Maharashtra Breaking News
Marathi Breaking news updates: शिरूर तालुक्यातील पिंपरखेड गावात दहशत माजवणाऱ्या नरभक्षक बिबट्याला अखेर वन विभागाने ठार मारण्यात यश मिळवले आहे. रात्री उशिरा गाव परिसरात शोधमोहीम सुरू असताना ड्रोनच्या साहाय्याने बिबट्याचा मागोवा घेण्यात आला.
वन विभागाच्या पथकाने बिबट्याला जिवंत पकडण्यासाठी डार्ट मारण्याचा प्रयत्न केला, मात्र डार्ट चुकीचा गेल्याने बिबट्या सावध झाला. त्यानंतर त्याने थेट वनकर्मचाऱ्यांवर प्रतिहल्ला करण्याचा प्रयत्न केला. परिस्थिती नियंत्रणाबाहेर जाण्याची शक्यता लक्षात घेऊन पथकातील दोन शार्पशूटरनी तीन गोळ्या झाडल्या. या गोळीबारात बिबट्या ठार झाला.
05 Nov 2025 07:06 PM (IST)
मुंबई: स्वातंत्र्य लढ्यातील सेनानी व शहिदांना वंदन आणि देशप्रेमाचे प्रतीक असलेल्या 'वंदे मातरम्' गीताला १५० वर्ष पूर्ण होत आहेत. या निमित्त राष्ट्रभक्तीच्या भावनेतून आदरणीय मुख्यमंत्री देवेंद्र फडणवीस यांच्या प्रमुख उपस्थितीत मंत्रालयातील त्रिमूर्ती प्रांगणात शुक्रवार ७ नोव्हेंबर २०२५ रोजी सकाळी १० वाजता 'वंदे मातरम् ' चे समुहगान होणार आहे. पुढील वर्षभर याअंतर्गत ' सार्ध शताब्दी महोत्सवाच्या माध्यमाने राज्यभरात कौशल्य विकास विभागाच्या वतीने विविध कार्यक्रम होणार असल्याची माहिती ही राज्याचे कौशल्य, विकास, उद्योजकता व नाविन्यता मंत्री मंगलप्रभात लोढा यांनी दिली.
05 Nov 2025 06:52 PM (IST)
India’s Pro Wrestling League to return in 2026 : भारतीय खेळांना आकार देण्यासाठी ऐतिहासिक पाऊल उचलत, भारतीय कुस्ती महासंघाने आज प्रो रेसलिंग लीग च्या भव्य पुनरागमनाची घोषणा केली. ही लीग जानेवारी २०२६ च्या मध्यात सुरू होईल. २०१९ मध्ये मागील यशस्वी हंगामानंतर, प्रो रेसलिंग लीग २०२६ मध्ये भव्य पुनरागमन करण्यास सज्ज आहे. एक मजबूत सार्वजनिक-खाजगी सहभाग मॉडेल म्हणून डिझाइन केलेले, ते भारतीय कुस्तीपटूंना जागतिक व्यासपीठ प्रदान करेल, देशाच्या ऑलिंपिक स्वप्नांना चालना देईल आणि भारतीय कुस्तीच्या “मातृशक्ती” ला सक्षम करेल.
05 Nov 2025 06:42 PM (IST)
मुंबई : स्टारलिंक सॅटेलाईट कम्युनिकेशन्स प्रायव्हेट लिमिटेड (स्टारलिंक) आणि महाराष्ट्र शासनाचे माहिती तंत्रज्ञान विभागासमवेत सामंजस्य करारामुळे अत्याधुनिक तंत्रज्ञान उपलब्ध होणार आहे. यामुळे राज्यातील दुर्गम आणि अल्पसेवित भागांपर्यंत उपग्रहाधारित इंटरनेट सेवा पोहोचविण्याची दिशा वाटचाल होत असल्याचा असा विश्वास मुख्यमंत्री देवेंद्र फडणवीस यांनी व्यक्त केला.
05 Nov 2025 06:33 PM (IST)
पारगाव शिंगवे / शिक्रापूर: पिंपरखेड परिसरात मागील काही दिवसांपासून धुमाकूळ घालणारा नरभक्षक बिबट्या नरभक्षक बिबट्या अखेर ठार करण्यात आला. पारगाव शिंगवे व पिंपरखेड परिसरात नागरिकांवर हल्ले करणाऱ्या या बिबट्याला मंगळवारी (दि. ४) रोजी रात्री साडेदहाच वाजताच्या सुमारास शार्प शूटर पथकाने गोळ्या झाडून ठार केले. या नरभक्षक बिबट्याचे वय अंदाजे चार ते पाच वर्षे असल्याचे वनविभागाने सांगितले. या घटनेनंतर परिसरात मोठा दिलासा व्यक्त करण्यात आला असून मृत बिबट्याचे शव ग्रामस्थांना दाखविण्यात आले. त्यानंतर शवविच्छेदनासाठी माणिकडोह बिबट निवारा केंद्र येथे नेण्यात आले.
05 Nov 2025 06:25 PM (IST)
leopard Video: सध्या पुणे जिल्ह्यात बिबट्यांच्या वावर वाढला आहे. शिक्रापूर, जुन्नर परिसरात बिबतींचा वावर वाढला आहे. कमी होणारी जंगले त्यामुळे जंगली प्राणी आता गाव वस्त्यांमध्ये येऊ लागले आहेत. पुणे जिल्ह्यात बिबट्यांनी हैदोस घातला आहे. बिबट्याच्या हल्ल्यात अनेक जणांना आपले प्राण गमवावे लागले आहेत. नुकताच एक चिमुकला बिबट्याच्या हल्ल्यातून बचावला आहे. याचा व्हिडिओ देखील समोर आला आहे.
05 Nov 2025 05:56 PM (IST)
बिहार विधानसभा निवडणुकीच्या पार्श्वभूमीवर राजकीय तापमान चांगलेच वाढले असून, आता प्रसिद्ध भोजपुरी अभिनेता आणि गायक खेसारीलाल यादव यांच्या घरावर झालेल्या कारवाईमुळे नवे वादळ उठले आहे. मिरा रोड येथील त्यांच्या घरावर मिरा भाईंदर महानगरपालिकेकडून अनधिकृत बांधकामाची नोटीस बजावण्यात आली असून, यामागे भाजपकडून राजकीय दबाव टाकला जात असल्याची चर्चा रंगली आहे.
05 Nov 2025 05:44 PM (IST)
पिंपरखेड परिसरात मागील काही दिवसांपासून धुमाकूळ घालणारा नरभक्षक बिबट्या नरभक्षक बिबट्या अखेर ठार करण्यात आला. पारगाव शिंगवे व पिंपरखेड परिसरात नागरिकांवर हल्ले करणाऱ्या या बिबट्याला मंगळवारी (दि. ४) रोजी रात्री साडेदहाच वाजताच्या सुमारास शार्प शूटर पथकाने गोळ्या झाडून ठार केले. या नरभक्षक बिबट्याचे वय अंदाजे चार ते पाच वर्षे असल्याचे वनविभागाने सांगितले.
05 Nov 2025 05:09 PM (IST)
फरहतुल्ला बाबर यांनी त्यांच्या नव्या पुस्तकात २६/११ च्या हल्ल्याबाबत काही गंभीर दावे केले आहेत. झरदारी यांनी त्यांच्या मागील कार्यकाळात भारतासोबत शांतता प्रस्थापित करण्यासाठी अण्वस्त्रांचा प्रथम वापर न करण्याच्या ऑफर दिली होती. त्यांच्या या ऑफरमुळे आयएसआय संतप्त झाली आणि काही दिवसांतच मुंबईवर हल्ले करण्यात आले.
05 Nov 2025 04:50 PM (IST)
स्थानिक स्वराज्य संस्था निवडणुका घेण्याबाबत न्यायालयाने निर्देश दिले आहेत. त्यानुसार राज्य निवडणूक आयोगाच्या मार्गदर्शनाखाली निवडणुका घेण्याबाबत हालचाली गतिमान झाल्या आहेत. त्या अनुषंगाने हिंगोलीत मतदार केंद्राची पाहणी अधिका-यांनी केली. मागील अनेक वर्षापासून स्थानिक स्वराज्य संस्थेच्या निवडणूका रखडल्या होत्या. न्यायालयाने जानेवारी २०२६ पर्यंत या निवडणुका घेण्याबाबतचे निर्देश दिले आहेत. त्यामुळे राज्य निवडणुक आयोगाने जिल्हा परिषद, पंचायत समिती व नगर पालिका निवडणुका घेण्याबाबत हालचाली गतिमान केल्या आहेत.
05 Nov 2025 04:40 PM (IST)
पंजाबमधून एक धक्कादायक बातमी समोर आली आहे, या राज्यातील क्रीडा जगतावर पुन्हा एकदा गुन्हेगारीचे वादळ घोंघावू लागले आहेत. लुधियाना जिल्ह्यातील समराला ब्लॉकमध्ये एका कबड्डी खेळाडूची गोळ्या घालून हत्या करण्यात आल्याची बातमी पुढे आली आहे. हत्या झालेल्या खेळाडूचे नाव गुरविंदर सिंग असे असून या घटनेमुळे परिसरात एकच खळबळ उडाली आहे. पोलिस घटनास्थळी पोहचले असून तापसाला सुरुवात झाली आहे.
05 Nov 2025 04:35 PM (IST)
राज्यात गेल्या काही दिवसांपासून मुसळधार पावसाने थैमान घातले आहे. नोव्हेंबर महिना सुरू झाला तरी पाऊस सुरू आहे. अरबी समुद्रात कमी दाबाचा पट्टा निर्माण झाल्याने पवससाठी पोषक हवामान तयार झाले आहे. दरम्यान राज्यातील नागरिक थंडी कधी पडणार याची वाट बघत आहेत. दरम्यान राज्यात लवकरच थंडी पडायला सुरुवात होणार आहे.
05 Nov 2025 04:30 PM (IST)
दारिद्र्य रेषेखालील आणि आर्थिकदृष्ट्या दुर्बळ घटकांना सलग २५ वर्षे मोफत वीज उपलब्ध होणार असल्याचा दावा महावितरणने केला आहे. मात्र यासाठी राज्य शासनाची स्मार्ट योजना समजून घेणे गरजेचे असणार आहे. आर्थिक दुर्बळ घटकांच्या घरांवर एक किलोवॅट (1 kWp) क्षमतेचा सौर ऊर्जा निर्मिती प्रकल्प बसवून त्यांना २५ वर्षे मोफत विजेची सुविधा उपलब्ध करण्यासाठीच्या ‘स्वयंपूर्ण महाराष्ट्र आवासीय रूफ टॉप’ (स्मार्ट) योजनेच्या अंमलबजावणीसाठी महावितरणने पुढाकार घेतला आहे. केंद्र सरकार व राज्य सरकारच्या अनुदानामुळे या योजनेतील लाभार्थी ग्राहकांना खूप कमी हिस्सा भरावा लागणार आहे. महावितरणचे अध्यक्ष तथा व्यवस्थापकीय संचालक लोकेश चंद्र यांनी याबाबत अधिक माहिती दिली आहे.
05 Nov 2025 04:25 PM (IST)
अमेरिकेतील सर्वात मोठे शहर असलेल्या न्यू यॉर्कमध्ये भारतीय वंशाचे जोहरान ममदानी यांची महापौर पदावर बहुमताने निवडून आले. भारताचे पंतप्रधान नरेंद्र मोदी आणि भारताचे पंतप्रधान नरेंद्र मोदी यांचे कट्टर विरोधक असलेले जोहरान ममदानी यांच्या विजयामुळे न्यू यॉर्क शहर एक प्रमुख राजकीय आखाडा बनले आहे. ममदानी यांनी रिपब्लिकन पक्षाचे उमेदवार कर्टिस स्लिवा यांना प्रचंड मतांनी पराभव केला.
05 Nov 2025 04:20 PM (IST)
काही दिवसांपूर्वी घोषित झालेल्या ‘आली मोठी शहाणी’ या चित्रपटाने प्रेक्षकांची उत्सुकता चांगलीच वाढवली आहे. आता या चित्रपटाच्या गोव्यातील चित्रीकरणाचा श्रीगणेशा झाला असून, या निमित्ताने प्रेक्षकांसमोर एक नवी आणि हटके जोडी झळकणार आहे ती म्हणजे हृता दुर्गुळे आणि सारंग साठ्येची! या दोघांची फ्रेश ऑनस्क्रीन केमिस्ट्री नेमकी कशी असणार, हे पाहाण्यासाठी प्रेक्षक आतुर आहेत. हृता तिच्या गोड आणि प्रभावी अभिनयासाठी ओळखली जाते, तर सारंगने नेहमीच वेगळ्या भूमिकांद्वारे प्रेक्षकांवर ठसा उमटवला आहे. त्यामुळे ‘आली मोठी शहाणी’त दोघांची जोडी नेमकी कोणत्या कथानकातून झळकणार, याबद्दलची उत्सुकता शिगेला पोहोचली आहे.
05 Nov 2025 04:15 PM (IST)
बॉलीवूड अभिनेत्री अथिया शेट्टी आज तिचा वाढदिवस साजरा करत आहे. तिला सर्व स्तरातून शुभेच्छा मिळत आहेत. आता, तिचा पती आणि क्रिकेटपटू केएल राहुलनेही तिला खास पद्धतीने वाढदिवसाच्या शुभेच्छा दिल्या आहेत. केएल राहुलने सोशल मीडियावर अथियासोबतचे रोमँटिक फोटो शेअर केले आहेत. तसेच त्याने गोड कॅप्शन लिहून पत्नीवर प्रेमाचा वर्षाव केला आहे. चाहते या पोस्टला प्रतिसाद देत आहेत.
05 Nov 2025 04:10 PM (IST)
लग्नातील नऊवारी साडीवर सुंदर सुंदर मोत्याचे आणि सोन्याचे दागिने परिधान केले जाते. यामुळे गळा अतिशय सुंदर आणि उठावदार दिसतो. गळ्यात घातलेले ठसठशीत दागिने संपूर्ण लुकची शोभा वाढवतात. लग्नाच्या दोन ते तीन महिने आधीपासूनच साड्या आणि दागिन्यांची खरेदी केली जाते. त्यातील सगळ्यांचं आवडणारा मराठमोळा दागिना म्हणजे चिंचपेटी. पूर्वीच्या काळापासून ते आत्तापर्यंत सर्वच महिला सहावारी आणि नऊवारी साडीवर चिंचपेटी दागिना परिधान करतात. हा दागिना सर्वच साड्यांवर अतिशय खुलून दिसतो
05 Nov 2025 04:00 PM (IST)
आलिया भट्ट ही बॉलिवूडमधील सर्वात फिट आणि हेल्दी जीवनशैली जपणाऱ्या अभिनेत्रींपैकी एक आहे. तिच्या आहारात हलके, पौष्टिक आणि घरगुती पदार्थांचा नेहमी समावेश असतो. शूटिंगच्या व्यस्त वेळापत्रकातही ती स्वतःच्या आरोग्याकडे लक्ष देते. गोव्यामध्ये चित्रिकरण करत असताना तिने नेहमी खाल्लेला पदार्थ म्हणजे तिचा आवडता बीटरूट सॅलड. गरम हवामानात थंड, हलके आणि शरीराला उर्जा देणारे हे सॅलड तिच्यासाठी परिपूर्ण पर्याय ठरले. या सॅलडमध्ये दही, मसाले आणि तडका यांचा अप्रतिम संगम आहे, ज्यामुळे त्याची चव भारतीय पारंपरिक पद्धतीने वाढते.
05 Nov 2025 03:55 PM (IST)
2025 चे वर्ष अवघ्या काही दिवसांमध्ये संपणार आहे. सध्या नोव्हेंबर महिना सुरु आहे. 2026 चे वर्ष आणखी चांगले कसे करायचे यासाठी वास्तूमध्ये काही टिप्स सांगण्यात आले आहे. ज्योतिषशास्त्रानुसार, हे वर्ष काही लोकांसाठी खूप चांगले असणार आहे तर ग्रहांच्या प्रतिकूल परिणामांना सामोरे जावे लागणार आहे. ज्यामुळे त्यांना मानसिक, शारीरिक आणि आर्थिक समस्यांना तोंड द्यावे लागले. येत्या वर्षामध्ये काही समस्या टाळण्यासाठी वास्तुशास्त्रामध्ये काही उपाय सांगण्यात आले आहे.
05 Nov 2025 03:50 PM (IST)
सोयगाव (वा): आजही आपल्या समाजात मुलींना कमी लेखलं जात. समाजात आजही काही ठिकाणी मुलींबाबत भेदभाव केला जात असला तरी, सोयगाव तालुक्यातील जरंडी या गावाने ही मानसिकता कायमची बदलण्याचा निर्धार केला आहे. ‘मुलगाच हवा’ या विचाराला तिलांजली देत, मुलगा आणि मुलगी एकसमान आहेत हे सिद्ध करण्यासाठी जरंडी ग्रामपंचायतने गेल्या काही वर्षांपासून एक स्तुत्य उपक्रम सुरू केला आहे.
05 Nov 2025 03:30 PM (IST)
लातूर: लातूर येथील अहमदपूर तालुक्यातील रुद्धा गावातील पिता- पुत्राची हत्या झाल्याची घटना समोर आली आहे. त्यांची हत्या करून त्यांचा मृतदेह ग्रामपंचायतच्या पाण्याच्या टाकी परिसरात फेकून दिल्याचे समोर आले आहे. मृत पिता-पुत्र हे त्यांच्या गावाजवळील शेतातील आखाड्यावर झोपलेले होते. मृतकाचे नाव शिवराज निवृत्ती सुरनर (वय ७०) आणि विश्वनाथ शिवराज सुरनर (२०) असे आहे.
05 Nov 2025 03:20 PM (IST)
Brazilian Model Vote in India: नवी दिल्ली : लोकसभेचे विरोधी पक्षनेते आणि काँग्रेस नेते राहुल गांधी यांनी बुधवारी दिल्लीत पत्रकार परिषद घेतली. त्यांनी पुन्हा एकदा मतदार याद्यांमधील घोळ समोर आणून निवडणूक आयोगाची गोची केली. देशामध्ये राज्य आणि राष्ट्रीय पातळीवर मतांची चोरी होत आहे. त्यांनी निवडणूक आयोग (ECI) आणि भारताच्या लोकशाही प्रक्रियेवर १००% पुराव्यांसह प्रश्नचिन्ह उपस्थित केले आहेत. त्याचबरोबर एका ब्राझीलच्या मॉडेलने हरयाणामध्ये 22 वेळा मतदान केल्याचा धक्कादायक दावा राहुल गांधींनी केला आहे.
05 Nov 2025 03:15 PM (IST)
Municipal Council Elections 2025: छत्रपती संभाजीनगर जिल्ह्यात नगरपरिषद आणि नगर पंचायतींच्या निवडणुकीची रणधुमाळी सुरू झाली आहे. सर्वोच्च न्यायालयाच्या आदेशानुसार जानेवारीपूर्वी संपूर्ण निवडणुका पार पाडणे बंधनकारक असल्याने, निवडणूक आयोगाने कार्यक्रम जाहीर करताच सर्वपक्षीय कार्यकर्त्यांमध्ये उत्साहाचे वातावरण आहे.
05 Nov 2025 03:02 PM (IST)
Hardik Pandya’s girlfriend kissed him : हार्दिक पंड्या हा नेहमी चर्चेत असतो. तो कधी मैदानावरील कामगिरीने चर्चेत असतो वा कधी त्याच्या खाजगी आयुष्यामुळे चर्चेत येतो. आता तो आणि त्याची नवीन प्रेयसी, महिका शर्मा पुन्हा एकदा चर्चेत आले आहेत. त्यांच्यातील अफेअरच्या अफवा आता वास्तवात उतरल्या आहेत. हार्दिक आणि महिका आता एकत्र असून हे त्यांच्या नवीन व्हिडिओ आणि फोटोंवरून समोर आले आहे. हार्दिक पंड्याने स्वतः इंस्टाग्रामवर अनेक फोटो आणि व्हिडिओ पोस्ट केले आहेत, ज्यामध्ये तो आणि महिका शर्मा एकत्र दिसून येत आहेत. यामधील एका व्हिडिओमध्ये महिका हार्दिकला सार्वजनिकरित्या किस करताना देखील दिसून येत आहे.
05 Nov 2025 02:50 PM (IST)
हल्लीच्या धावपळीच्या जीवनामध्ये ताणतणाव, चिंता आणि नैराश्य यासारख्या समस्या सामान्य आहेत. प्रत्येक व्यक्ती कोणत्या ना कोणत्या समस्या आजारांशी झुंजत असतो. बरेच लोक औषधांनी त्यांच्यावर उपचार करत आहेत. मात्र ज्योतिषशास्त्रानुसार, काही ग्रहांचे अशुभ प्रभाव देखील या मानसिक समस्यांसाठी जबाबदार मानले जातात.
05 Nov 2025 02:50 PM (IST)
पुणे: सावित्रीबाई फुले पुणे विद्यापीठात गेल्या दोन वर्षांपासून कायमस्वरूपी कुलसचिव आणि अधिष्ठाता नसल्याने प्रशासनात गोंधळाचे वातावरण आहे. अशा परिस्थितीत विद्यापीठाने नुकतीच प्रसिद्ध केलेली १११ शिक्षकी पदांची भरती प्रक्रिया हे केवळ भ्रष्टाचाराला आमंत्रण असल्याचा आरोप विद्यापीठ विद्यार्थी संघर्ष कृती समितीने केला आहे. समितीचे राज्याध्यक्ष राहुल ससाणे यांनी राज्यपालांना निवेदन देऊन ही भरती प्रक्रिया तातडीने स्थगित करण्याची मागणी केली आहे.
05 Nov 2025 02:45 PM (IST)
कमी किंमतीत नवीन स्मार्टफोन खरेदी करण्याचा विचार करताय का? तर मोटोरोलाने लाँच केलेला G-सीरीजमधील नवीन स्मार्टफोन तुमच्यासाठी एक चांगला ऑप्शन ठरणार आहे. हा स्मार्टफोन Moto G67 Power 5G या नावाने लाँच करण्यात आला आहे. हा स्मार्टफोन कंपनीच्या वेबसाईट आणि फ्लिपकार्टवर खरेदीसाठी उपलब्ध असणार आहे. फोनमध्ये 50-मेगापिक्सेल प्रायमरी कॅमेरासह ट्रिपल रियर कॅमेरा सेटअप देखील देण्यात आला आहे. फोनमध्ये अनेक खास फीचर्स देखील देण्यात आले आहेत. या स्मार्टफोनचे इतर डिटेल्स जाणून घेऊया.
05 Nov 2025 02:40 PM (IST)
कोकणात नगरपरिषदा व स्थानिक स्वराज्य संस्थांची निवडणूक यांची तयारी सुरू झाली आहे महायुतीकडून पदाधिकाऱ्यांच्या बैठका कार्यकर्त्यांचे मेळावे सुरू आहेत. रत्नागिरी जिल्ह्यात शिवसेनेचे प्राबल्य मोठ आहे. अशातच अलीकडे प्रवेश केलेले वैभव खेडेकर यांच्या भाजपा प्रवेशामुळे भाजपला निवडणुकीच्या तोंडावर बळ मिळाल आहे. त्यामुळे थेट भाजपा प्रदेशाध्यक्ष रवींद्र चव्हाण यांच्या उपस्थितीत खेड येथे पदाधिकारी बैठक व कार्यकर्त्या मेळाव्याचे आयोजन स्वर्गीय मीनाताई ठाकरे सभागृहात करण्यात आल आहे. याच कार्यक्रमात नगरपरिषद व स्थानिक स्वराज्य संस्थांच्या निवडणुकीसाठी भाजपाकडून निवडणुकीसाठी दंड थोपटण्यात येणार असून भाजपा खेड नगरपरिषद निवडणुकीसाठी स्वबळाची घोषणा करण्याची शक्यता आहे.
05 Nov 2025 02:25 PM (IST)
क्रिकेट जगतात खळबळ उडवून देणारी बातमी समोर आली आहे. झिम्बाब्वेचा अनुभवी अष्टपैलू शॉन विल्यम्सची कारकीर्द आता संपल्याचे मानले जाऊ लागले आहे. झिम्बाब्वे क्रिकेट बोर्डाकडून अधिकृतपणे जाहीर करण्यात आले आहे की, भविष्यात त्याची राष्ट्रीय संघात निवड करण्यात येणार नाही. T20 विश्वचषक आफ्रिका पात्रता 2025 सुरू होण्यापूर्वी विल्यम्सने संघातून माघार घेतल्यानंतर हा निर्णय घेतला गेला आहे.
05 Nov 2025 02:15 PM (IST)
सध्या मराठी इंडस्ट्रीमध्ये अनेक नवनवीन चित्रपट रिलीज होत आहेत. आता अशातच दिग्दर्शक केदार शिंदे पुन्हा प्रेक्षकांसाठी नवाकोरा चित्रपट घेऊन आले आहेत ज्याचे नाव आहे ‘अगं अगं सूनबाई! काय म्हणताय सासूबाई?’. झी स्टुडिओज आणि सनफ्लॉवर स्टुडिओज निर्मित या चित्रपटाचे पोस्टर नुकतेच सोशल मीडियावर प्रदर्शित झाले असून येत्या १६ जानेवारीला हा चित्रपट प्रेक्षकांच्या भेटीला येणार आहे.
05 Nov 2025 02:05 PM (IST)
लोकसभेचे विरोधी पक्षनेते आणि काँग्रेस खासदार राहुल गांधी यांनी केंद्रीय निवडणूक आयोग आणि केंद्रातील मोदी सरकारवर मतचोरीचे गंभीर आरोप केले आहेत. ऑगस्ट महिन्यात त्यांनी कर्नाटकातील महादेव पुरा मतदारसंघात झालेल्या मतचोरीचा मुद्दा उपस्थित करत केंद्र आणि निवडणूक आयोगावर गंभीर आरोप केले होते. त्यानंतर त्यांनी आपण हायड्रोजन बॉम्ब फोडणार असल्याचा इशारा दिला होता. राहुल गांधी यांनी आज पत्रकार परिषद घेत हरियाणा निवडणुकीत झालेल्या मतचोरीचे खुलासे केले आहेत.
05 Nov 2025 02:02 PM (IST)
बॉलीवूडचा भाईजान सलमान खान नेहमीच चर्चेत असतो. अभिनेता अनेकदा कोणत्या ना कोणत्या कारणाने अडचणीत सापडताना दिसला आहे. यावेळी सलमान खान कायदेशीर अडचणीत सापडला आहे. कोटा ग्राहक न्यायालयाने त्याला नोटीस पाठवली आहे आणि २७ नोव्हेंबरपर्यंत उत्तर देण्यास सांगितले आहे. हे प्रकरण पान मसाल्याच्या जाहिरातीशी संबंधित आहे, ज्यामध्ये एका तक्रारदाराने दिशाभूल करणाऱ्या जाहिरातीचा आरोप केला आहे. अभिनेत्याला या प्रकरणी पोलिसांनी नोटीस जाहीर केली आहे.
05 Nov 2025 01:56 PM (IST)
गोविंदाची पत्नी सुनीता आहुजा त्यांच्या विधानांमुळे अनेकदा चर्चेत असतात. गेल्या काही महिन्यांपासून ती गोविंदापासून घटस्फोटाच्या अफवांसह चर्चेत आहे. यामुळे गोविंदाचे एका मराठी अभिनेत्रीशी संबंध असल्याची चर्चा सुरू झाली. या अफवांमध्ये सुनीता यांनी गोविंदाच्या धार्मिक प्रथा आणि विधींबद्दल एक विधान जारी केले आहे. त्यात तिने खुलासा केला की गोविंदाच्या कुटुंबातील पुजारी विधी करण्यासाठी २ लाख रुपये आकारतात, तर ती असा आग्रह धरते की विधी स्वतः करावेत. अभिनेता गोविंदाने आता या प्रकरणाबद्दल माफी मागितली आहे.
05 Nov 2025 01:45 PM (IST)
फुरसुंगी-उरुळी देवाची नगरपरिषदेकडून पुणे महापालिकेची थकबाकी धरून रहिवाशांना मालमत्ता कराच्या पावत्या दिल्या जात आहे. त्यामुळे ग्रामस्थांमध्ये नाराजी निर्माण झाली आहे. महापालिकेची थकबाकी वगळून सुधारित बिले न आल्यास न्यायालयात जाण्याचा इशारा ग्रामस्थांनी दिला आहे.
05 Nov 2025 01:30 PM (IST)
शिवसेना ठाकरे गटाचे नेते आणि माजी मुख्यमंत्री उद्धव ठाकरे हे मराठवाडा दौऱ्यावर गेले आहेत. संपूर्ण महाराष्ट्राला अवकाळी पावसाने झोडपले. यामध्ये शेतकऱ्यांचे मोठ्या प्रमाणामध्ये नुकसान झाले. शेतकऱ्यांचे हातातोंडाशी आलेलेल पीक गेल्यामुळे बळीराजा हवालदिल झाला. यामध्ये राज्य सरकारने कर्जमाफी न दिल्यामुळे शेतकऱ्यांना मोठे नुकसान झाले आहे. याच पार्श्वभूमीवर उद्धव ठाकरे हे मराठवाडा दौऱ्यावर गेले आहेत.
05 Nov 2025 01:25 PM (IST)
अमेरिकेत गेल्या ३६ दिवसांपासून सर्व सरकारी कामकाज ठप्प आहे. अमेरिकेच्या इतिहासातील हे दुसरे सर्वात मोठे शटडाऊन आहे. यापूर्वी अमेरिकेचे राष्ट्राध्यक्ष डोनाल्ड ट्रम्प (Donald Trump) यांच्या पहिल्या काळात ३५ दिवसांसाठी शटडाऊन झाले होते. तसेच सामान्यांच्या दैनंदिन जीवनावरही मोठा परिणाम झाला आहे. परिस्थिती अधिक बिकट होत चालली आहे.
05 Nov 2025 01:15 PM (IST)
गोपाल कृष्ण भगवान की जय, जय श्रीराम, बम बम भोले, हर हर महादेव असा हरी-हर नामाचा गजर करीत सुंदर नारायण मंदिरातील ‘हरी’ला बिल्वपत्र व कपालेश्वराला म्हणजे ‘हर’ला तुळशीपत्र अर्पण करीत सोमवारी मध्यरात्री 12 वाजण्यासुमारास हरिहर भेटीचा सोहळा रंगला. यावेळी ढोल ताशांच्या गजरात आणि फटाक्यांच्या आतषबाजीमध्ये हरिहर भेट घडविण्यात आली. या हरिहर भेटीमध्ये मोठ्या संख्येने भाविक सहभागी झाले होते. पंचवटी रामकुंड पेथील कपालेश्वर मंदिर व सुंदर नारायण मंदिरात दरवर्षीप्रमाणे कार्तिक मासातील वैकुंठ चतुर्दशीच्या दिवशी सोमवार, दि. 3 नोव्हेंबर रोजी रात्री 12 वाजता हरिहर भेटीचा सोहळा रंगला.
05 Nov 2025 01:00 PM (IST)
वाहतुकीने कायम गजबजलेल्या आणि वर्दळ असलेल्या बाजीराव रस्त्यावर अल्पाईन मुलाचा भरदिवसा डोक्यात आणि तोंडावर वार करून हत्या करण्यात आली आहे. ही घटना दुपारी सव्वातीनच्या सुमारास घडली आहे. भरदिवसा ही घटना घडल्याने नागरिकांमध्ये भीतीचे वातावरण पसरले आहे. याप्रकरणी तीन जणांना अटक करण्यात आली असून तिघेही अल्पवयीन आहेत. गेल्या तीन दिवसात भरदिवसा झालेली ही दुसरी हत्या आहे.
05 Nov 2025 12:50 PM (IST)
भरधाव ट्रकने दुचाकीस्वार दाम्पत्याला जबर धडक दिली. दोघेही वाहनासह खाली पडले. त्याच दरम्यान ट्रकचे चाक अंगावरून गेल्याने पतीचा जागीच मृत्यू झाला. अपघाताची ही भीषण घटना वाठोडा पोलिस ठाण्यांतर्गत आऊटर रिंगरोडवर घडली. गंभीर जखमी पत्नीवर रुग्णालयात उपचार सुरू आहेत. या अपघाताने परिसरात हळहळ व्यक्त केली जात आहे.
05 Nov 2025 12:40 PM (IST)
मुंबईतून अँटॉप हील येथून एक धक्कादायक बातमी समोर आली आहे. घरकाम करणाऱ्या २७ वर्षीय तरुणीने मालकाच्या घराच्या बाल्कनीमध्ये आत्महत्या केल्याचे समोर आले आहे. तिच्यावर चोरीच्या संशयातून तिने टोकाचे पाऊल उचलल्याचे शक्यता व्यक्त केली जात आहे. आत्महत्या करणाऱ्या तरुणीचे नाव चोईसांग तामांग असे आहे.
05 Nov 2025 12:30 PM (IST)
कल्याण रेल्वे स्टेशनच्या पादचारी पुलावरून ८ महिन्यांच्या बाळाची चोरी करण्यात आल्याची घटना समोर आली आहे. कल्याण रेल्वे पोलिसांनी आणि महात्मा फुले पोलिसांनी अवघ्या ६ तासांच्या आत बाळाला शोधून काढून आई- वडिलांकडे सोपवले आहे. पोलिसांनी आरोपीला आत्या- भाच्याला अटक केली आहे. आरोपी तरुणाचा नाव अक्षय खरे आणि सविता खरे असे नाव आहे. चोरीच्या या घटनेचा थरार सीसीटीव्हीमध्ये कैद झाली आहे
05 Nov 2025 12:20 PM (IST)
पती-पत्नीमध्ये वाद होणे ही साधारण गोष्ट असली तरी कधी कधी या वादाचं रुप किती भयंकर होऊ शकतं हे सांगणं कठीण असतं. असाच एक धक्कादायक प्रकार समोर आला आहे. एका महिलेने पतीच्या बेरोजगारीला कंटाळून त्याची वीट आणि दांडक्याने हत्या केली. धक्कादायक बाब म्हणजे, पतीचा खून केल्यानंतर ती त्याच्या मृतदेहाशेजारी बसून मेकअप करत होती. हरियाणातील सोनीपत जिल्ह्यातील गोहाना परिसरात ही भीषण घटना घडली आहे.
05 Nov 2025 12:10 PM (IST)
पुण्यातील पिंपरी-चिंचवड येथून अवैध वास्तव्यात असणाऱ्या बांगलादेशी महिलेला दहशतवाद विरोधी पथकाने ताब्यात घेतले आहे. व्हिसाची मुदत संपल्यानंतरही ती भोसरी परिसरात राहत असल्याने ही कारवाई करण्यात आली आहे. कारवाई करण्यात आलेल्या महिलेचं नाव माला विट्ठल डावखर उर्फ फातिमा अमजद अख्तर (वय ३५) असे आहे. गेल्या सात ते आठ वर्षांपासून ती भारतात राहत होती. काही वर्षांपासून ती भोसरी परिसरातील चक्रपाणी वसाहत भागात ती रहात होती. ती भारतात कामाच्या शोधात आली होती. अनेकांच्या घरी ती घरकाम करत होती.
05 Nov 2025 12:05 PM (IST)
अमेरिकेत (America) एक भीषण दुर्घटना घडली आहे. केंटकी येथील लुइसविले येथे एक मालवाहू विमान कोसळले आहे. विमान कोसळल्यानंतर भीषण आग लागली आहे. या घटनेचा भयावह व्हिडिओ सोशल मीडियावर व्हायरल होत आहे. या अपघातात चार जणांचा मृत्यू आणि ११ गंभीर जखमी झाले आहेत. मंगळवारी ( दि. ०४ नोव्हेंबर) ही दुर्घटना घडली.
05 Nov 2025 11:55 AM (IST)
दिल्लीच्या मुख्यमंत्री रेखा गुप्ता यांनी गुरु नानक जयंतीनिमित्त साजरी केली. पटना साहिब येथील तखत श्री हरिमंदिर जी गुरुद्वारा येथे रेखा गुप्ता यांनी प्रार्थना केली आहे.
05 Nov 2025 11:45 AM (IST)
अमेरिकेच्या न्यूयॉर्क शहरातील महापौर पदाच्या निवडणुका पार पडल्या असून निकाल जाहीर करण्यात आला आहे. भारतीय वंशाचे जोरहान ममदानी यांनी या निवडणुकीत दणदणीत विजय मिळवला आहे. ते महापौरपदाच्या शर्यतीत सुरुवातीपासूनच ममदानी आघाडीवर होते. ममदानी न्यूयॉर्कचे पहिले मुस्लिम महापौर बनले आहेत.
05 Nov 2025 11:35 AM (IST)
भारतीय क्रिकेटर विराट कोहलीचा आज वाढदिवस आहे. आज विराट त्याचा 37 वा वाढदिवस साजरा करत आहे. जो क्रिकेटच्या इतिहासातील महान फलंदाजांपैकी एक मानला जातो. त्याचा जन्म ५ नोव्हेंबर १९८८ रोजी नवी दिल्ली येथे झाला. त्याच्यावर संपूर्ण क्रिकेट विश्वातून शुभेच्छांचा वर्षाव होत आहे.
05 Nov 2025 11:25 AM (IST)
कार्तिक पौर्णिमा आणि गंगा मेळाव्यानिमित्त, उत्तर प्रदेशचे मुख्यमंत्री योगी आदित्यनाथ यांनी भव्य उत्सव साजरा केला. हापूर जिल्हा प्रशासनाने गंगा नदीच्या पवित्र तीरावर जमलेल्या भाविकांवर हेलिकॉप्टरमधून पुष्पवृष्टी केली आणि या पवित्र कार्यक्रमाला आध्यात्मिक आणि उत्सवाचा आनंद दिसून आला.
PHOTO | On the occasion of Kartik Purnima and the Garh Ganga Mela, Uttar Pradesh Chief Minister Yogi Adityanath ensured a grand celebration as the Hapur district administration showered flower petals from a helicopter over devotees gathered on the holy banks of the Ganga River,… pic.twitter.com/NUe95BEwIa
— Press Trust of India (@PTI_News) November 5, 2025
05 Nov 2025 11:15 AM (IST)
उद्धव ठाकरे आजपासून चार दिवस मराठवाडा दौर्यावर आहेत. या दौऱ्यादरम्यान त्यांनी पैठण तालुक्यातील नांदर गावात शेतकऱ्यांशी थेट संवाद साधून नुकसानीचा आणि सरकारी मदतीचा आढावा घेतला. यावेळी उद्धव ठाकरे यांनी नांदर गावात शेतकऱ्यांच्या बांधावर जाऊन त्यांच्या व्यथा ऐकल्या. तसेच राज्य सरकारने जाहीर केलेली अतिवृष्टी नुकसानीची भरपाई (भरपाई) प्रत्यक्षात किती मिळाली, मिळाली की नाही, याची माहिती त्यांनी शेतकऱ्यांकडून घेतली. यावेळी उद्धव ठाकरे यांनी राज्य सरकारकडे एक मोठी मागणी केली आहे.
05 Nov 2025 11:05 AM (IST)
बराक ओबामा हे अमेरिकेचे ४४वे राष्ट्राध्यक्ष होते, ज्यांनी २००९ ते २०१७ या काळात पदभार सांभाळला. ते अमेरिकेचे पहिले आफ्रिकन अमेरिकन राष्ट्राध्यक्ष होते आणि डेमोक्रॅटिक पक्षाचे सदस्य आहेत. अध्यक्ष होण्यापूर्वी, त्यांनी इलिनॉयसाठी अमेरिकेचे सिनेटर म्हणून काम केले. आजच्या दिवशी बराक ओबामा यांनी पदभार स्वीकारला होता. बराक ओबामा अमेरिकेचे पहिले कृष्णवर्णीय राष्ट्राध्यक्ष बनले होते. त्यांनी हार्वर्ड लॉ स्कूलमधून पदवी मिळवली आणि ते हार्वर्ड लॉ रिव्ह्यूचे पहिले कृष्णवर्णीय अध्यक्ष होते. बराक ओबामा यांचा कार्यकाळ संपूर्ण विश्वात चर्चेत राहिला आहे.
05 Nov 2025 09:59 AM (IST)
हर्षवर्धन राणे आणि सोनम बाजवा यांचा “एक दीवाने की दिवानियत” हा चित्रपट स्पष्टपणे एक डार्क हॉर्स ठरला आहे. दिवाळीत लोकप्रिय हॉरर कॉमेडी “थामा” सोबत टक्कर होऊनही हा चित्रपट हिट होईल असे कोणी विचार केला होता? आणि आता मनोरंजक गोष्ट म्हणजे, “एक दीवाने की दिवानियत” हा चित्रपट आयुष्मान खुराणा अभिनीत “थामा” पेक्षा खूपच कमी स्क्रीनवर प्रदर्शित झाला. तरीही, त्याने बॉक्स ऑफिसवर असाधारण कामगिरी केली आणि दमदार कलेक्शन केलेआहे. “एक दीवाने की दिवानियत” ने रिलीजच्या १५ व्या दिवशी, दुसऱ्या मंगळवारी किती कमाई केली हे आपण आता जाणून घेणार आहोत.
