photo- social media
Washim: जबरी चोरी करणारी टोळी गजाआड; स्थानिक गुन्हे शाखेची धडक कारवाई; ६ लाखांवर मुद्देमाल हस्तगत
ॲड ढोले यांनी नगराध्यक्ष सचिन सातव यांना याबाबत निवेदन दिले आहे. बारामती शहराला पाणीपुरवठा करणाऱ्या निरा डाव्या कालव्यातून पाणी मिळण्यास विलंब झाल्यास शहराचा पाणीपुरवठा विस्कळीत होऊ शकतो. यंदा जून महिन्यातच दिवसाआड पाणीपुरवठा करण्याची वेळ आली होती. त्यामुळे भविष्यातील संभाव्य संकट टाळण्यासाठी पर्यायी व्यवस्था उभारण्याची आवश्यकता त्यांनी मांडली.
शहरातील चार साठवण तलावांची एकूण क्षमता सुमारे ६५५ दशलक्ष लिटर असून, त्यातून २० ते ३० दिवस पाणीपुरवठा होऊ शकतो. मात्र, जळोची येथील सुमारे १६५ दशलक्ष लिटर क्षमतेच्या प्रस्तावित तलावाचे, तसेच तांदुळवाडी येथील नागवडेवस्ती परिसरातील सुमारे १५० दशलक्ष लिटर क्षमतेच्या तलावाचे काम अपूर्ण आहे. ही कामे प्राधान्याने पूर्ण केल्यास शहराची साठवण क्षमता सुमारे ३१५ दशलक्ष लिटरने वाढून आणखी दहा दिवसांचा पाणीपुरवठा शक्य होईल, असे निवेदनात नमूद केले आहे.
याशिवाय सध्याच्या साठवण तलावांमध्ये गेट बसवून पाणी साठवणुकीची व्यवस्था करावी, शहरातील बोअरवेल्स सुस्थितीत ठेवाव्यात आणि जुन्या सार्वजनिक विहिरींची स्वच्छता करून त्यांचा पर्यायी स्रोत म्हणून वापर करण्याची तयारी ठेवावी, अशा सूचनाही त्यांनी केल्या आहेत.संभाव्य पाणीटंचाई टाळण्यासाठी नगरपरिषदेने तातडीने कृती आराखडा तयार करून त्याची अंमलबजावणी करावी, अशी मागणी ॲड ढोले यांनी केली आहे.
.png "Videos"){kind=small}
