शुक्रवार, 6 नोव्हेंबर 2026
ST प्रवाशांसाठी मोठी सुविधा! NCMC कार्ड आता 'या' वरून करा रिचार्ज; केंद्रावर जाण्याची गरज नाही
एसटी महामंडळाच्या माहितीनुसार, 15 सप्टेंबर 2026 पासून BHIM Appद्वारे NCMC कार्ड Top-up करण्याची सुविधा उपलब्ध करण्यात आली आहे. NCMC कार्ड प्रकल्पांतर्गत अमृत ज्येष्ठ नागरिक, ज्येष्ठ नागरिक आणि महिला सवलतधारक प्रवाशांच्या कार्डची नोंदणी व वितरण प्रक्रिया सुरू आहे. या कार्डचा वापर आणखी सोपा करण्यासाठी BHIM Appशी Top-upची सुविधा जोडण्यात आली आहे. त्यामुळे प्रवाशांना आवश्यकतेनुसार कार्डमध्ये रक्कम भरता येणार आहे.
Nashik Bus Stand: बसस्थानकच आले रस्त्यावर! तीन महिने प्रवाशांचे हाल, सिटीलिंकच्या केवळ एका बसला जागा
ही प्रक्रिया सोपी ठेवण्यात आली आहे. सर्वप्रथम मोबाईलमध्ये BHIM App उघडावे. त्यानंतर NCMC कार्डच्या पाठीमागे असलेला QR कोड BHIM Appच्या माध्यमातून स्कॅन करावा. QR कोड स्कॅन झाल्यानंतर Appमध्ये दिसणाऱ्या प्रक्रियेनुसार आवश्यक रक्कम निवडून Top-up पूर्ण करता येईल. यामुळे प्रत्येक वेळी कार्ड रिचार्ज करण्यासाठी प्रत्यक्ष केंद्रावर जाण्याची आवश्यकता राहणार नाही.
NCMC कार्ड प्रकल्पामध्ये अमृत ज्येष्ठ नागरिक, ज्येष्ठ नागरिक तसेच महिला सवलतधारक प्रवाशांचा समावेश करण्यात आला आहे. विशेषतः नियमित एसटी प्रवास करणाऱ्या या प्रवाशांसाठी ऑनलाइन Top-up सुविधा उपयुक्त ठरणार आहे. कार्डमध्ये कमी शिल्लक असल्यास मोबाईलवरूनच Top-up करता येणार असल्यामुळे वेळ वाचण्यास मदत होईल.
एसटी महामंडळाकडून प्रवासी सेवा अधिक डिजिटल आणि सुलभ करण्याच्या दृष्टीने विविध उपाययोजना केल्या जात आहेत. त्याचाच भाग म्हणून NCMC कार्डला BHIM Appद्वारे Top-up करण्याची सुविधा उपलब्ध झाली आहे. ‘प्रवाशांच्या सेवेसाठी डिजिटल सुविधा, अधिक सुलभ आणि अधिक गतिमान प्रवास’ या उद्देशाच्या दिशेने हे महत्त्वाचे पाऊल मानले जात आहे.
