फोटो सौजन्य - यूट्युब
युवा भारतीय नेमबाज सम्राट राणाने इतिहास रचला आहे. त्याने आयएसएसएफ जागतिक अजिंक्यपद स्पर्धेत १० मीटर एअर पिस्तूल स्पर्धेत भाग घेतला आणि सुवर्णपदक जिंकण्यासाठी उत्कृष्ट नेमबाजी कौशल्य दाखवले. करनालचा रहिवासी २० वर्षीय सम्राट राणा हा ऑलिंपिक-आधारित स्पर्धेत विश्वविजेता होणारा पहिला भारतीय पिस्तूल नेमबाज बनला आहे. त्याने जागतिक स्तरावर भारताची प्रतिष्ठा उंचावली आहे. या विजयासह टीम इंडिया पदक तालिकेत दुसऱ्या स्थानावर पोहोचली आहे.
सम्राट राणाने २४३.७ चा शेवटचा शॉट मारत सुवर्णपदक जिंकले, त्याने चीनच्या हू काईला फक्त ०.४ सेकंदांनी मागे टाकले. हू काईने रौप्यपदक जिंकले, तर उत्तर प्रदेशातील बागपत येथील वरुण तोमरने २२१.७ च्या अंतिम गुणांसह कांस्यपदक जिंकले. सम्राट राणाची कामगिरी प्रभावी होती आणि त्याचा आत्मविश्वास वाखाणण्याजोगा होता. ज्युनियर स्तरावरील यशानंतर, त्याने आता वरिष्ठ स्तरावर उल्लेखनीय यश मिळवले आहे.
Samrat Rana,20, wins gold in the men’s 10m air pistol at the ISSF World Championships. Needing a 10.3 in his final shot to beat China’s Hu Kai, he keeps his nerve and shoots a 10.6 to seal the win. teammate Varun Tomar takes bronze. pic.twitter.com/VOSAPuipW8 — jonathan selvaraj (@jon_selvaraj) November 10, 2025
नेमबाजी विश्वविजेता झाल्यानंतर सम्राट राणा यांनी एक मोठे विधान केले आणि ते म्हणाले, “मला अजूनही विश्वास बसत नाही. मला वाटते की हे ठिकाण माझ्यासाठी खूप चांगले राहिले आहे. मी कैरो येथे २०२२ च्या ज्युनियर वर्ल्ड चॅम्पियनशिपमध्ये याच ठिकाणी दोन पदके जिंकली. मला हे ठिकाण आवडते. मी माझ्या तंत्रावर लक्ष केंद्रित करण्याचा आणि प्रत्येक शॉट योग्यरित्या अंमलात आणण्याचा प्रयत्न करत होतो.”
राशिद खान उभा राहिला पत्नीसाठी…सोशल मिडियावरील पोस्ट व्हायरल! नक्की प्रकरण काय वाचा सविस्तर
आयएसएसएफ जागतिक अजिंक्यपद स्पर्धा कैरो येथे सुरू आहे. पदकतालिकेत भारत दुसऱ्या स्थानावर आहे. एकूण १२ पदकांसह (६ सुवर्ण, ४ रौप्य आणि २ कांस्य) चीन पहिल्या स्थानावर आहे. या जागतिक अजिंक्यपद स्पर्धेत तीन सुवर्ण, तीन रौप्य आणि तीन कांस्यपदके जिंकून भारत दुसऱ्या स्थानावर आहे. सध्या त्यांच्याकडे एकूण नऊ पदके आहेत. अजूनही काही स्पर्धा शिल्लक आहेत आणि भारत अव्वल स्थान मिळवू शकेल का हे पाहणे बाकी आहे.
