शुक्रवार, 6 नोव्हेंबर 2026
Buldhana RO Water Price Hike
पूर्वी अनेक कुटुंबे विहिरी, हातपंप आणि इतर पारंपरिक जलस्रोतांवर अवलंबून होती. परंतु, दिवसेंदिवस वातावरणातील बदल, क्षाराचे वाढते प्रमाण, दूषित पाणीपुरवठा यामुळे नागरिकांना आरोग्याच्या समस्या उद्भवू लागल्या. डॉक्टरांच्या तपासणीत अनेकदा दूषित पाण्यामुळे आजार होत असल्याचे सांगितल्या जाऊ लागले. परिणामी, नागरिकांनी आरो प्लांटच्या माध्यमातून शुद्ध पाणी पिण्यास पसंती दिली. भूजलपातळीत होणारे बदल आणि पाण्याच्या गुणवत्तेबाबत निर्माण झालेली चिंता यामुळे शुद्ध पाण्यासाठी आरओ केंद्रांना प्राधान्य दिले जात आहे. केवळ शहरांपुरती मर्यादित असलेली ही मागणी आता खेड्यापाड्यांतही वाढताना दिसत आहे. घरगुती वापरासोबतच दुकाने, लहान व्यावसायिक आणि विविध संस्थांकडूनही आरओ पाण्याची मागणी होत आहे.
आगामी उन्हाळ्यात पाणीटंचाई अधिक तीव्र झाल्यास लग्नसमारंभ, धार्मिक कार्यक्रम आणि इतर सार्वजनिक सोहळ्यांमध्ये पाण्याची व्यवस्था करणे, आयोजकांसाठी आव्हानात्मक ठरू शकते. मोठ्या कार्यक्रमांसाठी लागणाऱ्या पाण्याचे प्रमाण लक्षात घेता आरओ पाण्यावर अवलंबून राहिल्यास आयोजकांच्या खर्चातही वाढ होण्याची शक्यता आहे. विशेषतः ग्रामीण भागात विहिरी आणि हातपंप यासारखे पारंपरिक स्रोत कमी होत असल्याने पर्यायी व्यवस्थेचा प्रश्न निर्माण होत आहे.
एकीकडे जीवनावश्यक वस्तूंच्या किमती वाढत असताना दुसरीकडे पिण्याच्या पाण्याचे दरही वाढत आहेत. दररोजच्या गरजेसाठी पाणी विकत घ्यावे लागत असल्याने कुटुंबांच्या मासिक खर्चात भर पडत आहे. आगामी काळात उन्हाची तीव्रता आणि पाणीटंचाई वाढल्यास मागणीच्या तुलनेत पुरवठा, दरवाढ आणि उपलब्धता हे प्रश्न अधिक गंभीर होऊ शकतात. त्यामुळे पिण्याच्या पाण्याचे नियोजन आणि पारंपरिक जलस्रोतांचे जतन करण्याची गरज अधोरेखित होत आहे.
गृहिणी, सुमन इंगळे, आरोग्याच्या दृष्टीने ने आर, ओ. चे पाणी पिण्यास योग्य असल्याने प्रति १५ लिटर कॅन मागे ५ रुपये अतिरिक्त द्यावे लागत असले तरी आरोग्याच्या दृष्टीने पाणी विकत घ्यावी घ्यावेच लागणार आहे.
बुलढाण्याचे श्रीकिसन जाधव म्हणाले की, घरगुती वापरायला १५ रुपये जास्त नसले तरी, लग्न समारंभात आरओ च्या पाण्याच्या मागणी जास्त असल्यामुळे खिशाला झळ बसणार आहे.
