मंगळवार, 3 नोव्हेंबर 2026
संग्रहित फोटो
महापालिकेतील ठेकेदाराच्या कामांच्या फाइलवर स्वाक्षरी करणे आणि बिलांच्या प्रक्रियेसाठी ओंभासे यांनी लाचेची मागणी केल्याचा आरोप आहे. सुरुवातीला ४५ हजार ७८५ रुपयांची मागणी करण्यात आली होती. त्यानंतर तडजोड होऊन १९ हजार रुपये स्वीकारल्याची तक्रार संबंधित ठेकेदाराने लाचलुचपत प्रतिबंधक विभागाकडे केली होती.
या तक्रारीची पडताळणी केल्यानंतर एसीबीच्या पथकाने सापळा रचून ओंभासे यांच्यावर कारवाई केली. त्यांना अटक करून न्यायालयात हजर करण्यात आले होते. त्यावेळी तपासासाठी न्यायालयाने एक दिवसाची पोलीस कोठडी मंजूर केली होती. कोठडीची मुदत संपल्यानंतर त्यांना पुन्हा न्यायालयात हजर करण्यात आले. यावेळी न्यायालयाने १४ दिवसांची न्यायालयीन कोठडी सुनावल्याने त्यांची येरवडा कारागृहात रवानगी करण्यात आली आहे. महापालिकेतील वरिष्ठ पदावरील अधिकाऱ्यावर झालेल्या या कारवाईमुळे प्रशासकीय वर्तुळात चर्चेला उधाण आले आहे. दरम्यान, ओंभासे यांच्यावरील आरोप अद्याप सिद्ध झालेले नसून, या प्रकरणाचा पुढील तपास लाचलुचपत प्रतिबंधक विभागाकडून सुरू आहे.
पुण्यात बनावट नोटांचे मोठे रॅकेट उघड
पुण्याच्या मध्यभागातून बनावट पाचशेच्या नोटा चलनात आणण्याच्या प्रयत्नात असलेल्या तसेच ते बनविणाऱ्या टोळीचा प्रकार उघडकीस आला आहे. विश्रामबाग पोलिसांनी चौघांना अटक करत त्यांच्याकडून ५ लाख ६४ हजार रुपये किमतीच्या १ हजार १२८ बनावट नोटांसह प्रिंटर, मॉनिटर आणि अन्य साहित्य जप्त करण्यात आले आहे. या टोळीने आणखी किती बनावट नोटा तयार केल्या आणि त्या चलनात आणल्या आहेत का, याचा तपास पोलिसांकडून केला जात आहे. आता नोटा नेमक्या कुठे बनविण्यात आल्या, याबाबत पोलिस तपास करत आहेत. सलमान जैनद्दीन राजे (वय ३०, रा. आंबेगाव केडगाव, ता. दौंड) शाफाज फिरोज अन्सारी (वय ३०, रा. नालासोपारा), विशाल विलास गलांडे (वय ३७, रा. सुरुपखन वाडी , ता. माण, जि. सातारा), अभिजित रावसाहेब कांबळे (वय ३०, रा. शिरोळ, जि. कोल्हापूर) अशी अटक करण्यात आलेल्या आरोपींची नावे आहेत. याप्रकरणी विश्रामबाग पोलिस ठाण्यात गुन्हा दाखल करण्यात आला आहे.
Ans: ठेकेदाराच्या कामांच्या फाइलवर स्वाक्षरी करणे आणि बिलांच्या प्रक्रियेसाठी लाचेची मागणी केल्याच्या आरोपावरून पिंपरी-चिंचवड महापालिकेचे मुख्य अभियंता प्रमोद ओंभासे यांना अटक करण्यात आली.
Ans: सुरुवातीला ४५ हजार ७८५ रुपयांची मागणी करण्यात आली होती. त्यानंतर तडजोड होऊन १९ हजार रुपये स्वीकारल्याची तक्रार ठेकेदाराने लाचलुचपत प्रतिबंधक विभागाकडे केली होती.
Ans: एक दिवसाची पोलीस कोठडी संपल्यानंतर न्यायालयाने प्रमोद ओंभासे यांना १४ दिवसांची न्यायालयीन कोठडी सुनावली. त्यानंतर त्यांची येरवडा कारागृहात रवानगी करण्यात आली.
