मोठी बातमी ! अखेर ठाकरे सेना- मनसेची युती, एकत्र लढवणार निवडणूक (फोटो सौजन्य-X)
MNS-Shivsena News In Marathi: आगामी महापालिका आणि स्थानिक स्वराज्य संस्थांच्या निवडणुकांसाठी ठाकरे बंधू एकत्र येण्याची चर्चा जोर धरत आहे. विशेष म्हणजे गेल्या काही दिवसांत दोनवेळा ठाकरे बंधू एकत्र आल्याचं पाहायला मिळालं. दरम्यान, उद्धव ठाकरेंच्या वाढदिनी राज ठाकरे मातोश्रीवर जाऊन त्यांचा शुभेच्छा दिल्याने महापालिका निवडणुकांसाठी शिवसेना-मनसेची युती होईल असा विश्वास कार्यकर्ते व्यक्त करत आहेत. ठाकरे बंधूंच्या एकत्र येण्याने दोन्ही पक्षाच्या कार्यकर्त्यांमध्ये उत्साहाचे वातावरण आहे आणि मुंबईतील बेस्टच्या पतपेढीसाठी होणाऱ्या निवडणुकीत शिवसेना (Shivsena) आणि मनसे (MNS) यांनी एकत्र येऊन आघाडी केली आहे. दोन्ही पक्षाच्या युतीचे पॅनेल येथे निवडणुकीच्या मैदानात असणार आहे.
आगामी बेस्ट कामगार पतपेढी निवडणुकीत उद्धव ठाकरे आणि राज ठाकरे एकत्र निवडणूक लढवणार असल्याची माहिती समोर आली आहे. बेस्ट पतपेढीची ही निवडणूक 18 ऑगस्टला होणार आहे. ठाकरेंच्या शिवसेनेची बेस्ट कामगार सेना आणि मनसेच्या मनसे कर्मचारी सेनेने एकत्र निवडणूक लढवण्याची घोषणा केली होती.
आगामी स्थानिक स्वराज्य संस्थेच्या निवडणुकीत दोन्ही ठाकरे बंधू एकत्र येतील अशी चर्चा सुरू असतानाच, बेस्ट महामंडळाच्या निमित्ताने येथील निवडणुकीसाठी ठाकरे बंधू एकत्र येण्यावर शिक्कामोर्तब झालं आहे. बेस्ट उपक्रम कामगाप पतपेढीच्या निवडणुकीत ठाकरेंची शिवसेना आणि मनसेची युती झाल्याची माहिती समोर आली आहे. बेस्ट पतपेढीची निवडणूक १८ ऑगस्ट रोजी होणार आहे.या निवडणुकीसाठी मनसे आणि ठाकरेंच्या शिवसेना संघटनेत युती झाल्याचे समजते. ठाकरेंच्या शिवसेनेची बेस्ट कामगार सेना आणि महाराष्ट्र नवनिर्माण बेस्ट कर्मचारी यांच्याशी हातमिळवणी केली आहे आणि प्रणित उत्कर्ष पॅनल या निवडणुकीत निवडणूक एकत्र निवडणूक लढणार आहेत. त्यामुळे गेल्या काही महिन्यांपासून राज्यात ठाकरे बंधूंच्या युतीची चर्चा जोर धरत आहे आणि महापालिका निवडणुकीत शिवसेना-मनसे युती दिसून येत आहे.
दरम्यान, मनसेचे पदाधिकारी मेळाव्यात राज ठाकरे यांनी मनसेला महत्त्वाचा सल्ला दिला आहे. गेल्या २० वर्षांपासून आम्ही दोघे भाऊ एकत्र येऊ शकतो, तर तुम्ही कशाला मुद्दा निर्माण करता, असे म्हणत राज ठाकरे यांनी मनसे आणि शिवसेनेच्या कार्यकर्त्यांना एकत्र राहण्याचा सल्ला दिला आहे. त्यामुळे, पुढील काळात शिवसेना-मनसे युती होईल, असा राजकीय अंदाज वर्तवला जात आहे. कारण, काही केल्या ठाकरेंना मुंबई महापालिका भाजपच्या किंवा महायुतीच्या ताब्यात जाऊ द्यायची नाही. महापालिकेवर ठाकरेंच्या शिवसेनेचा भगवा अबाधित ठेवण्याची ठाकरे बंधु एकत्र येऊ शकतात.
