मंगळवार, 3 नोव्हेंबर 2026
नाशिक : तीन दिवसांपासून बंद असलेले लासलगाव बाजार समितीचे (Lasalgaon Market Committee) लिलाव काल गुरुवारी सुरु झाले. मात्र, नाफेडचे प्रतिनिधी नसल्याने लिलाव बंद पाडण्यात आले होते. मात्र, आज लासलगाव कृषी उत्पन्न बाजार समितीतील कांदा लिलावाला (Onion Action) पोलिसांच्या बंदोबस्तात सुरुवात करण्यात आली. त्यात कांद्याला सरासरी 2150 भाव मिळाला आहे.
लासलगाव कृषी उत्पन्न बाजार समितीत शुक्रवारी सकाळच्या सुमारास 210 वाहनातून कांद्याची आवक झाली. या कांद्याचा लिलाव पोलीस बंदोबस्तात सुरू असून, कांद्याला सरासरी 2150 जास्तीत जास्त 2400 कमीत कमी 700 रुपये भाव मिळाला आहे. तरी नाफेडचे कोणतेही प्रतिनिधी या ठिकाणी उपस्थित नव्हते.
लासलगाव कृषी उत्पन्न बाजार समितीत कांद्याला जवळपास 2200 रुपये भाव मिळाला असून, त्या भावामध्ये शेतकरी समाधानी नसून, नाफेडने खरेदी केला असता तर नक्कीच जास्त भाव मिळाला असता, असे शेतकऱ्यांकडून सांगण्यात येत आहे.
