श्री मिरवणूक मार्गावर २० स्पीड ब्रेकरचे विघ्न; ‘विटंबना झाल्यास जागेवरच प्रतिष्ठापना’ करण्याचा इशारा (फोटो सौजन्य-ChatGPT)
नाशिक: शहरातील रस्त्यांवर अगोदरच पडलेले खड्डे व मदतीला जागोजागी स्पीड ब्रेकर टाकून रस्ता अडविण्यामुळे पंधरा दिवसांवर येवून ठेपलेल्या गणरायांच्या मिरवणूकीवरही विघ्नाचे सावट आहे. एकीकडे दुर्घटना टाळण्यासाठी मुर्तीची स्ट्रक्चर ऑडीट करण्याचा आग्रह धरला जात असतांना दुसरीकडे शहरातील प्रमुख मिरवणूक (Ganeshotsav 2026) मार्गावर अलिकडच्या काळात २० ठिकाणी ब्रेकर टाकण्यात आल्याने दुर्घटना होवून मुर्ती खंडीत होण्याची भिती गणेशोत्सव महामंडळाने व्यक्त केली आहे. सार्वजनिक गणेशोत्सवाची सर्वत्र तयारी केली जात असून, यापुर्वीच पोलीस, मनपाने सार्वजनिक मंडळांची बैठक घेवून त्यांच्या मागण्या व अडचणी जाणून घेतल्या.
त्यात सर्वप्रथम रस्त्यांवरील खड्यांकडे लक्ष वेधले गेले. जागोजागी खड्डे, रस्त्याच्या कडेला साचणाऱ्या पाण्यामुळे गणेश मंडपाची उभारणी करणेही अवघड होणार असल्याची जाणिव मंडळांनी करून दिली. अजून रस्त्यांवरील खड्यांचा प्रश्न पुर्णतः मिटलेला नाही. प्रमुख मार्गावर तात्पुरते खड्डे बुजविण्याचे काम केले जात असले तरी, उपरस्त्यांचा प्रश्न कायम आहे. अशातच गेल्या तीन महिन्यांपासून मनपाकडून रस्त्यांवरील अपघात रोखण्यासाठी लोकप्रतिनिधी व स्थानिकांच्या मागणीवरून प्लॅस्टिकचे स्पीड ब्रेकर टाकण्यात आले असून, मुख्य रस्त्याला येवून मिळणाऱ्या उपरस्त्यांच्या कोपऱ्यावरच प्रामुख्याने हे ब्रेकर टाकले गेले आहेत.
शहरात सुमारे चारशेहून अधिक ठिकाणी ब्रेकर टाकण्यात आले आहे. त्यामुळे अगोदरच खड्ड्यांमुळे रस्त्यांची अवस्था जर्जर झालेली असताना त्यात ब्रेकरची भर पडली. याचा परिणाम गणेशोत्सवावर होणार आहे. एम. जी. रोडसह मुख्य विसर्जन व आगमन मागाँवर प्रमाणापेक्षा मोठे खड्डे पडले आहेत. एम. जी. रोडवर वाहनांचा वेग ताशी २० किमीपेक्षा जास्त असू शकत नाही, त्यातच या मार्गावर २० पेक्षा अधिक स्पीड ब्रेकर्स टाकण्यात आले आहेत. अशा बिकट परिस्थितीतून गणेशमूर्ती घेऊन जाणारी वाहने कशी जाणार, असा प्रश्न महामंडळाने उपस्थित केला आहे.
मुंबईतील मुर्ती दुर्घटनेच्या पार्श्वभूमीवर प्रशासनाने सर्व सार्वजनिक गणेश मंडळांना प्रतिष्ठापणा करण्यात आलेल्या मुर्तीच स्ट्रक्चरल प्रमाणपत्र बंधनकारक केले आहे. एकीकडे मुर्तीची भक्कमता तपासणाऱ्या प्रशासनाने मात्र रस्त्यांवरील खड्डे व स्पीड ब्रेकरच्या अडथळ्यांबाबत मात्र विचार केलेला नाही.
सार्वजनिक गणेशोत्सव कॉलनी, सोसायट्या, मोठ्या रस्त्यांवर साजरा केला जातो. श्रींची प्रतिष्ठापणा व विसर्जन हे दोन्ही सोहळे वाजत गाजत मिरवणूकीने साजरे होतात. लहान, मोठ्या वाहनात श्रींची मुर्ती ठेवली जाते. अशा वेळी रस्त्यांवरील खड्ड्यांबरोबरच स्पीड ब्रेकरचा अडथळा निर्माण होण्याची भिती सार्वजनिक गणेशोत्सव महामंडळाने व्यक्त केली आहे.
प्रशासनाच्या सूचनेनुसार गणेशमूर्ती सक्षम असल्याचे स्ट्रक्चरल इंजिनिअरचे प्रमाणपत्र मंडळे घेतीलही, पण रस्त्यांवरील खड्चांचे काय? स्वागत मिरवणुकीदरम्यान खड्ड्यांमुळे अपधात होऊन एखादी गणेशमूर्ती पडल्यास ज्या खड्यात मूर्ती पडेल, त्याच खड्हुच्चात ती स्थापन केली जाईल, प्रशासनाने येत्या १० सप्टेंबर पर्यंत खड्डे बुजवावेत, अशी प्रतिक्रिया गणेशोत्सव महामंडळा अध्यक्ष समीर शेटे यांनी दिली.
प्रसाद वाटपापूर्वी अन्न व औषध 66 विभागाकडून प्रमाणपत्र घेण्याची सक्ती केली जात आहे. सार्वजनिक गणेशोत्सव मंडळे प्रसादाच्या स्वच्छतेची आणि गुणवत्तेची स्वतः पूर्ण काळजी घेतात, त्यामुळे अन्न व औषध विभागाने याबाबत कोणतीही बळजबरी केल्यास ती खपवून घेतली जाणार नाही, अशी माहिती अध्यक्ष हिंदू एकता रामसिंग बावरी यांनी दिली.
.png "Videos"){kind=small}
