Maharashtra Breaking News
Marathi Breaking news live updates : हिंदी चित्रपटसृष्टीतील स्वतःचे अभिनेते धर्मेंद्र यांचे वयाच्या ८९ व्या वर्षी निधन झाल्याची बातमी समोर आली. पण त्यानंतर काही वेळातच अभिनेते धर्मेंद्र यांची कन्या आणि अभिनेत्री इशा देओलने धर्मेद्र यांची प्रकृती स्थिर असल्याची माहिती दिली.
ईशा देओलने सोशल मीडियावर एक संदेश शेअर केला आहे, ज्यामध्ये म्हटले आहे की मीडिया खोट्या अफवा पसरवत आहे. “माझ्या वडिलांची प्रकृती स्थिर आहे आणि त्यात सुधारणा होत आहे. आम्ही सर्वांना विनंती करतो की त्यांनी आमच्या कुटुंबाच्या गोपनीयतेचा आदर करावा. माझ्या वडिलांच्या लवकर बरे होण्यासाठी प्रार्थना केल्याबद्दल धन्यवाद.” धर्मेंद्र सध्या मुंबईतील ब्रीच कँडी रुग्णालयात दाखल आहेत आणि त्यांच्यावर तेथे उपचार सुरू आहेत.
13 Nov 2025 04:20 PM (IST)
सोमवारी संध्याकाळी दिल्लीतील लाल किल्ल्याजवळील मेट्रो स्टेशन परिसरात भीषण स्फोट झाला. या हल्ल्यात १० पेक्षा जास्त जणांचा मृत्यू तर ३० पेक्षा जास्त जखमी झाले आहेत. दरम्यान हा स्फोट म्हणजे दहशतवादी हल्लाच असल्याचे स्पष्ट झाले आहे. दरम्यान या घटनेचा तपास अत्यंत वेगाने सुरू आहे. देशभरात अनेक ठिकाणी छापेमारी केली जात आहे. दरम्यान आज केंद्रीय गृहमंत्री अमित शहा यांनी सुरक्षा यंत्रणांच्या प्रमुखांसाह एक बैठक घेतली.
13 Nov 2025 04:15 PM (IST)
मराठी प्रेक्षकांसाठी ही एक अविस्मरणीय पर्वणी ठरणार आहे. याच पार्श्वभूमीवर निवेदिता सराफ यांच्यासह ‘नवराष्ट्र’ने खास बातचीत केली आणि त्यांनीही आपला उत्साह अगदी भरभरून दाखवत मनसोक्त उत्तरं दिली आहेत. अशोक मा.मा. मालिकेतून संपूर्ण टेलिव्हिजनच्या इतिहासात पहिल्यांदाच अशोक सराफ आणि निवेदिता सराफ एकाच मालिकेत एकत्र येणार आहेत.अत्यंत उत्साहाने निवेदिता सराफ म्हणाल्या की, “मला खूप दिवसांपासून प्रेक्षक विचारात होते तुम्ही आणि अशोक सराफ एकत्र कधी काम करणार आहात. तर बऱ्याच दिवसांपासून माझी देखील इच्छा होती त्यांच्यासोबत काम करायची. पण इतक्या मोठ्या कलाकारासह काम करताना थोडंसं दडपण येतंच. कारण त्यांचं संवादफेक करण्याचं टायमिंग आणि त्यांचा अनुभव हे फारच ग्रेट आहे आणि बायको असले तरीही त्यांच्याबरोबर बऱ्याच वर्षांनी काम करताना थोडंसं टेन्शन नक्कीच आलं आहे’’, असं अगदी हसत हसत त्यांनी सांगितलं.
13 Nov 2025 04:08 PM (IST)
अहिल्यानगर शहर वार्ताहर महापालिकेची मालमत्ताकर व पाणीपट्टीची थकबाकी २७५ कोटींवर पोहोचली आहे. मागील आर्थिक वर्षात भरघोस शास्तीमाफो देऊनही थकित आकडा वाढत चालला आहे. यावर्षी शास्तीमाफी मिळणार नसल्याचे आयुक्त यशवंत डांगे यांनी स्पष्ट केले आहे. तसेच चार प्रभाग कार्यालयांना ४५ कोटींचे उद्दीष्ट देत त्याची पूर्तता न झाल्यास कारवाईचा इशाराही देण्यात आला आहे. मालमत्ताधारकांचा कर जमा करण्याकडे होत असलेले दुर्लक्ष महापालिकेच्या अर्थकारणावर थेट परिणाम करत आहे. मोचाईल टॉवर, व्यावसायिक मालमत्ताधारक व मोकळ्या भूखंड धारकांकडे कराची मोठी थकबाकी आहे. त्याच्या वसुलीसाठी चारही प्रभाग समिती कार्यालयांना येत्या महिनाभरात ४५ कोटींचे उद्दीष्ट दिले आहे. कर्मचाऱ्यांनी वसुली न केल्यास त्यांच्यावर कारवाईचे आदेश दिले आहेत.
11 Nov 2025 05:57 PM (IST)
सोशल मीडियावरील रिल्सच्या माध्यमातून अनेक चांगले विषय देखील पाहायला मिळतात. सध्याचं हे धावपळीचं जग असून अनेकदा मानसिक ताण तणाव जास्त जाणवतो. या सगळ्यात काही सकारात्मक विचार रिल्समधून व्हायरल होत असतात. वृंदानमचे प्रेमानंद महाराज यांचे विचार रिल्समधून लाखो करोडो लोकांपर्यंत पोहोचतात. स्पर्धेच्या या युगात करियर, नातं आणि स्वप्नांसाठी खूप मेहनत घ्यावी लागते. मात्र अनेकदा आपण चांगलं वागत असूनही जोडीदार आपल्याला फसवतो, आपल्याशी खोटं वागतो आणि या अशा कारणांनी जास्त ताण तणाव येतो. पती पत्नीच्या नात्यामध्ये नेहमी पुरुषच नाही तर काही वेळा महिला देखील खोटं वागतात किंवा पती मानसिक त्रास देतात. यावर प्रेमानंद महाराजांनी एक मोलाचा सल्ला दिला आहे.
11 Nov 2025 05:38 PM (IST)
आज बिहार विधानसभा निवडणूक-२०२५ साठी मतदानाचा दुसरा आणि शेवटचा टप्पा आहे. पहिल्या टप्प्यात १२१ विधानसभा जागांसाठी मतदान झाले आणि आज १२२ विधानसभा जागांसाठी मतदान होणार आहे. एकूण २४३ विधानसभा जागा असलेल्या बिहार विधानसभेसाठी पहिल्या टप्प्यात झालेल्या बंपर मतदानाबाबत, सत्ताधारी आणि विरोधी पक्ष दोन्ही पक्षांचा दावा आहे की मतदान त्यांच्या बाजूने प्रचंड प्रमाणात झाले. बिहारमधील अशा पहिल्या विधानसभा निवडणुका आहेत, ज्याबाबत मतदार खूप शांत आहेत. हे शांतता खूप अनपेक्षित आहे, म्हणून १४ नोव्हेंबर रोजी खूप अनपेक्षित निकाल आले तर आश्चर्य वाटणार नाही
11 Nov 2025 05:08 PM (IST)
हरियाणाचे मुख्यमंत्री नायब सैनी यांनी अमेरिकन बहुराष्ट्रीय ऑटोमोटिव्ह कंपनी टेस्लाला राज्यात उत्पादन प्रकल्प उभारण्याचा प्रस्ताव दिला. हे पाऊल राज्याच्या इलेक्ट्रिक वाहन (EV) धोरण आणि पर्यावरण विकासाला चालना देण्यासाठी एक महत्त्वपूर्ण पाऊल मानले जाते.
11 Nov 2025 04:45 PM (IST)
रत्नागिरीत शिवसेना (उद्धव बाळासाहेब ठाकरे) पक्षाची गेल्या नऊ दिवसांपासून सुरू असलेली परिवर्तन पदयात्रा आज काशी विश्वेश्वर मंदिरात दर्शन घेऊन संपन्न झाली. पक्षाचे उपनेते आणि माजी आमदार बाळ माने यांच्या नेतृत्वाखाली ही यात्रा पूर्ण झाली. या ९९ किमीच्या पायी प्रवासादरम्यान बाळ माने यांनी रत्नागिरीतील रस्ते, ड्रेनेज, क्रीडांगण आणि उद्यानांच्या दयनीय स्थितीवर भाष्य केले. “AC गाडीतून बाहेर पडा आणि पायी फिरा, मगच जनतेच्या समस्या दिसतील,” असा अप्रत्यक्ष टोला त्यांनी मंत्री उदय सामंत यांना लगावला.
11 Nov 2025 04:35 PM (IST)
अग्निशमन दलाच्या पाच गाड्या घटनास्थळी पोहोचल्या आहेत. स्फोटानंतर मोठी आग लागल्याचे वृत्त आहे. लाल किल्ल्याच्या गेट क्रमांक १ जवळ हा स्फोट झाला. दिल्ली पोलिसांचे एक पथक घटनास्थळी पोहोचले आहे.
11 Nov 2025 04:30 PM (IST)
कुडाळ शहरातील वीजप्रश्न दिवसेंदिवस वाढत असून यामुळे व्यावसायिक तसेच सामान्य नागरिकांना त्रास सहन करावा लागत आहे. याबाबत आज उद्धव ठाकरे गटाचे युवासेना प्रमुख मंदार शिरसाट यांच्या नेतृत्वाखाली कार्यकर्त्यांनी महावितरणच्या कार्यालयावर धडक देत अधीक्षक अभियंता अभिमन्यू राख यांना चांगलेच धारेवर घेतले. कुडाळ शहरातील वीज समस्या महिनाभरात सोडवा अन्यथा उग्र आंदोलन छेडावे लागेल, असा इशारा देण्यात आला.
11 Nov 2025 04:25 PM (IST)
दिल्ली बॉम्बस्फोटनंतर पत्रादेवी सीमेवर हाय अलर्ट; पोलिसांची कडेकोट तपासणी करण्यात येत आहे.
11 Nov 2025 04:20 PM (IST)
नवी मुंबई महानगरपालिकेच्या आगामी सार्वत्रिक निवडणुकीसाठीची प्रभागरचना आणि आरक्षण जाहीर करण्यात आले आहे. नव्या आराखड्यानुसार महापालिकेत एकूण १११ सदस्य निवडून येणार आहेत. बहुतेक प्रभाग चार सदस्यांचे असतील, तर केवळ एक प्रभाग तीन सदस्यांचा असेल.
11 Nov 2025 04:10 PM (IST)
दिल्लीतील लाल किल्ल्याजवळ झालेल्या स्फोटानंतर महाराष्ट्रातही सुरक्षा यंत्रणा सतर्क झाली आहे. अहमदनगरच्या शनी शिंगणापूर परिसरात 'हाय अलर्ट' जारी करण्यात आला असून, मंदिर परिसर आणि वाहनांची कसून तपासणी सुरू आहे. राज्यभरातील महत्त्वाच्या मंदिरांमध्येही सुरक्षा वाढवण्यात आली आहे. देशाची राजधानी दिल्लीतील लाल किल्ल्याजवळ झालेल्या भीषण स्फोटामुळे महाराष्ट्रातील सुरक्षा यंत्रणा तात्काळ 'हाय अलर्ट' मोडवर आली आहे. राज्यातील महत्त्वाच्या आणि संवेदनशील ठिकाणांवर सुरक्षा व्यवस्था कमालीची वाढवण्यात आली आहे.
11 Nov 2025 04:05 PM (IST)
सावंतवाडी तालुक्यात मागील दोन महिन्यांपासून वास्तव्यास असलेल्या ओंकार हत्तीला पकडण्यासाठी वनविभागाकडून प्रयत्न सुरू आहेत. मात्र, पकडल्यानंतर त्याला “वनतारा” प्रकल्पात हलवण्याच्या निर्णयाला सामाजिक कार्यकर्ते गुणेश गवस यांनी जोरदार विरोध दर्शवला आहे. गवस यांनी ओंकार हत्तीच्या संरक्षणासाठी आमरण उपोषण सुरू केले असून, “ओंकार हत्तीला वनतारा येथे नेऊ देणार नाही,” असा ठाम इशारा त्यांनी दिला आहे. तसेच ओंकार हत्तीवर बॉम्ब फेकणाऱ्यांवर तात्काळ कारवाई करण्याची मागणीही त्यांनी केली आहे.
11 Nov 2025 04:01 PM (IST)
कल्याण डोंबिवली महापालिका निवडणूकीसाठी प्रभाग आरक्षणाची सोडत जाहिर करण्यात आली आहे. मात्र प्रभागातील अ, ब, क आणि ड नुसार करण्यात त्याला ना देण्यात आलेले नाही. त्याच्या अंतर्गत सिमा रेषा निश्चित नसल्याने इच्छूकांमध्ये संभ्रमाची स्थिती कायम आहे.
11 Nov 2025 04:00 PM (IST)
भारतीय ऑटो बाजारात इलेक्ट्रिक कार्सच्या मागणीत झपाट्याने वाढ होताना दिसत आहे. म्हणूनच तर पूर्वी ज्या कंपन्या इंधनावर चालणाऱ्या कार ऑफर करीत होत्या, त्याच आता इलेक्ट्रिक कारच्या उत्पादनावर विशेष लक्षकेंद्रित करत आहे.
11 Nov 2025 03:52 PM (IST)
आगामी स्थानिक स्वराज्य संस्थांच्या निवडणुका डोळ्यांसमोर ठेवून भाजपने भाकरी फिरवली आहे. रविवारी शिवसेनेतून भाजपामध्ये महेश जाधव आणि प्रतिभा जाधव या दाम्पत्याने प्रवेश केला. यांच्या पक्षप्रवेशाला 24 तास होत नाही तोच प्रतिभा जाधव यांची बदलापूर पूर्व महिला शहर अध्यक्ष पदी महिला मोर्चा प्रदेश अध्यक्ष आमदार चित्रा वाघ यांच्या हस्ते निवड करण्यात आली.
11 Nov 2025 03:47 PM (IST)
Delhi Bomb Blast News In Marathi : दिल्लीतील लाल किल्ला मेट्रो स्टेशनजवळ सोमवारी (१० नोव्हेंबर) संध्याकाळच्या वेळेत धावत्या कारमध्ये झालेल्या स्फोटानंतर राजधानीत हाय अलर्ट जारी करण्यात आला आहे, ज्यामध्ये आतापर्यंत १२ जणांचा मृत्यू झाला आहे. या स्फोटानंतर, राजधानीत हाय अलर्ट जारी करण्यात आला आहे.
11 Nov 2025 03:37 PM (IST)
छत्रपती संभाजीनगर (शहर प्रतिनिधी): सिल्लोड नगर परिषदेच्या २ डिसेंबर रोजी होणाऱ्या सार्वत्रिक निवडणुकीसाठी राजकीय पक्षांबरोबरच प्रशासन देखील युद्ध पातळीवर कामाला लागले आहे. सिल्लोड शहरात गेल्या सहा वर्षात नगर परिषद हद्दीत तब्बल १० हजार मते वाढली असून ४४ हजारावरून आकडा ५४ हजाराच्या वर गेला आहे.
11 Nov 2025 03:29 PM (IST)
पुणे जिल्हा मध्यवर्ती सहकारी बँक (PDCC Bank)ने पुण्यातील तरुणांसाठी सुवर्णसंधी उपलब्ध करून दिली आहे. (Job in Pune ) बँकेत लिपिक पदासाठी एकूण ४३४ रिक्त जागांवर भरती प्रक्रिया सुरू करण्यात आली आहे.
11 Nov 2025 03:22 PM (IST)
निवडणूकीचे वारे वाहण्यास आता सुरुवात झाली आहे. खेड नगरपरिषद निवडणुकीच्या पार्श्वभूमीवर राजकीय वातावरण चांगलेच तापले आहे. स्थानिक स्वराज्य संस्थांच्या निवडणुकांच्या पार्श्वभूमीवर राज्यातील सत्तारूढ महायुतीतील घटकपक्ष — शिवसेना (शिंदे गट), भाजप आणि राष्ट्रवादी काँग्रेस (अजित पवार गट) — यांनी खेड नगर परिषद निवडणुकीत एकत्र लढण्याचा निर्णय घेतला असून, महाविकास आघाडीच्या काँग्रेस, उद्धव ठाकरेंची शिवसेना व शरद पवारांची राष्ट्रवादी व घटक पक्षांची देखील आघाडीची चर्चा अंतिम टप्प्यात आहे.
11 Nov 2025 03:09 PM (IST)
विदेशी पर्यटकांची रेलचेल असलेली ठिकाणे अतिरेक्यांनी रेकीनंतर घातपात घडवण्याच्या उद्देशाने ‘हिटलीस्ट’ वर घेतल्याची माहिती गुप्तचर यंत्रणेला मिळाली होती. दरम्यान, हरियाणा मध्ये सापडलेला शस्त्रसाठा आणि दिल्लीत झालेल्या बॉम्बस्फोटाची घटना पाहता यंञणेला आधीच माहिती मिळाली होती.
11 Nov 2025 02:51 PM (IST)
निवडणूकीचे वारे वाहण्यास आता सुरुवात झाली आहे. खेड नगरपरिषद निवडणुकीच्या पार्श्वभूमीवर राजकीय वातावरण चांगलेच तापले आहे. स्थानिक स्वराज्य संस्थांच्या निवडणुकांच्या पार्श्वभूमीवर राज्यातील सत्तारूढ महायुतीतील घटकपक्ष — शिवसेना (शिंदे गट), भाजप आणि राष्ट्रवादी काँग्रेस (अजित पवार गट) — यांनी खेड नगर परिषद निवडणुकीत एकत्र लढण्याचा निर्णय घेतला असून, महाविकास आघाडीच्या काँग्रेस, उद्धव ठाकरेंची शिवसेना व शरद पवारांची राष्ट्रवादी व घटक पक्षांची देखील आघाडीची चर्चा अंतिम टप्प्यात आहे. शुक्रवारी मुंबईत झालेल्या बैठकीत महायुतीच्या फॉर्म्युल्यावर शिक्कामोर्तब करण्यात आले असले तरी येथे नगराध्यक्षपदासाठी मात्र मैत्रीपूर्ण लढत होण्याची शक्यता आहे.
11 Nov 2025 02:45 PM (IST)
BMC Ward Reservation News marathi: सुप्रीम कोर्टाच्या आदेशानंतर मुंबई महानगरपालिका निवडणूक २०२५ जवळ आली आहे. मुंबई महानगरपालिका निवडणुकीची तयारी करणाऱ्या उमेदवारांसाठी प्रभाग आरक्षणाचे (Mumbai Municipal Corporation Elections) वेळापत्रक आज जाहीर करण्यात आले. मुंबईतील २२७ प्रभागांसाठी यंदाही शाळेतील विद्यार्थ्यांद्वारे आरक्षण सोडत काढण्यात आली. मुंबई महानगरपालिकेचा कार्यकाळ ७ मार्च २०२२ संपु्ष्टात आला.तेव्हापासून मुंबई महानगरपालिकेचे प्रशासक आहेत. मुंबई महानगरपालिकेच्या २०१७ मधील शेवटच्या निवडणुका यशस्वी झाली होती.
11 Nov 2025 02:43 PM (IST)
सलमान खानच्या "बिग बॉस १९" या रिॲलिटी शोमध्ये दररोज नवीन ट्विस्ट पाहायला मिळत आहे. 'वीकेंड का वार' या मालिकेतील अभिषेक बजाज आणि नीलम गिरी यांच्या धक्कादायक घराबाहेर पडल्यानंतर, आणखी एक मोठा स्पर्धक घराबाहेर पडणार आहे. शोच्या आगामी भागात आठवड्याच्या मध्यात घराबाहेर पडण्याची घटना घडणार आहे. सोशल मीडियावर ही बातमी खूप चर्चेत आहे. तसेच आता हा स्पर्धक नक्की कोण आहे हे आपण जाणून घेणार आहोत.
11 Nov 2025 02:40 PM (IST)
पाकिस्तानची आजपासून ट्राय सिरीज सुरु झाली आहे. आज पाकिस्तान विरुद्ध श्रीलंका यांच्यामध्ये सामना खेळवला जाणार आहे. या पाकिस्तानच्या संघाची दक्षिण आफ्रिकेविरुद्ध मालिका पार पडली या मालिकेमध्ये पाकिस्तानने कमालीची कामगिरी केली आणि दक्षिण आफ्रिकेला दोन्ही मालिकांमध्ये पराभूत केले होते. पाकिस्तानचा संघ आणि खेळाडू हे नेहमीच वादात आढळतात. पाकिस्तानचा वेगवान गोलंदाज नसीम शाहच्या घरी अंदाधुंद गोळीबार झाला.
11 Nov 2025 02:35 PM (IST)
टेलिव्हिजनपासून ते बॉलिवूडपर्यंत स्वतःचे नाव कमावणारी शहनाज गिल तिच्या वैयक्तिक आणि व्यावसायिक आयुष्यामुळे अनेकदा चर्चेत असते. सध्या, ती तिच्या “इक्क कुडी” या चित्रपटाचे जोरदार प्रमोशन करत आहे, जो आधीच मोठ्या पडद्यावर प्रदर्शित झाला आहे. या चित्रपटातील शहनाजच्या अभिनयाचे सर्वत्र कौतुक होत आहे. अलीकडेच, शहनाज गिल युट्यूबर रणवीर अलाहबादियाच्या पॉडकास्टवर दिसली, जिथे तिने सिद्धार्थ शुक्लाबद्दल चर्चा केली. पॉडकास्ट दरम्यान, शहनाज गिलने सिद्धार्थच्या मृत्यूचा तिच्यावर परिणाम झाल्याचे उघड केले.
11 Nov 2025 02:34 PM (IST)
१० नोव्हेंबर रोजी अभिनेता आणि चित्रपट निर्माते संजय खान यांच्या पत्नी जरीन खान यांच्यासाठी प्रार्थना सभा होती. या दुःखद कार्यक्रमाला उपस्थित असताना बॉलिवूडचे दिग्गज जितेंद्र यांचा एक छोटासा अपघात झाला. ते त्यांच्या कारमधून उतरून कार्यक्रमस्थळी जात असताना त्यांचा पाय पायऱ्यांवर आदळला आणि ते अडखळले आणि पडले. ८३ वर्षीय जितेंद्र यांचा हा व्हिडिओ सोशल मीडियावर व्हायरल झाला, ज्यामुळे सर्वांना त्यांच्याबद्दल काळजी वाटू लागली. दरम्यान, दुखापतीमुळे अभिनेत्याची प्रकृती बिघडल्याच्या अफवाही पसरल्या होत्या, परंतु त्यांचा मुलगा तुषार कपूर याने आता या अफवांना नकार दिला आहे.
11 Nov 2025 02:26 PM (IST)
बीड: बीड येथून एक धक्कदायक घटना समोर आली आहे. पतीने पत्नीच्या कपाळावर धारदार शस्त्राने वार केल्याचे धक्कादायक घटना समोर आले आहे. यात ती गंभीर जखमी झाली आहे. पोलिसांनी या प्रकरणी चौघांविरुद्ध केज पोलीसात गुन्हा दाखल केली आहे. पण पतीने आपल्याच पत्नीवर हल्ला का केला? नेमकं प्रकरण काय?
11 Nov 2025 02:25 PM (IST)
भारत आणि दक्षिण आफ्रिका यांच्यामध्ये कसोटी मालिका आणि एकदिवसीय मालिका खेळवली जाणार आहे. भारताच्या संघाची दोन सामन्यांची कसोटी मालिका खेळवली जाणार आहे तर तीन सामन्यांची एकदिवसीय मालिका खेळवली जाणार आहे. दक्षिण आफ्रिकेविरुद्धच्या कसोटी मालिकेनंतर, टीम इंडिया तीन सामन्यांची एकदिवसीय मालिका देखील खेळणार आहे. एकदिवसीय मालिकेपूर्वी टीम इंडियाला मोठा धक्का बसला आहे. सामना जिंकणारा खेळाडू श्रेयस अय्यर मालिकेतून बाहेर पडू शकतो.
11 Nov 2025 02:20 PM (IST)
Pakistan Blast In Car News in Marathi : पाकिस्तानी माध्यमांच्या वृत्तानुसार, इस्लामाबाद उच्च न्यायालयाबाहेर पार्क केलेल्या कारमध्ये स्फोट झाला. प्राथमिक माहितीनुसार स्फोट कारमध्येच झाला होता. अद्याप कोणतीही दुखापत किंवा मालमत्तेचे नुकसान झाल्याची पुष्टी झालेली नाही. सुरक्षा संस्था या घटनेची चौकशी करत आहेत आणि आजूबाजूचा परिसर सील केला आहे आणि सुरक्षा वाढवली आहे.
11 Nov 2025 02:15 PM (IST)
रणजी ट्रॉफीच्या इतिहासातील सर्वात मोठा धक्कादायक पराभव झाला. सात वेळा रणजी ट्रॉफी विजेत्या दिल्लीचा जम्मू-काश्मीरविरुद्ध दारुण पराभव झाला. जम्मू-काश्मीरने सात विकेट्सने विजय मिळवत इतिहासात पहिल्यांदाच दिल्लीचा पराभव केला. जम्मू-काश्मीरने ६५ वर्षांपूर्वी रणजी ट्रॉफीमध्ये खेळण्यास सुरुवात केली आणि आता त्यांचा दीर्घ दुष्काळ संपला आहे. आकिब नबीच्या गोलंदाजीमुळे संघ विजयी झाला.
11 Nov 2025 02:15 PM (IST)
कल्याण: कल्याण शहरातून एक अत्यंत संतापजनक आणि धक्कादायक घटना समोर आली आहे. मराठी भाषा येत नाही म्हणून कल्याण पूर्वेकडील एका खानावळीत नशेखोर तरुणांच्या टोळक्याने भयानक तोडफोड केली. एवढेच नाही तर तिथे कामकारणाऱ्या दोन कर्मचाऱ्यांना हल्ला चढवून त्यांना बेदम मारहाण केली. नेमकं काय घडलं?
11 Nov 2025 02:05 PM (IST)
दिल्लीमध्ये झालेल्या दहशतवादी बॉम्बस्फोट हल्यानंतर संपूर्ण देश हादरुन गेला. लाल किल्ला मेट्रो स्टेशन परिसरात झालेल्या कार बॉम्बब्लास्टमध्ये मृतांचा आकडा अधिकाधिक वाढतच जात आहे. या हल्यामुळे आता देशातील किनारपट्टी भागात देखील सुरक्षा वाढवण्यात आलेली आहे. या अनुषंगाने सिंधुदुर्ग जिल्ह्यातील महाराष्ट्र-गोवा पत्रादेवी सीमेवर सुद्धा हाय अलर्ट देण्यात आला आहे. पत्रादेवी सीमेवर महाराष्ट्र येणाऱ्या आणि गोव्यात जाणाऱ्या वाहनांची पोलीस प्रशासनाकडून कसून चौकशी करण्यात येत आहे.
11 Nov 2025 01:55 PM (IST)
महाराष्ट्राचे उपमुख्यमंत्री अजित पवार यांचे पुत्र पार्थ पवार यांची फर्म अमाडिया एंटरप्रायजेस, पुण्यातील मुंढवा येथील ४० एकर सरकारी जमिनीच्या वादग्रस्त विक्रीप्रकरणी चौकशी सुरू आहे. निलंबित तहसीलदारांनी बोटॅनिकल सर्व्हे ऑफ इंडिया (बीएसआय) ला जमीन रिकामी करण्यासाठी नोटीस बजावली. जिल्हाधिकाऱ्यांनी ही नोटीस बेकायदेशीर घोषित केली आणि संपूर्ण प्रक्रिया थांबवली. चौकशीत अनेक गंभीर अनियमितता उघडकीस आल्याने जमीन करार आणखी वादात सापडला.
11 Nov 2025 01:45 PM (IST)
मुंबईतील वाहतूक कोंडी कमी करण्यासाठी हाती घेतलेल्या वर्सोवा ते दहिसर असा कोस्टल रोड इतर रस्त्यांना जोडणारा बनवला जाईल, या प्रकल्पाला आता गती मिळण्याची चिन्हे आहेत. या प्रकल्पासाठी मुंबई महानगरपालिका मोठ्या प्रमाणात जमीन संपादित करणार असल्याची माहिती समोर आली आहे. या प्रकल्पासाठी महानगरपालिका सल्लागार नियुक्त करेल आणि या कामासाठी निविदा जारी करण्यात आल्या आहेत.
11 Nov 2025 01:35 PM (IST)
फॅशन, अभिनय, नृत्य यात कायम वैविध्यपूर्ण कलाकृती साकारणारी अभिनेत्री म्हणजे संस्कृती बालगुडे सध्या चर्चेत आहे. काही दिवसांपूर्वी तिने एक खास घोषणा करून डान्स ड्रामा असलेल्या संभवामी युगे युगे याची ओळख प्रेक्षकांना करून दिली. हा एक डान्स ड्रामा जरी असला तरी कृष्णाची विविध रूप यातून ती साकारणार आहे. तसेच हा डान्स ड्रामा नक्की काय असेल हे पाहण्यासाठी चाहते उत्सुक आहेत.
11 Nov 2025 01:25 PM (IST)
सोमवारी 10 नोव्हेंबर रोजी संध्याकाळी भारताच्या राजधानी दिल्लीमध्ये दोन बॉम्बस्फोट झाले. यामध्ये 9 लोकांचा मृत्यू झाला असून सुमारे 24 जण जखमी झाल्याची माहिती आहे. जखमींवर रुग्णलयात उपचार सुरु आहेत. दिल्लीत झालेल्या या स्फोटानंतर सर्वत्र एकच खळबळ उडाली होती. मुंबईत देखील सूरक्षा यंत्रणेत वाढ करण्यात आली. यानंतर नुकत्याच समोर आलेल्या माहितीनुसार, दिल्लीतील स्फोटानंतर पुण्यातील श्रीमंत दगडूशेठ हलवाई गणपती मंदिराच्या सुरक्षेत वाढ करण्यात आली आहे. तसेच या परिसरात कडक बंदोबस्त ठेवण्यात आला. सिव्हिल कोर्ट मेट्रो स्टेशनाची पाहणी देखील सुरू आहे.
11 Nov 2025 01:15 PM (IST)
बॉलिवूडचे दिग्गज अभिनेते धर्मेंद्र यांच्या आरोग्याविषयी अनेक बातम्या समोर येत आहेत. काहींनी त्यांची अवस्था गंभीर असल्याचा दावा केला आहे तर काहींनी त्यांचे निधन झाल्याचे स्पष्ट केले आहे पण नक्की खरं काय? याबाबत आता सर्वच चाहते संभ्रमात आहेत. आपल्या आवडत्या अभिनेत्याला गमावण्याची इच्छा कुणाच्याच मनात नाही अशात त्यांच्या निधनाच्या बातमीने अनेक चाहते हताश झाले. मात्र अलीकडेच धर्मेंद्र यांच्या कुटुंबाकडून त्याच्या आरोग्यविषयीची नवीन अपडेट समोर आली आहे ज्यात त्यांनी निधनाच्या या बातम्यांना खोटं म्हणत त्यांची परिस्थिती आहे स्थिर असल्याचे म्हटले आहे.
11 Nov 2025 01:05 PM (IST)
भूतानच्या दौऱ्यादरम्यान पंतप्रधान नरेंद्र मोदी यांनी दिल्लीतील भयानक घटनेबद्दल तीव्र शोक व्यक्त केला आणि पीडितांच्या कुटुंबांना सांत्वन व्यक्त केले. सोमवारी संध्याकाळी (१० नोव्हेंबर) घडलेल्या घटनेने संपूर्ण देशाला खूप धक्का बसला आहे. पंतप्रधानांनी सांगितले की ते रात्रभर तपासात सहभागी असलेल्या सर्व एजन्सींशी संपर्कात राहिले आणि आवश्यक सूचना दिल्या. एका जनसभेला संबोधित करताना पंतप्रधान नरेंद्र मोदी यांनी दिल्ली स्फोटावर आपली भूमिका मांडली.
11 Nov 2025 01:00 PM (IST)
चंद्रपूर वाळू तस्करी प्रकरणात ब्रम्हपुरीचे SDPO राकेश जाधव अडचणीत आले आहेत. पकडलेल्या वाळू ट्रकची पोलिस नोंद न केल्याने चौकशी सुरू असून अहवाल DGP कडे पाठवला जाणार आहे.
11 Nov 2025 12:50 PM (IST)
सांगलीतून एक धक्कदायक घटना समोर आली आहे. एका घोड्याच्या तबेल्यात शिवीगाळ केल्याच्या रागातून एका तरुणाची हत्या केल्याचे समोर आले आहे. मित्रांनीच मित्राची हत्या केल्याची घटना समोर आली आहे. अमीर रावसाहेब कन्नुरे असे हत्या झालेल्या तरुणाचं नाव आहे. मित्रांनी रात्री पार्टी केली आणि त्यात शिवीगाळ झाली. याच शिवीगाळवरून वाद वाढला आणि हत्या झाली.
11 Nov 2025 12:40 PM (IST)
कामशेत घाटातून एक अपघाताची घटना समोर आली आहे. कार्तिकी एकादशीच्या पवित्र वारीला वारकरी निघाले होते. तेव्हा कामशेत घाटात वरच्या बाजूने उतरत असलेल्या कंटेनर वारकऱ्यांच्या दिंडीत घुसत एकाला जागीच ठार केलं. तर आठ वारकरी गंभीर जखमी झाले आहेत. या अपघातात दोघांचा मृत्यू झाला आहे. ही दुर्घटना मुंबई- पुणे महामार्गावरील कामशेत घाटात घडली आहे.
11 Nov 2025 12:30 PM (IST)
मध्यप्रदेश येथून एक धक्कादायक घटना समोर आली आहे. एका प्रसिद्ध मॉडेलचा संशयास्पद मृत्यू झाल्याचे धक्कादायक प्रकरण उघडकीस आले आहे. खुशबू अहिरवार असं या महिलेचे नाव असल्याचे सांगितलं जात आहे. हे प्रकरण लव्ह-जिहादचे असल्याचे समजले जात आहे. हा प्रकार इंदौर रोड येथील भैंसाखेडी येथील आहे. पोलिसांनी महिलेचा मृतदेह रुग्णालयातून ताब्यात घेतले आहे. खुशबू अहिरवार यांच्या कुटुंबीयांनी आरोप केला आहे की, मुस्लिम बॉयफ्रेंड कासिम खुशबूला रुग्णालयात सोडून फरार झाला.
11 Nov 2025 12:20 PM (IST)
उत्तर प्रदेश येथून एक हत्येची धक्कादायक घटना समोर आली आहे. एका महिलेचे विवाहबाह्य संबंध असल्याने पतीने तिच्या प्रियकराला संपवण्यासाठी खंडणी दिली आणि गोळीबार करून हत्या केल्याचे समोर आले आहे. पोलिसांनी आरोपीचा एन्काऊंटर केल्याचे समोर आले आहे. राजेश सिंगची हत्या झाली होती.
11 Nov 2025 11:59 AM (IST)
दिल्लीच्या लाल किल्ल्याजवळ सोमवारी (10 नोव्हेंबर) संध्याकाळी झालेल्या स्फोटात (Delhi Bomb Blast ) सहभागी असलेल्या दहशतवादी उमरचा (Dr Umar Muhammad) पहिला फोटो समोर आला आहे. त्यानेच स्फोट घडवला होता, ज्यामध्ये नऊ जणांचा मृत्यू झाला होता आणि २४ जण जखमी झाले होते. मंगळवारी झालेल्या स्फोटापूर्वीचे सीसीटीव्ही फुटेज समोर आले आहे. ज्यामध्ये पार्किंगमधून एक पांढऱ्या आय-२० कार बाहेर पडताना दिसत आहे. ती कार डॉ. मोहम्मद उमर असल्याचा संशय व्यक्त केला जात आहे.
11 Nov 2025 11:55 AM (IST)
मध्यप्रदेश येथून एक धक्कादायक घटना समोर आली आहे. एका प्रसिद्ध मॉडेलचा संशयास्पद मृत्यू झाल्याचे धक्कादायक प्रकरण उघडकीस आले आहे. खुशबू अहिरवार असं या महिलेचे नाव असल्याचे सांगितलं जात आहे. हे प्रकरण लव्ह-जिहादचे असल्याचे समजले जात आहे. हा प्रकार इंदौर रोड येथील भैंसाखेडी येथील आहे. पोलिसांनी महिलेचा मृतदेह रुग्णालयातून ताब्यात घेतले आहे. खुशबू अहिरवार यांच्या कुटुंबीयांनी आरोप केला आहे की, मुस्लिम बॉयफ्रेंड कासिम खुशबूला रुग्णालयात सोडून फरार झाला.
11 Nov 2025 11:50 AM (IST)
मेक्सिकोच्या राष्ट्रपती क्लॉडिया शेनबॉम यांचा एक व्हिडिओ सोशल मीडियावर झाला आहे ज्यात त्या एका सार्वजनिक सभेदरम्यान लोकांची भेट घेताना दिसून आल्या. जनतेसोबत संवाद साधत असतानाच एका पुरूषाने त्यांच्यासोबत गैरवर्तन करण्यास सुरुवात केली. त्याने आधी त्यांच्या छातीला हात लावला आणि मग जवळ जाऊन त्यांच्या मानेवर चुंबन घेण्याचा प्रयत्न केला. सोशल मीडियावर व्हायरल झालेल्या या व्हिडिओमध्ये राष्ट्रपती शेनबॉम ही परिस्थती शांतपणे हाताळताना दिसून येतात, त्या व्यक्तीचा हात आपल्या शरीरापासून दूर करतात आणि तितक्यातच त्यांचा सुरक्षा रक्षक व्यक्तीला ओढत बाजूला घेऊन जातो.
11 Nov 2025 11:40 AM (IST)
काल राजधानी दिल्ली आणि संपूर्ण देशाला हादरवून टाकणारी घटना घडली आहे. दिल्लीत लाल किल्ल्याजवळ असलेल्या मेट्रो स्टेशन परिसरात भीषण स्फोट झाला आहे. या घटनेने संपूर्ण देशाला हादरवून टाकले आहे. या घटनेत 10 जणांचा मृत्यू तर 30 पेक्षा जास्त नागरिक जखमी झाले आहेत. दरम्यान हा स्फोट होण्याआधीचे सीसीटीव्ही फुटेज समोर आले आहे. यामध्ये कार चालवणारा व्यक्ती तोंडाला मास्क लावून चालवत असल्याचे दिसून येत आहे.
11 Nov 2025 11:30 AM (IST)
Vivo ने होम मार्केट चीनमध्ये Vivo Y500 Pro स्मार्टफोन लाँच केला आहे. कंपनीने हा नवीन स्मार्टफोन Y-सीरीजचा एक भाग आहे, ज्याला MediaTek Dimensity 7400 चिपसेटने सुसज्ज करण्यात आले आहे. विवोच्या या लेटेस्ट लाँच करण्यात आलेल्या स्मार्टफोनमध्ये 7,000mAh बॅटरी दिली आहे, जी 90W फास्ट चार्जिंगला सपोर्ट करते.
11 Nov 2025 11:20 AM (IST)
राजधानी दिल्लीतील लाल किल्ला मेट्रो स्टेशनजवळ झालेल्या बॉम्ब स्फोटाने देशाला हादरवून टाकले आहे. या स्फोटामुळे राजधानीतील सुरक्षा व्यवस्थेवर पुन्हा एकदा प्रश्नचिन्ह उपस्थित केले आहे. इतके च नव्हे तर अनेक राज्यांमध्ये पसरलेल्या दहशतवादी नेटवर्कशीही त्याचा संबंध असल्याचे दिसून येते. तपास यंत्रणांच्या प्राथमिक अहवालांनुसार, या स्फोटात उच्च क्षमतेचा स्फोटक अमोनियम नायट्रेट वापरण्यात आला होता. संपूर्ण प्रकरण आता एनआयए, राष्ट्रीय सुरक्षा रक्षक आणि दिल्ली पोलिसांच्या विशेष तुकड्यांकडून तपासात आहे.
