण्यतिथि आत्मनिर्भर भारत के लिए प्रेरणा लेने का भी एक विशेष अवसर है। उन्होंने देशवासियों में राष्ट्रीय एकता की जो भावना भरी, वो ‘विकसित भारत’ के लिए ऊर्जा का स्रोत है। राष्ट्र निर्माण में उनकी अद्वितीय भूमिका सशक्त और सामर्थ्यवान भारत के लिए… https://t.co/kJlulprPry
— Narendra Modi (@narendramodi) December 15, 2025
15 Dec 2025 11:15 AM (IST)
नागपूरमधील हिवाळी अधिवेशन आता संपले आहे. यानंतर मुख्यमंत्री देवेंद्र फडणवीस हे लगेचच पुणे दौऱ्य़ावर आले आहेत. पुण्यातील विविध कोट्यवधी रुपयांच्या विकासकामांचे भूमिपूजन मुख्यमंत्र्यांच्या हस्ते केले जाणार आहे.
15 Dec 2025 11:04 AM (IST)
Sardar Vallabhbhai Patel death anniversery : लोहपुरुष वल्लभभाई पटेल यांची आज पुण्यतिथी आहे. आज भारताच्या एकत्र असण्यामागे त्यांचे कर्तृत्व कारणीभूत आहे. भारताच्या स्वातंत्र्यलढ्यानंतर सरदार वल्लभभाई पटेल हे देशाचे पहिले गृहमंत्री झाले. त्यांनी सर्व राज्य जोडून घेत सर्व संस्थान स्वातंत्र भारतामध्ये सामील करुन घेतली. त्यामुळे भारत एकसंघ राहिला. त्यांना ‘भारताचे लोहपुरुष’ आणि सरदार म्हणून ओळखले जाते. आजच्या दिवशी 1950 साली त्यांनी आजारामुळे मुंबईमध्ये अखेरचा श्वास घेतला. मात्र आजही त्यांचे योगदान आणि आठवण भारतीयांमध्ये कायम आहे.
15 Dec 2025 10:59 AM (IST)
सध्या हिवाळ्याचा हंगाम सुरु आहे. अशातच अनेकांना बर्फाच्या डोंगरात लोळण्याची, खेळण्याची इच्छा होत आहे. यामुळे लोक बर्फाचा आनंद घेण्यासाठी कुल्लू मनाली, जम्मू-काश्मिर, लडाख, हिमाचल प्रदेश, उत्तराखंड, सिक्कीम, अरुणाचल प्रदेश या ठिकाणी पर्यटनासाठी जात आहे.पण तिथे गेल्यानंतर लक्षात येते की अनेकदा इंटरनेटवर, रिल्समध्ये दिसणारे बर्फाचे जग आणि प्रत्यक्षात वेगळेच असते. याचा अनुभव कदाचित तुम्ही देखील घेतला असले.
15 Dec 2025 10:48 AM (IST)
धुरंधर चित्रपट सर्वांनी पाहिलाच असेल. या चित्रपटात अक्षय खन्नाच्या एंट्रीने आणि भुमिकेने सर्वांचे लक्ष वेधले आहे. अक्षय खन्नाचा लूक, त्याचा अवतार आणि बोलण्याचा अंदाज सर्वच हटके होतं. हा चित्रपट पाहिल्यानंतर अनेकांनी स्वत:ची अक्षय खन्नाच्या स्टायलिश धुरंधर लूकमध्ये कल्पना केली असेल. पण खरंच तुम्ही या लूकमध्ये कसे दिसाल तुम्हाला माहिती आहे का? तुम्ही गुगल जेमिनीच्या मदतीने स्वत:च्या स्टायलिश धुरंधर लूकमध्ये ईमेज तयार करू शकतात. यासाठी लागणारे प्रॉम्प्ट्स आता आम्ही तुम्हाला सांगणार आहोत.
15 Dec 2025 10:32 AM (IST)
मेक्सिकोने भारत आणि चीनसह अनेक आशियाई देशांवर ५०% कर वाढ जाहीर केली आहे. यामुळे भारत सरकार आणि भारतीय निर्यातदारांमध्ये तीव्र चिंता निर्माण झाली आहे. मेक्सिकोच्या या उच्च कर लादण्याच्या निर्णयावर भारताने तीव्र आक्षेप घेतला आहे आणि चर्चा सुरू केली आहे. विविध वस्तूंवरील हे कर जानेवारीच्या सुरुवातीपासून लागू होणार आहेत. विविध उत्पादनांवर आयात शुल्कात लक्षणीय वाढ करण्याच्या मेक्सिकोच्या अलिकडच्या निर्णयावर भारताने औपचारिक आक्षेप घेतला आहे. दिल्ली भारतीय निर्यातदारांचे संरक्षण करण्यासाठी योग्य उपाययोजना करण्याचा अधिकार राखून ठेवते, असेही केंद्र सरकारने स्पष्ट केले आहे.
15 Dec 2025 10:26 AM (IST)
प्रियकराने प्रेयसीच्या नवऱ्याची निघून हत्या केल्याचे समोर आले आहे. प्रेयसीने दुसऱ्याशी लग्न केल्याचा राग मनात धरून ठेवला. या रागातून प्रियकराने प्रेयसीच्या पतीच्या डोक्यात कोयत्याने वार करून निर्घृणपणे हत्या केल्याची घटना समोर आली आहे. ही घटना पुरंदर तालुक्यातील माळशिरस येथे घडली
15 Dec 2025 10:19 AM (IST)
गेल्या काही दिवसांपासून दीपिका पदुकोण तिच्या ८ तासांच्या कामाच्या शिफ्टमुळे चर्चेत आहे. यामुळे तिला “स्पिरिट” आणि “कलकी २८९८ एडी पार्ट २” सारख्या प्रमुख चित्रपटांना अभिनेत्रीला गमवावे लागले. अनेक सेलिब्रिटींनी अभिनेत्रीला पाठिंबा दिला, तर काहींनी हा निर्णय अप्रिय वाटला. दरम्यान, आता स्वतःच अभिनेत्रीचा पती आणि अभिनेता रणवीर सिंगची एक जुनी मुलाखत व्हायरल होत आहे, ज्यामध्ये तो अतिरिक्त कामाच्या बोजाशी सहमत असल्याचे दिसून आले आहे.
15 Dec 2025 10:13 AM (IST)
आजच्या काळात मोबाईल गेमिंग प्रचंड लोकप्रीय झाले आहे. फ्री फायर मॅक्स आणि BGMI (बॅटलग्राउंड्स मोबाईल इंडिया) हे भारतात सर्वाधिक खेळले जाणारे मोबाईल गेम्स आहेत. या दोन्ही गेममध्ये प्लेअर्स स्किन्स, गन स्किन, कॅरेक्टर, आउटफिट्स आणि इतर प्रीमियम रिवॉर्ड्स क्लेम करण्यासाठी रेडीम कोड्सचा वापर करत असतात. फ्री रिवॉर्ड्स मिळवण्याचा सर्वात सोपा आणि सुरक्षित मार्ग म्हणजे रेडिम कोड्स. रेडीम कोड्स नक्की काय असतं, याबाबत सविस्तर जाणून घेऊया.
15 Dec 2025 10:00 AM (IST)
मुंबई, ठाणे, पुण्यासह राज्यातील 29 महापालिका निवडणुकांच्या तारखा आज जाहीर होण्याची दाट शक्यता आहे. यासाठी राज्य निवडणूक आयोगाची आज महत्त्वाची पत्रकार परिषद होणार असल्याची माहिती आहे. या परिषदेत प्रलंबित असलेल्या 29 महापालिकांच्या निवडणुकांचा सविस्तर कार्यक्रम जाहीर केला जाऊ शकतो. गेल्या काही दिवसांपासून या निवडणुकांकडे सर्वांचे लक्ष लागले असून, आज घोषणा झाल्यास राज्यात तत्काळ आचारसंहिता लागू होण्याची शक्यता आहे. त्यामुळे आयोगाच्या निर्णयाकडे संपूर्ण राज्याचे लक्ष केंद्रित झाले आहे.
15 Dec 2025 09:55 AM (IST)
नोकरी बदलताना पीएफ खाते ट्रान्सफर करण्याची किचकट प्रक्रिया आता संपणार आहे. ईपीएफओने नवीन ऑटोमॅटिक ट्रान्सफर सिस्टीम लागू करण्याचा निर्णय घेतला असून, यामुळे कोणत्याही कागदपत्रे, ऑनलाइन अर्ज किंवा क्लेमची गरज राहणार नाही. नोकरी बदलताच पीएफ खाते आपोआप ट्रान्सफर होणार आहे.
या नव्या नियमामुळे सुमारे 8 कोटी कर्मचाऱ्यांना मोठा फायदा होणार आहे. आतापर्यंत पीएफ ट्रान्सफरसाठी नियोक्त्याच्या मंजुरीवर अवलंबून राहावे लागत होते, त्यामुळे विलंब होत असे. मात्र, ऑटोमॅटिक सिस्टीममुळे ही अडचण दूर होणार असून कर्मचाऱ्यांना वेळेवर पीएफची रक्कम ट्रान्सफर मिळणार आहे.
15 Dec 2025 09:50 AM (IST)
15 Dec 2025 09:45 AM (IST)
छत्रपती संभाजीनगर महापालिका निवडणुकीच्या पार्श्वभूमीवर शिंदे गटातील अंतर्गत वाद उघड झाला आहे. गुलमंडी प्रभागातून उमेदवारी मिळवण्यासाठी आमदार प्रदीप जैस्वाल आणि माजी आमदार किशनचंद तनवाणी यांच्यात रस्सीखेच सुरू आहे. जैस्वाल यांचा मुलगा ऋषिकेश आणि तनवाणी यांचा मुलगा चंद्रकांत या दोघांनाही खुल्या पुरुष प्रवर्गातून तिकीट हवे असल्याने पक्षांतर्गत धुसफूस वाढली आहे. या ‘पुत्रसंघर्षा’मुळे शिंदे गटाच्या अडचणी वाढण्याची शक्यता आहे.
15 Dec 2025 09:40 AM (IST)
भाजप आमदार कृष्ण खोपडे यांनी कारवाईची मागणी केल्यानंतर वरिष्ठ सनदी अधिकारी तुकाराम मुंडे यांनी पहिल्यांदाच प्रतिक्रिया दिली आहे. एबीपी माझाशी बोलताना मुंडे म्हणाले की, नागपुरात काम करताना मनमानीला आळा घातल्यामुळेच त्यांच्या विरोधात कट रचले जात आहेत. खोट्या आरोपांची चौकशी होऊन क्लीन चिट मिळाल्यानंतरही तेच आरोप पुन्हा पुन्हा करून मानसिक त्रास दिला जात असल्याचे त्यांनी सांगितले. ही एका प्रामाणिक अधिकाऱ्याची सततची छळवणूक असल्याची भावना मुंडे यांनी व्यक्त केली.
15 Dec 2025 09:35 AM (IST)
मुंबई महापालिका निवडणुकीच्या जागावाटपासाठी भाजप आणि शिवसेनेच्या समन्वय समितीची पहिली बैठक उद्या (16 डिसेंबर) मुंबईत होणार आहे. या बैठकीत भाजपकडून 4 तर शिवसेनेकडून 6 नेते सहभागी होणार असून दोन्ही पक्ष अधिकाधिक जागांसाठी आग्रही आहेत. सूत्रांनुसार, भाजप दीडशे तर शिवसेना शंभरहून अधिक जागांची मागणी करत आहे. बैठकीत विद्यमान नगरसेवक वगळता इतर जागांवर चर्चा होणार असून वॉर्डनिहाय राजकीय समीकरणे आणि मागील मतदानाच्या आकडेवारीचा अभ्यास करून अहवाल तयार केला जाणार आहे. त्यानंतर वरिष्ठ नेते अंतिम निर्णय घेणार आहेत.
15 Dec 2025 09:30 AM (IST)
नाशिकमध्ये आज आणि उद्या अखिल भारतीय संत समितीचे संमेलन आयोजित करण्यात आले आहे. आगामी कुंभमेळाच्या पार्श्वभूमीवर हे संमेलन होत असून आज दुपारनंतर त्याला सुरुवात होणार आहे. उद्या दिवसभर संमेलन सुरू राहणार असून कुंभमेळ्याच्या आयोजन, तयारी आणि संबंधित बाबींवर सविस्तर चर्चा होणार आहे.
15 Dec 2025 09:25 AM (IST)
परभणीत महापालिका निवडणुकीच्या पार्श्वभूमीवर महायुतीतील भाजप आणि एकनाथ शिंदे यांच्या शिवसेनेत बॅनरवार रंगला आहे. एकाच दिवशी दोन्ही पक्षांनी इच्छुकांच्या मुलाखती घेतल्यानंतर शहरात जोरदार बॅनरबाजी सुरू झाली आहे. शिवसेनेकडून ‘हीच ती वेळ परभणी महापालिकेवर भगवा फडकवण्याची’ असे बॅनर झळकत आहेत, तर भाजपकडून ‘विकसित परभणी’ मोहिमेअंतर्गत सरकारी योजनांची माहिती देणारे बॅनर लावण्यात आले आहेत. शहरातील दर्शनी भागात दोन्ही पक्षांचे बॅनर झळकल्याने निवडणूकपूर्व वातावरण तापले आहे.
15 Dec 2025 09:20 AM (IST)
राज्यभरात गेल्या काही दिवसांपासून थंडीचा जोर वाढला असून अनेक जिल्ह्यांत हाडं गोठवणारी थंडी आणि सकाळी दाट धुके जाणवत आहे. विदर्भ, मराठवाडा आणि मध्य महाराष्ट्रात थंडीचा प्रभाव काहीसा कमी होऊन किमान तापमानात वाढ होण्याची शक्यता आहे. हवामान खात्यानुसार पुढील 7 दिवसांत तापमानात मोठा बदल होणार नसला तरी थोडा दिलासा मिळू शकतो. दरम्यान, धुळे, जेऊर, निफाड आणि परभणी या चार जिल्ह्यांत अति थंडीची तीव्र लाट येण्याचा इशारा देण्यात आला आहे. या भागांत तापमान 5 ते 6 अंश सेल्सियसपर्यंत घसरले आहे. उत्तर भारतातून येणाऱ्या थंड वाऱ्यांमुळे आणि ‘ला निना’ प्रभावामुळे जानेवारीपर्यंत थंडी कायम राहण्याचा अंदाज आहे.
15 Dec 2025 09:18 AM (IST)
Marathi Breaking news live updates- ऑस्ट्रेलियातील सिडनीजवळील बॉन्डी समुद्रकिनाऱ्यावर ज्यू नागरिक सण साजरा करत असताना दहशतवाद्यांनी गोळीबार केला. या हल्ल्यात 16 जणांचा मृत्यू झाला असून 42 जण जखमी झाले आहेत. घटनेनंतर परिसरात घबराट पसरली. पोलिसांनी एका हल्लेखोराला गोळ्या घालून ठार केले, तर दुसरा ताब्यात आहे. हल्लेखोर वडील आणि मुलगा असल्याची माहिती असून 50 वर्षीय वडिलांचा मृत्यू झाला, तर 24 वर्षीय मुलावर उपचार सुरू आहेत. ज्यू समुदायाला लक्ष्य केल्याने स्थानिक ज्यू बोर्डाने नागरिकांना घराबाहेर न पडण्याचे आवाहन केले आहे.
