फोटो सौजन्य सोशल मीडिया
मंगलप्रभात लोढा यांनी स्वच्छता अभियानादरम्यान देशाच्या लोकशाही आणि सामाजिक व्यवस्थेबाबत भाष्य केले. समाजात आणि देशात अराजकता निर्माण करणाऱ्या प्रवृत्ती देशासाठी घातक असून, त्यांच्याविरोधातही जनजागृती होणे आवश्यक असल्याचे त्यांनी सांगितले. स्वच्छता ही केवळ एका दिवसाची मोहीम नसून प्रत्येक नागरिकाची जबाबदारी असल्याचेही त्यांनी स्पष्ट केले.
शिवाजी पार्क येथे होणाऱ्या आंदोलनाचा संदर्भ देत लोढा यांनी विरोधकांवर आरोप केले. झारखंडमधील पेपरफुटीच्या प्रकरणातील आंदोलनावेळी संबंधित कार्यकर्ते कुठे होते, असा सवाल त्यांनी उपस्थित केला. विद्यार्थ्यांच्या प्रश्नांपेक्षा राजकीय हेतूने आंदोलन केले जात असल्याचा आरोपही त्यांनी केला. तसेच देशात अराजकता निर्माण करण्याच्या प्रयत्नांना बाहेरून मदत मिळत असल्याचाही दावा त्यांनी केला.
महात्मा गांधी जयंतीनिमित्त मणिभवन परिसरात स्वच्छता अभियान राबवण्यात आले. यावेळी लोढा यांनी गांधीजींची खोली, चरखा, टेलिफोन आणि ऐतिहासिक वस्तूंची पाहणी केली. त्यानंतर मणिभवनसमोरील रस्त्याची स्वच्छता करण्यात आली. उपस्थितांनी ‘रघुपती राघव राजाराम’ या भजनाचे सामूहिक गायन केले. महापालिकेचे अधिकारी, सफाई कर्मचारी आणि मणिभवनचे कर्मचारीही अभियानात सहभागी झाले.
.png "Videos"){kind=small}
