रविवार, 15 नोव्हेंबर 2026
फोटो सौजन्य- chatgpt
मोठ्या आकाराची मूर्ती असूनही पर्यावरणपूरक साहित्याचा वापर करून पर्यावरण संवर्धनाचा संदेश देण्याचा अभिनव प्रयत्न ट्रस्टने केला आहे असे अध्यक्ष राजेंद्र सातार्डेकर सांगतात. गणेश उत्सवात उत्साही सहकारी सचिव संतोष शिंदे आणि खजिनदार अमोल भांबड यांच्यासह ट्रस्टचे तसेच कार्यकर्ते यांचे मोठे योगदान लाभते.
हीरक महोत्सवाच्या या ऐतिहासिक पर्वात परंपरा, भक्ती, अध्यात्म आणि पर्यावरण संवर्धन यांचा सुंदर मिलाफ साधण्याचा प्रयत्न तेजुकाया सार्वजनिक गणेशोत्सव ट्रस्टने केला आहे. गेल्या अनेक दशकांची गणेशोत्सवाची परंपरा पुढे नेत यंदाचा उत्सव सामाजिक बांधिलकी आणि पर्यावरणपूरक विचारांची नवी दिशा देणारा ठरणार आहे असे सचिव संतोष शिंदे सांगतात.
यंदाचे वैशिष्ट्य म्हणजे यंदाच्या गणेशमूर्तीची संकल्पना कोल्हापूर ज्योतिबा रूपावर आधारित आहे. या संकल्पनेमागील धार्मिक, सांस्कृतिक आणि आध्यात्मिक संदेश ट्रस्टने सध्या गोपनीय ठेवला आहे. त्यामुळे या अनोख्या संकल्पनेचा उलगडा गणेशभक्तांना प्रत्यक्ष दर्शनाच्या वेळीच होणार आहे, असे राजेंद्र सातोंडकर यांनी सांगितले.
गुलालाची उधळणकरीत येतील भक्तजन ज्योतिबाच्या नावानं चांग भलं असा जयघोष करीत ज्योतिबाला गुलाल, खोबरे, खारका उडवीत आणि श्रींना दवणा अर्पण करीत दर्शन सोहळ्याचा लाभ घेतील हे मात्र ओघाने आलेच. कोल्हापूर मुंबईकर भाविक ‘सासन काठ्या’ घेऊन दर्शनात आस्थेने सहभागी होण्यासाठी येतानाचे दृष्य ही पाहण्यास मिळण्याची शक्यता आहे. तसेच दर रविवारी जोतिबाचे खेटे घालण्याची परंपरा असल्याने काही भाविक देवाला ‘खेटे’ घालण्याची परंपरा येथेही करतात का हे पाहण्याचा योग येऊ शकतो, असे भाविकांचे म्हणणे आहे.
(डिस्क्लेमर: हे नवराष्ट्र वृत्तपत्राचे स्वयंचलित न्यूज फीड आहे. ते navarashtra.com च्या कर्मचाऱ्यांनी संपादित केलेले नाही.)
Ans: यंदा २२ फूट उंच पर्यावरणपूरक गणेशमूर्ती हे लालबाग गणेशोत्सवाचे प्रमुख आकर्षण असणार आहे.
Ans: मूर्तिकार राजन झाड यांच्या संकल्पना आणि कलाकौशल्यातून ही मूर्ती साकारली जात आहे.
Ans: तेजुकाया सार्वजनिक गणेशोत्सव ट्रस्ट यंदा आपले हीरक महोत्सवी वर्ष साजरे करत आहे. त्यामुळे यंदाच्या उत्सवाला विशेष महत्त्व आहे.
