नवी दिल्ली : गेल्या काही दिवसांपासून महाराष्ट्रातील राजकारणात (Maharashtra Politics) विविध घडामोडी घडत आहेत. त्यात मंगळवारी नव्या संसद भवनात राष्ट्रवादी काँग्रेसचे अध्यक्ष शरद पवार आणि राष्ट्रवादी काँग्रेसचे राज्यसभा खासदार प्रफुल्ल पटेल (Praful Patel) या दोन्ही नेत्यांचा एकत्रित फोटो समोर आला आहे. यावरून सर्वांच्या भुवया उंचावल्या आहेत. त्यातच शिवसेना (ठाकरे गट) खासदार संजय राऊत (Sanjay Raut) यांनी विधान केले आहे.
An electrifying day at the new Parliament House! The Rajya Sabha Chamber is a marvel, and sharing this moment with Hon’ble Sharad Pawar Saheb makes it even more special. And now, savoring some snacks and camaraderie with friends in the cafeteria – truly a day to remember! 🇮🇳… pic.twitter.com/Z1J105wHn9 — Praful Patel (@praful_patel) September 19, 2023
प्रफुल्ल पटेल यांनी ‘एक्स’ (ट्विटर) अकाउंटवर याचे फोटो शेअर केले आहेत. त्यांच्या याच फोटोमुळे सर्वत्र एकच चर्चा सुरु आहे. त्यात संजय राऊत म्हणाले, ‘त्यांच्या कार्यकर्त्यांमधील संभ्रम त्यांनी पाहावा. यामुळे महाविकास आघाडीमध्ये कोणतीही फूट पडणार नाही. प्रफुल्ल पटेल कोणत्या पक्षात आहेत? हे मला माहिती नाही. मात्र, शरद पवार राष्ट्रवादी काँग्रेस पक्षाचे अध्यक्ष आहेत. शरद पवारांनी फुटीर गटाविरुद्ध निवडणूक आयोग आणि न्यायालयात खटला दाखल केला आहे. तसेच, फुटीर आमदारांना अपात्र करण्यासाठी याचिकाही केल्याचे त्यांनी सांगितले.
प्रफुल्ल पटेल यांनी केली होती शरद पवारांवर टीका
राज्याच्या राजकारणात 2 जुलै 2023 रोजी मोठा भूकंप झाला होता. कारण याच दिवशी राष्ट्रवादी काँग्रेसमध्ये दोन गट पडले. अजित पवार यांच्या गटानं शिंदे-फडणवीस सरकार पाठिंबा दिला. यामध्ये प्रफुल्ल पटेल यांची महत्वाची भूमिका होती, असं सांगितलं जातं. त्यानंतर आता हे दोन्ही नेते नव्या संसद भवनात एकत्र आल्याने सर्वत्र एकच चर्चा सुरू आहेत.
