शासकीय त्रासदायक कामं सोपी केली..; शासन आपल्या दारी कार्यक्रमात मंत्री बावनकुळेंचे केले कौतुक

कल्याण ग्रामीणचे शिवसेना शिंदे गटाचे आमदार राजेश मोरे यांनी डोंबिवलीत शासन आपल्या दारी या शिबीराचे आयोजन केले. यावेळी मंत्री चंद्रशेखर बावनकुळे यांचे कौतुक केले.

Maharashtra Political News : डोंबिवली : शासनाकडून जे त्रासदायक काम असतात. ते काम सोपे करण्याचे महसूल मंत्री चंद्रशेखऱ बावनकुळे (Chandrashekhar Bawankule) यांनी केले आहे. यासाठी मी त्यांचे अभिनंदन करतो असे विधान कल्याण ग्रामीणचे शिवसेना शिंदे गटाचे आमदार राजेश मोरे यांनी डोंबिवलीत केले आहे. डोंबिवलीत ‘शासन आपल्या दारी’ या शिबीरांतर्गत विविध दाखले वाटप कार्यक्रमात आमदार मोरे यांनी हे विधान केले आहे.

डोंबिवलीत छत्रपती शिवाजी महाराज महाराजस्व समाधान शिबीराचे आयोजन करण्यात आले होते. या अंतर्गत उत्पन्नाचा दाखला, सातबारा आदी विविध दाखले वाटप केले गेले. या कार्यक्रमाच्या माध्यमातून शेतकरी, नागरीक, विद्यार्थी यांना याचा फायदा मिळाला आहे. या कार्यक्रमात कल्याण ग्रामीणचे शिवसेना आमदार राजेश मोरे यांच्यासह नायब तहसीलदार सत्यजीत
चव्हाण आणि मोठ्या प्रमाणात लाभार्थी उपस्थित होते. या कार्यक्रमाच्या वेळी आमदार मोरे यांनी सांगितले की, शासनाकडून दिले जाणारे दाखले मिळण्यात नागरीकांना त्रास सहन करावा लागत होता.

हे देखील वाचा : मुख्यमंत्री फडणवीस करणार सुनेत्रा पवारांचा प्रचार; पडळकरांचेही स्टार प्रचारकांमध्ये नाव

मात्र ही योजना सुरु झाल्याने नागरीकांचा त्रास कमी झाला आहे. रखडलेले विविध प्रकारचे दाखले यावेळी वाटप करण्यात आले. ही कामे अगदी सोप्या पद्धतीने आणि कमी वेळेत होत असल्याने आमदार मोरे मुख्यमंत्री, उपमुख्यमंत्री यांच्यासह महसूल मंत्री चंद्रशेखर बावनकुळे यांचे विशेष आभार मानले.

हे देखील वाचा :  समर्थ मंदिर वाहतूक कोंडीवर तोडगा; बोगदा–समर्थ मंदिर रस्ता 15 मीटरने रुंद होणार

शिवसेनेमध्ये ऑपरेशन टायगर

शिवसेना ठाकरे गटाचे खासदार आणि उपमुख्यमंत्री एकनाथ शिंदे यांच्याशी गुप्त बैठक झाली. ठाकरे गटाचे खासदार शिंदे गटात सामील होणार असल्याची बातमीने राजकीय वर्तुळात एकच खळबळ उडाली आहे. यासंदर्भात शिंदे गटाचे नेते नरेश म्हस्के आणि खासदार श्रीकांत शिंदे यांनी स्वत: फेटाळून लावले आहेत. पण दुसरीकडे शिंदे गटाचे नेते संजय शिरसाट यांनी मात्र ठाकरे गटाचे आमदार आणि खासदार एका महिन्यात फुटणार असल्याचा दावा केला आहे.

संजय शिरसाट यांनी वर्धा येथे बोलताना राज्यात पुन्हा एकदा ऑपरेशन टायगर राबवले जाणार असल्याचे भाष्य केलं. आहे. ठाकरे गटाचे आमदार आणि खासदार एकनाथ शिंदे यांच्या संपर्कात आहेत. येत्या एका महिन्यात ऑपरेशन टायगरचा प्रत्यय तुम्हाला दिसेल, अस शिरसाट यांनी म्हटलं आहे. ठाण्यात एकनाथ शिंदे आणि ठाकरे गटाच्या खासदारांची बैठक झाल्याची बातमी समोर आल्याने राजकीय वर्तुळात एकच खळबळ उडाली होती. त्यातच आता शिरसट यांच्या वक्तव्याने आणखी बळ मिळाल्याचे दिसत आहे.