शुक्रवार, 7 ऑगस्ट 2026
फोटो सौजन्य AI
डोळ्याला जखम असल्याने त्याला मेडिकल रुग्णालयात दाखल केले असून, उपचार सुरू आहेत. हतबलतेमुळे या संवेदनशील प्रकरणासंबधी तपासाची गती मंदावली, अशी पोलिस वर्तुळात चर्चा आहे. आकाश ऊर्फ निर्भय पाखरे (२०, रा. ठाणे) असे आरोपीचे नाव आहे. त्याच्याविरुद्ध हुडकेश्वर पोलिस ठाण्यात अपहरण, लैंगिक अत्याचार आणि पोक्सो कायद्यान्वये गुन्हा दाखल आहे.
Nagpur : एआय एमआरओला संपाचा फटका; कामकाज अजूनही संथ
न्यायालयाने त्याला दोन दिवसांची पोलिस कोठडी सुनावली होती. त्यानुसार गुरुवारी त्याला न्यायालयात हजर करण्यात येणार होते. तत्पूर्वी बुधवारच्या रात्री त्याला रुग्णालयात दाखल करण्यात आले. आरोपी हा ठाणे शहरातील आहे. पीडिता २६ वर्षांची असून इयत्ता बारावीत शिकते. आरोपीने एखादा चित्रपट, वेब सिरिज पाहून हे कृत्य केले काय, या दिशेनेही तपास सुरू आहे.
तपासादरम्यान आरोपीने त्याच्या मोबाईलचा पासवर्ड देण्यास नकार दिला आहे. त्यामुळे सायबर पथक तांत्रिक माध्यमातून मोबाईलमधील माहिती मिळविण्याचा प्रयत्न करीत आहे. दरम्यान, न्यायवैद्यक (फॉरेन्सिक) पथकाने घटनास्थळावरून महत्त्वाचे वैज्ञानिक पुरावे संकलित केले असून वैद्यकीय अहवालाचीही प्रतीक्षा आहे .
प्राथमिक तपासानुसार, आरोपीने पीडित मुलीच्या मोबाईलवर नियंत्रण मिळविल्याचा संशय आहे. आरोपीने मोबाईलमधील काही माहिती किंवा पुरावे नष्ट करण्याचा प्रयत्न केला असण्याची शक्यता पोलिस तपासत आहेत. सध्या पोलिसांकडे पीडितेचा जबाब, वैद्यकीय अहवाल आणि घटनास्थळावरील वैज्ञानिक नमुने हे महत्वाचे पुरावे आहेत. डिजिटल पुरावे हाती लागल्यास आरोपपत्र अधिक भक्कम होण्याची शक्यता आहे.
Nagpur News : लग्नपत्रिका डाऊनलोड करताच मोबाईल हॅक ;६लाखांची सायबर फसवणूक
आरोपीने अल्पवयीन विद्यार्थिनीचे अपहरण करून तिला भाड्याच्या घरात तब्बल २४ तास डांबून ठेवले होते. नग्न करून तिचे हात-पाय बांधले. तिला ठार मारण्याच्या उद्देशाने शरीराच्या विविध भागावर जखमा केल्या. तिच्यावर रात्रभर अत्याचार केला. दरम्यान मोबाईल लोकेशनच्या आधारे पोलिसांनी घटनास्थळी पोहोचून तिवी सिनेस्टाईल सुटका केली.
