मंगळवार, 3 नोव्हेंबर 2026
संग्रहित फोटो
या हल्ल्यात मंगेश दिलीप चव्हाण (वय २७, रा. स्नेहल नगर, अभ्यंकर वार्ड, चंद्रपूर) हे गंभीर जखमी झाले आहेत. याप्रकरणी वरोरा पोलिसांनी पाच अज्ञात आरोपींविरुद्ध गुन्हा दाखल केला आहे.
मिळालेल्या माहितीनुसार, मंगेश चव्हाण हे रविवारी दुपारी माईन्स परिसरातील स्टॉकवरील एका झाडाखाली झोपले असताना कार तेथे आली. कारमधून उतरलेल्या पाच जणांनी त्यांना शिवीगाळ करीत लोखंडी रॉड व दांड्यांनी हात, पाय, छाती आणि पाठीवर मारहाण केली. हल्लेखोरांपैकी दोघांनी तोंडाला कापड बांधले होते. कोळसा वाहतुकीच्या कामावरून ट्रान्सपोर्ट कंपन्यांमध्ये सुरू असलेल्या वादातून हा हल्ला झाल्याची प्राथमिक माहिती आहे. जखमी चव्हाण यांना वरोरा उपजिल्हा रुग्णालयात दाखल करण्यात आले आहे. भारतीय न्याय संहितेच्या विविध कलमान्वये गुन्हा नोंदविण्यात आला असून, पुढील तपास पोलिस उपनिरीक्षक अजिंक्य पवार करीत आहेत.
संभाजीनगरमधील घटनेनं खळबळ
हातउसने दिलेले ९४ हजार रुपये परत देण्याच्या बहाण्याने बोलावून तिघांनी गॅरेज चालकाला लोखंडी पाईपने बेदम मारहाण केल्याची घटना घडली आहे. ही घटना १ नोव्हेंबर रोजी मध्यरात्री चिकलठाणा रोडवरिल पुष्पा गार्डन समोर घडली आहे. या घटनेमुळे मोठी खळबळ उडाली आहे. सोहेल सलमान खान (वय ३२, रा. कटकट गेट), साजिद शेख (३०, रा. मोतीवाला कॉलनी, चिकलठाणा), सुलतान शेख (वय ४०, रा. जिन्सी) अशी मारहाण करणाऱ्यांची नावे असून त्यांच्याविरोधात एमआयडीसी सिडको पोलिस ठाण्यात गुन्हा दाखल करण्यात आला आहे. या प्रकरणात आरेफ खुर्सी मंसुरी (वय २८, रा. केंब्रीजचौक) यांनी फिर्याद दिली आहे.
Ans: एकोना माईन्स परिसरात कोळसा वाहतुकीच्या वादातून एका ट्रान्सपोर्ट कंपनीच्या सुपरवायझरला पाच अज्ञात व्यक्तींनी लोखंडी रॉड आणि दांड्यांनी बेदम मारहाण केली.
Ans: या हल्ल्यात मंगेश दिलीप चव्हाण (वय २७, रा. चंद्रपूर) गंभीर जखमी झाले आहेत. त्यांना उपचारासाठी वरोरा उपजिल्हा रुग्णालयात दाखल करण्यात आले आहे.
Ans: वरोरा पोलिसांनी पाच अज्ञात आरोपींविरुद्ध भारतीय न्याय संहितेच्या विविध कलमान्वये गुन्हा दाखल केला आहे. या प्रकरणाचा पुढील तपास पोलीस उपनिरीक्षक अजिंक्य पवार करीत आहेत.
