अखेर भाजपकडून महापौरपदाच्या उमेदवाराची घोषणा, तर उपमहापौर शिवसेनेचे संजय घाडी
Mumbai Mayor News in Marathi : मुंबई महानगरपालिकेच्या निवडणुका जाहीर होऊन पंधरा दिवसांहून अधिक काळ लोटला. फक्त महापौर आणि उपमहापौरांची नावे अद्याप जाहीर झाली नव्हती. मात्र आज (7 फेब्रुवारी 2026) भाजपाकडून महापौरपदाची नावं जाहीर करण्यात आली. शिवसेना आणि भाजपने आज संयुक्त बैठक घेऊन महापौर आणि उपमहापौरांची नावे अंतिम केली.
त्यानुसार, भाजपचे मुंबई अध्यक्ष अमित साटम यांनी महापौरपदासाठी आणि शिवसेना नेते राहुल शेवाळे यांना उपमहापौरपदासाठी उमेदवारी जाहीर केली. त्यानुसार, मुंबई महापौरपदासाठी भाजपच्या रितू तावडे यांचं नावे आणि उपमहापौरपदासाठी संजय घाडी यांची नावे अंतिम करण्यात आलं आहे.
मुंबई महानगरपालिकेच्या शिवसेना आणि भाजपने एकत्रित निवडणूक लढवली होती. या निवडणुकीत शिवसेना-भाजपला एकत्रित बहुमत मिळाले. म्हणूनच त्यांनी महापौरपदासाठी दावा केला. फक्त, महापौरपदाबाबत दोन्ही पक्षांमध्ये मतभेद होते. फक्त, अंतिम निर्णय घेताना, भाजपला महापौरपद मिळाले आहे आणि शिवसेनेला उपमहापौरपद मिळाले आहे. त्यानुसार, भाजपच्या रितू तावडे यांना महापौरपद आणि शिवसेनेचे संजय घाडी यांना उपमहापौरपद देण्यात आले आहे.
मुंबईच्या महापौरपदी भाजपच्या रितू तावडे यांचं नाव जाहीर करण्यात आलं आहे. भाजप मुंबई अध्यक्ष अमित साटम यांनी महापौर म्हणून रितू तावडे यांचं नाव जाहीर केलं आहे. तर शिवसेना राष्ट्रीय सरचिटणीस राहुल शेवाळे यांनी उपमहापौर पदाकरिता महायुतीकडून संजय घाडी यांचे नाव जाहीर करत सव्वा वर्षाकरिता राहील हे स्पष्ट केलं आहे.
तत्पूर्वी उपमहापौरपदासाठी शिवसेनेची (शिंदे) उमेदवारी जाहीर करण्यात आली. राहुल शेवाळे यांनी शिवसेनेची उपमहापौरपदाची उमेदवारी जाहीर केली. पक्षनेते आणि उपमुख्यमंत्री एकनाथ शिंदे यांच्या आदेशानुसार, राहुल शेवाळे यांनी दहिसर पूर्वचे नगरसेवक संजय शंकर घाडी यांना उपमहापौरपदासाठी उमेदवारी देण्यात आल्याची घोषणा केली. शिवसेनेकडून (शिंदे) मुंबई महापालिकेचे उपमहापौरपद हे सव्वा वर्षाचे असेल असे देखील शेवाळे यांनी यावेळी सांगितले.
ठाकरे बंधूंच्या आघाडीकडून महापौर आणि उपमहापौरपदासाठी कोणत्याही हालचाली दिसत नाहीत, त्यामुळे भाजपच्या रितू तावडे आणि शिवसेनेचे (शिंदे) संजय घाडी महापौर आणि उपमहापौरपदी निवड बिनविरोध होते का, हे पाहणे महत्त्वाचे राहणार आहे.
.png "Videos"){kind=small}
