Top Marathi News Today Live: मतदार यादीच्या SIR संदर्भात आज निवडणूक आयोगाची पत्रकार परिषद

27 Oct 2025 12:00 PM (IST)

SIR बाबत केंद्रीय निवडणूक आयोगाची पत्रकार परिषद

मतदार याद्यांची देशभरात विशेष सखोल फेरतपासणी (एसआयआर) करण्याबाबत निवडणूक आयोग आज पत्रकार परिषद घेणार आहे. दुपारी साडेचार वाजता ही पत्रकार परिषद होईल. मुख्य निवडणूक आयुक्त ज्ञानेश कुमार, निवडणूक आयुक्त सुखबिर सिंग संधूव विवेक जोशी हे यावेळी उपस्थित असतील.

27 Oct 2025 11:50 AM (IST)

मोठी बातमी! जैन बोर्डिंग जमीन व्यवहार गोखले बिल्डरकडून रद्द

जैन बोर्डिंग जमीन व्यवहार प्रकरणावरुन पुण्यात वाद निर्माण झाला आहे. या जमिन व्यवहार प्रकरणामुळे खासदार मुरलीधर मोहोळ यांच्या अडचणी देखील वाढल्या. संपूर्ण राज्यामध्ये हे प्रकरण गाजल्यानंतर जैन बोर्डिंग जमीन व्यवहार गोखले बिल्डरकडून रद्द करण्यात आला आहे. याबाबत मेल HND ट्रस्टला पाठवण्यात आला आहे.

27 Oct 2025 11:40 AM (IST)

राज्यात पुन्हा एकदा पावसाचे थैमान, वाऱ्याचा वेग 35 ते 45 किमी प्रतितास

. बंगालच्या उपसागरावरील कमी दाबाचा पट्टा रविवारी तीव्र होऊन खोल कमी दाबाचा पट्टा बनला आहे. आता त्याचे रूपांतर मोंथा चक्रीवादळात होण्याची शक्यता आहे. या चक्रीवादळामुळे अनेक राज्यात मुसळधार पाऊस पडण्याची शक्यता आहे. भारतीय हवामान विभागाच्या माहितीनुसार, पश्चिम किनारपट्टीवर 25 ते 29 ऑक्टोबर 2025 या कालावधीत कमी दाबाचा पट्टा निर्माण झाला आहे. त्यामुळे वाऱ्याचा वेग 35 ते 45 किमी प्रतितास राहील. काही ठिकाणी वाऱ्याचा वेग 55 किमी प्रतितासपर्यंत जाऊ शकतो.

27 Oct 2025 11:40 AM (IST)

वरळीमध्ये पार पडणार शिवसेनेचा निर्धार मेळावा

शिवसेना पक्षप्रमुख उद्धव ठाकरेंच्या शिवसेनेचा निर्धार मेळावा NSCI डोम वरळी येथे संध्याकाळी पाच वाजता पार पडणार आहे. आगामी मुंबई महानगरपालिका निवडणुकांच्या पार्श्वभूमीवर हा मेळावा आयोजित करण्यात आला आहे.  या मेळाव्यासाठी शिवसेना ठाकरे गटाचे मुंबईतील महत्त्वाचे पदाधिकारी आमदार, विभाग प्रमुख, शाखाप्रमुख, उपशाखाप्रमुख उपस्थित राहणार आहेत. या सर्वांना उद्धव ठाकरे मार्गदर्शन करणार आहेत.

27 Oct 2025 11:30 AM (IST)

अभिनेत्री तेजस्वी लोणारी होणार शिवसेना नेत्याची सून

अभिनेत्री तेजस्वी लोणारीचा साखरपुडा रविवारी (२५ नोव्हेंबर) पाटामाटात पार पडला आहे. लग्रानंतर अभिनेत्री राजकीय घराण्याची सून होणार आहे. तेजस्विनी शिवसेना युवा नेते समाधान सरवणकर यांच्याशी विवाह करणार आहे.  समाधान सरवणकर हे शिवसेना नेते सदा सरवणकर यांचे पुत्र आहेत.

27 Oct 2025 11:20 AM (IST)

UP मध्ये गर्भवती महिलेला बैलगाडीतून रुग्णालयात

उत्तर प्रदेशमधील धक्कादायक घटना समोर आली आहे. गर्भवती असलेली रेश्मा नामक महिलेला बैलगाडीवर झोपवून सरकारी रुग्णालयात पोहचवण्याक आले. चिखलाच्या रस्त्यावरून ३ किलोमीटर प्रवास करुन अत्यंत धोकादायक पद्धतीने या महिलेला नेण्यात आला. वाहिका चालकाने अशा चिखलातील रस्त्यावरुन प्रवास करण्यास नकार दिला होता.

गर्भवती रेशमा बैलगाड़ी पर लेटकर दलदल भरे रास्ते में 3 KM सफर करके सरकारी अस्पताल पहुंच पाई। ऐसे रास्ते पर एंबुलेंस ड्राइवर ने आने से मना कर दिया था।
📍जिला हमीरपुर, यूपीpic.twitter.com/QqHOQOb7A1

— Sachin Gupta (@SachinGuptaUP) October 27, 2025

27 Oct 2025 11:06 AM (IST)

सवाई माधवराव यांनी शनिवार वाड्यामध्ये घेतला अखेरचा श्वास

मराठा साम्राजामध्ये पेशवाई हा अत्यंत समृद्ध आणि शौर्याचा काळ मानला जातो. मराठा राज्याचे पंतप्रधान असलेले पेशव्यांनी तलवारीच्या बाजीने स्वराज्य राखले. सवाई माधवराव अर्थात माधवराव नारायण यांचे नाव देखील इतिहासामध्ये प्रसिद्ध आहे. शनिवार वाड्यातील कारस्थानामध्ये नारायणरावांचा जीव गेला. माधवराव नारायणास साताऱ्याच्या छत्रपतींकडून पेशवाईची वस्त्रे देववून पेशवेपदावर बसवले. पदारूढ होतेवेळेस माधवराव नारायण अल्पवयीन असल्यामुळे आरंभी नाना फडणवीस कारभारी म्हणून कामकाज पाहत होते. सवाई माधवराव यांनी याने इ.स. १७८२ ते इ.स. १७९५ या काळात मराठ्यांच्या पेशवाईची सूत्रे सांभाळली. आजच्या दिवशी 1795 साली सवाई माधवराव यांनी शनिवार वाड्यामध्ये अखेरचा श्वास घेतला.

27 Oct 2025 11:05 AM (IST)

फलटण आत्महत्या प्रकरणात नवे वळण 

फलटण उपजिल्हा रुग्णालयातील महिला डॉक्टरच्या आत्महत्येच्या प्रकरणात एक नवे वळण आले आहे. एका महिलेनं असा दावा केला आहे की, तिच्या मुलीच्या मृत्यूचा खोटा पोस्टमॉर्टम अहवाल तयार करण्यासाठी संबंधित डॉक्टरवर दबाव टाकण्यात येत होता. या महिलेनं केलेल्या आरोपानुसार, मुलीच्या सासरच्यांकडून पोस्टमॉर्टम रिपोर्ट बदलण्यासाठी पोलिस तसेच काही राजकीय मंडळींकडून दबाव टाकण्यात आला होता. डॉक्टरवर या प्रकरणात दबाव वाढल्यानेच त्यांनी टोकाचे पाऊल उचलल्याची शक्यता व्यक्त केली जात आहे. या नव्या आरोपांनंतर या आत्महत्या प्रकरणाला वेगळं वळण मिळण्याची शक्यता असून, पोलिस तपासाची दिशा बदलण्याची चिन्हं दिसत आहेत. प्रकरणाचा सखोल तपास सुरू असल्याचे अधिकाऱ्यांनी सांगितले.

27 Oct 2025 10:58 AM (IST)

घरबसल्या तयार करा तुमचे आवडते फोटो

छठ महापर्व सुरू झाला आहे आणि आज म्हणजेच 27 ऑक्टोबर रोजी पहिल्या संध्याकाळी अर्घ्य अर्पण केले जाणार आहे. जर तुम्ही छठ पूजेसाठी बाहेर जाऊ शकत नसाल आणि तुम्हाला सोशल मीडियावर तुमचे फोटो शेअर करायचे असतील तर आता Google Gemini AI तुम्हाला मदत करणार आहे. Google Gemini AI च्या मदतीने तुम्ही तुमचा फोटो अपलोड करून आणि प्रॉम्प्ट पेस्ट करून तुम्हाला पाहिजे तसे फोटो तयार करू शकता. हे फोटो तुम्ही सोशल मीडियावर शेअर देखील करू शकता.

27 Oct 2025 10:49 AM (IST)

भारताविरुद्धच्या T20 मालिकेसाठी ऑस्ट्रेलियाने संघात मोठा बदल

ऑस्ट्रेलियाने भारताविरुद्धच्या आगामी टी-२० आंतरराष्ट्रीय सामन्यासाठी न्यू साउथ वेल्सचा लेगस्पिनर तनवीर संघाची संघात निवड केली आहे. झांपा वैयक्तिक कारणांमुळे मालिकेतील पहिल्या सामन्यातून माघार घेतली होती. क्रिकेट ऑस्ट्रेलियाने सोमवारी कॅनबेरा येथे सांगा संघात सामील झाल्याची पुष्टी केली. भारत आणि ऑस्ट्रेलिया यांच्यातील मालिकेतील पहिला टी-२० आंतरराष्ट्रीय सामना २९ ऑक्टोबर रोजी मनुका ओव्हल येथे खेळला जाईल.

27 Oct 2025 10:41 AM (IST)

गेममधील OB51 अपडेट या दिवशी होणार रिलीज

फ्री फायर मॅक्स प्लेअर्सची प्रतिक्षा अखेर संपली आहे. गरेनाने दिर्घ प्रतिक्षेनंतर अखेर फ्री फायर मॅक्स OB51 अपडेटची रिलीज डेट अधिकृतपणे जाहीर केली आहे. गेल्या काही काळापासून गेमच्या या नवीन अपडेटबाबत सतत लीक्स समोर येत होते. आता अखेर कंपनीने या अपडेटची रिलीज डेट जाहीर केली आहे. नवीन अपडेटसह गेममध्ये नवीन कॅरेक्टरची देखील एंट्री होणार आहे. यामध्ये टीम बूस्टर, एन्हांस हॅमर, टॅक्टिकल मार्केट आणि सुपर लेग पॉकेट यांचा समावेश असणार आहे. यासर्वांबाबत आता सविस्तरपणे जाणून घेऊया.

27 Oct 2025 10:33 AM (IST)

नोव्हेंबरमध्ये किती दिवस राहणार शाळा बंद

मुलांना ऑक्टोबर आणि नोव्हेंबर हा वर्षातील सर्वोत्तम काळ वाटतो. याचे कारण म्हणजे भरपूर सुट्ट्या आणि सहा महिने शाळेत घालवल्यानंतर धमाल मस्ती करण्याचे हे महिने आहेत. ऑक्टोबर आणि नोव्हेंबरमध्ये सणांचा हंगाम चालू असतो आणि प्रत्येक दिवस हा कोणत्या ना कोणत्या सणासाठी सुट्टीचा असतो. या वर्षी ऑक्टोबरमध्ये करवा चौथ आणि दिवाळीसह विविध सणांसाठी मोठ्या प्रमाणात सुट्ट्या देण्यात आल्या.

बातमी सविस्तर वाचा...

27 Oct 2025 10:24 AM (IST)

‘बिग बॉस’च्या घरात झाले डबल एलिमिनेशन

प्रेक्षक ‘बिग बॉस १९’ च्या ‘वीकेंड का वार’ ची आतुरतेने वाट पाहत असतात. यावेळी प्रेक्षकांना मोठा धक्का बसला आहे. कारण या आठवड्यात ‘बिग बॉस’च्या घरातून दोन स्पर्धक एकत्र बाहेर पडले आहेत. बसीर अली आणि नेहल चुडासमा यांना अचानक डबल एव्हिक्शनमध्ये बाहेर काढण्यात आले. या डबल एव्हिक्शनने सर्वांनाच धक्का दिला. चाहते बसीरला बाहेर पडलेले पाहून चकीत झाले आहेत.

27 Oct 2025 10:15 AM (IST)

देशभरात SIR घोषणा होणार?

निवडणूक आयोग आज दुपारी सव्वा चार वाजता पत्रकार परिषद घेणार आहे. या पत्रकार परिषदेत मतदार यादीच्या स्पेशल इंटेन्सिव्ह रिव्हिजन (SIR) संदर्भातील महत्त्वाचा निर्णय जाहीर होण्याची शक्यता आहे. मिळालेल्या माहितीनुसार, देशभरात SIR प्रक्रिया राबविण्याचा निर्णय आयोग घेऊ शकतो. या मोहिमेच्या पहिल्या टप्प्यात 10 ते 15 राज्यांचा समावेश असण्याची शक्यता वर्तवली जात आहे.

27 Oct 2025 10:07 AM (IST)

रोहित शर्मा-विराट कोहलीचे कधी होणार पुनरागमन?

हिटमॅन रोहित शर्मा आणि रन मशीन विराट कोहलीला पुन्हा मैदानावर पाहण्यासाठी तुम्हाला पुन्हा वाट पहावी लागेल. ९ मार्च २०२५ नंतर, विराट कोहली आणि रोहित शर्मा १९ ऑक्टोबर २०२५ रोजी पहिल्यांदाच आंतरराष्ट्रीय क्रिकेट खेळताना दिसतील आणि २५ ऑक्टोबर रोजी त्यांच्या शेवटच्या सामन्यात मैदानावर उतरतील.

भारत विरुद्ध दक्षिण आफ्रिका एकदिवसीय मालिकेचे वेळापत्रक

पहिला एकदिवसीय सामना – ३० नोव्हेंबर २०२५, रांची

दुसरा एकदिवसीय सामना – ३ डिसेंबर २०२५, जयपूर

तिसरा एकदिवसीय सामना – ६ डिसेंबर २०२५, विझाग

27 Oct 2025 09:55 AM (IST)

हे आहेत फ्री फायर मॅक्सचे आजचे रिडीम कोड्स

• F3H8J4K1L7P5O2I9
• F9S2D6F3G7H1J4K8
• F1L5P9O3I7U2Y4T8
• F4Q8W2E6R1T5Y9U3
• F7A1S5D9F2G6H3J7
• F2Z6X3C7V1B5N8M4
• F5H9J1K8L4P2O6I3
• F8S3D7F4G1H5J9K2
• F3L7P2O6I4U8Y1T5
• F6Q1W5E9R3T7Y2U4
• F9A4S8D2F6G3H7J1
• F1Z5X9C3V7B2N6M8

27 Oct 2025 09:45 AM (IST)

‘एक दिवाने की दिवानियत’ ठरला हर्षवर्धन राणेचा नंबर 1 चित्रपट

चित्रपटाच्या दैनंदिन कमाईचा संपूर्ण डेटा आपण आता जाणून घेणार आहोत. कृपया लक्षात घ्या की SACNILC च्या माहितीनुसार, आता पर्यंतच्या कमाईत बद्दल होण्याची शक्यता आहे. तसेच हा चित्रपट पुढे किती कमाई करतो हे पाहणे उत्सुकतेचे ठरणार आहे. बॉक्स ऑफिस कलेक्शन आकडेवारीनुसार, चित्रपटाने पहिल्या दिवशी ९ कोटी रुपये, तर दुसऱ्या दिवशी ७.७५ कोटी रुपये, तिसऱ्या दिवशी ६ कोटी रुपये, चौथ्या दिवशी ५.५ कोटी, पाचव्या दिवशी ५.७५ कोटी रुपये आणि सहाव्या दिवशी ६.४४ कोटींची कमाई केली आहे. चित्रपटाने एकूण ४०.९४ कोटींची कमाई केली आहे.

27 Oct 2025 09:35 AM (IST)

शेवटच्या लीग सामन्यानंतर जाणून घ्या गुणतालिकेची स्थिती

भारत विरुद्ध बांग्लादेश यांच्यामध्ये शेवटचा महिला विश्वचषक 2025 चा साखळी सामना काल डिवाय पाटील स्टेडियमवर खेळवण्यात आला होता. पण हा सामना पुर्ण झाला नाही. पावसामुळे हा सामना रद्द करण्यात आला होता. २६ ऑक्टोबर रोजी भारत आणि बांगलादेश यांच्यात खेळला गेला, यासह लीग टप्पा संपला. तथापि, महिला विश्वचषक २०२५ च्या सेमीफायनलमध्ये पोहोचणारे संघ आधीच निश्चित झाले होते. ऑस्ट्रेलिया, इंग्लंड, दक्षिण आफ्रिका आणि भारत यांनी सेमीफायनलमध्ये प्रवेश केला होता, तर श्रीलंका, न्यूझीलंड, बांगलादेश आणि पाकिस्तान स्पर्धेतून बाहेर पडले होते.

27 Oct 2025 09:25 AM (IST)

आज बाजारात तेजी असण्याची शक्यता

अमेरिका-चीन व्यापार कराराच्या घडामोडींमुळे जागतिक बाजारपेठेत तेजी दिसून आली. याचाच विचार करून तज्ज्ञांनी असा अंदाज वर्तवला आहे की, आज सोमवारी भारतीय शेअर बाजारातील बेंचमार्क निर्देशांक, सेन्सेक्स आणि निफ्टी ५०, सकारात्मक पातळीवर उघडण्याची शक्यता आहे. गिफ्ट निफ्टीवरील ट्रेंड देखील भारतीय बेंचमार्क निर्देशांकासाठी गॅप-अप सुरुवात दर्शवितात. गिफ्ट निफ्टी २५,९१४ च्या आसपास व्यवहार करत होता, जो निफ्टी फ्युचर्सच्या मागील बंदपेक्षा जवळजवळ १०० अंकांचा प्रीमियम होता.

27 Oct 2025 09:15 AM (IST)

न्यूझीलंडविरुद्ध शतक झळकावणारी स्टार जखमी

भारत विरुद्ध बांग्लादेश यांच्यामध्ये शेवटचा साखळी सामना काल पार पडला पण हा सामना पावसामुळे रद्द करण्यात आला आहे. 29 ऑक्टोबरपासून सेमीफायनलचे सामने सुरु होणार आहेत. पहिला सामना हा इंग्लड विरुद्ध दक्षिण आफ्रिका यांच्यामध्ये खेळवला जाणार आहे तर २०२५ च्या महिला विश्वचषकात भारत आणि ऑस्ट्रेलिया यांच्यातील उपांत्य सामना ३० ऑक्टोबर रोजी होणार आहे. टीम इंडियाला ग्रुप स्टेजमध्ये ऑस्ट्रेलियाविरुद्ध दारुण पराभव पत्करावा लागला. कांगारू संघाला हरवणे हरमनप्रीत कौर आणि कंपनीसाठी सोपे नसेल.

27 Oct 2025 09:05 AM (IST)

आठवड्याच्या सुरुवातीलाच सोन्या-चांदीचे भाव कोसळले

भारतात 27 ऑक्टोबर रोजी 24 कॅरेट सोन्याच्या प्रति ग्रॅमचा दर 12,561 रुपये, 22 कॅरेट सोन्याच्या प्रति ग्रॅमचा दर 11,514 रुपये आणि 18 कॅरेट सोन्याच्या प्रति ग्रॅमचा दर 9,421 रुपये आहे. भारतात 27 ऑक्टोबर रोजी 22 कॅरेट सोन्याच्या प्रति 10 ग्रॅमचा दर 1,15,140 रुपये, 24 कॅरेट सोन्याच्या प्रति 10 ग्रॅमचा दर 1,25,610 रुपये आणि 18 कॅरेट सोन्याच्या प्रति 10 ग्रॅमचा दर 94,210 रुपये आहे. भारतात 27 ऑक्टोबर रोजी चांदीचा भाव प्रति ग्रॅम 154.90 रुपये आणि प्रति किलोग्रॅम 1,54,900 रुपये आहे. दिल्ली शहरात आज 22 कॅरेट सोन्याच्या प्रति 10 ग्रॅमचा दर 1,15,290 रुपये, 24 कॅरेट सोन्याच्या प्रति 10 ग्रॅमचा दर 1,25,760 रुपये आणि 18 कॅरेट सोन्याच्या प्रति 10 ग्रॅमचा दर 94,360 रुपये आहे.

27 Oct 2025 08:55 AM (IST)

मसूद अझहरचा ऑडिओ समोर; जैश-ए-मोहम्मदच्या 'महिला ब्रिगेड'बाबत धोकादायक प्लॅनिंग

दहशतवादी संघटना जैश-ए-मोहम्मदच्या महिला ब्रिगेडविषयीची माहिती उघड करणाऱ्या मालिकेनंतर आता या संघटनेच्या प्रमुख मौलाना मसूद अझहरचा एक ऑडिओ रेकॉर्डिंग समोर आला आहे. हा ऑडिओ बाहावलपूरमधील मरकझ उस्मान ओ अली येथे गेल्या आठवड्यात घेतलेल्या भाषणाचा असल्याचे सांगण्यात येते. रेकॉर्डिंगची एकूण लांबी सुमारे २१ मिनिटे आहे. माहितीप्रमाणे, या रेकॉर्डिंगमध्ये मसूद अझहर जिहादच्या नावाखाली पुरुष दहशतवाद्यांसोबत महिलांना तैनात आणि प्रशिक्षण देण्याच्या योजनाबद्दल स्पष्ट बोलत असल्याचे समोर आले आहे. वरिष्ठ सूत्रांनी आणि मालिकेच्या सामुग्रीतून मिळालेल्या तपशीलांवरून हा आवाज आणि संदर्भ जुळून येत असल्याचा दावा केला जात आहे.

27 Oct 2025 08:50 AM (IST)

भारत-बांगलादेश सामना पावसामुळे रद्द; विश्वचषकाच्या सेमीफायनलिस्ट संघांची घोषणा निश्चित

महिला विश्वचषक २०२५ मधील शेवटचा साखळी सामना भारत आणि बांगलादेश यांच्यात २६ ऑक्टोबर रोजी डॉ. डी. वाय. पाटील स्टेडियमवर खेळवण्यात आला. मात्र, पावसाच्या व्यत्ययामुळे हा सामना अपुरा राहिला आणि अखेर रद्द करण्यात आला.या सामन्यानंतर लीग टप्प्याची सांगता झाली आहे. तथापि, सेमीफायनलमध्ये पोहोचणारे संघ आधीच निश्चित झाले होते. ऑस्ट्रेलिया, इंग्लंड, दक्षिण आफ्रिका आणि भारत या चार संघांनी उपांत्य फेरीत स्थान मिळवले आहे दरम्यान, श्रीलंका, न्यूझीलंड, बांगलादेश आणि पाकिस्तान हे संघ लीग टप्प्यातूनच स्पर्धेबाहेर फेकले गेले आहेत.

27 Oct 2025 08:45 AM (IST)

जैन बोर्डिंग प्रकरणात गोखले बिल्डरचा व्यवहार रद्द, धंगेकरांना मौनाचे आदेश

पुण्यातील जैन बोर्डिंग हॉस्टेल प्रकरणात काल मोठी घडामोड घडली आहे. गोखले बिल्डर यांनी संबंधित ट्रस्टींना मेल करून “आपण व्यवहार रद्द करत आहोत, कृपया माझे पैसे परत द्या,” असे स्पष्ट कळवले आहे. दरम्यान, या प्रकरणात आणखी एक महत्त्वाची हालचाल झाली आहे. राज्याचे उपमुख्यमंत्री आणि शिवसेनेचे नेते एकनाथ शिंदे यांनी आक्रमक भूमिका घेत असलेल्या आमदार रवींद्र धंगेकर यांना दोन दिवस काहीही बोलू नये, असे आदेश दिले, अशी माहिती स्वतः धंगेकर यांनी दिली आहे. विशेष म्हणजे, केंद्रीय गृहमंत्री अमित शहा आज मुंबई दौर्‍यावर आहेत, आणि त्याच्या आदल्या दिवशी या दोन्ही घटना घडल्याने हा फक्त योगायोग की राजकारणाचा नवा डाव, असा प्रश्न राजकीय वर्तुळात उपस्थित झाला आहे.