Raigad News: महाडचा सर्वांगीण विकास हाच आमचा संकल्प; मंत्री भरत गोगावले यांचे वक्तव्य

पूजा गोविलकर या लोकांमध्ये काम करणाऱ्या सुसंस्कृत सुशिक्षित महिला म्हणून प्रसिद्ध आहेत, असे वक्तव्य विकास गोगावले यांनी केले. सभेला शिवसेनेचे कार्यकर्ते व प्रभागातील मतदार बंधू भगिनी मोठ्या संख्येने उपस्थित होते.

• २५ वर्षे सत्ता भोगूनही विरोधकांनी संधीचे सोने केले नाही
• शहरात ३५० कोटींचे विकासकामे
• सिद्धेश पाटेकर हा नंत्री गोगावले यांचा विश्वासू सहकारी

महाड नगरपरिषद निवडणुकीच्या पार्श्वभूमीवर शिवसेनेचे नगराध्यक्षपदाचे उमेदवार सुनील कविस्कर तसेच प्रभाग ५ व ६ चे उमेदवार जमील पठाण, शाहीन तांबोळी, संजीव मेहता, विद्या देसाई यांच्या प्रचारासाठी पानसारी मोहल्ल्यात आयोजित कॉर्नर सभेला मुस्लिम भगिनींनी उत्स्फूर्त प्रतिसाद दिला. यावेळी भाषणात मंत्री भरत गोगावले म्हणाले, महाडचा सर्वांगीण विकास हाच संकल्प असून ज्यांनी अनेक वर्षे मुस्लिम मोहल्ल्याचे प्रतिनिधित्व केले त्यांनी मुलभूत सुविधाही दिल्या नाहीत. महाडची सत्ता नसतानाही तारीक गार्डन दुर्घटना, कोरोना, महापूर अशा संकटात उपमुख्यमंत्री एकनाथ शिंदे आणि शिवसेनेनेच धाव घेऊन मदत केली. २५ वर्षे सत्ता भोगूनही विरोधकांनी संधीचे सोने केले नाही. एकदा आमच्या हातात सत्ता द्या महाड शहराचा कायापालट करून दाखवीतो असा विश्वास त्यांनी व्यक्त केला.

शालार्थ आयडी घोटाळ्याची चौकशी लांबणीवर पडणार? SIT ला राज्य शासनाकडून मुदतवाढ मिळण्याची चिन्हे

तसेच त्यांनी कब्रस्थानाची संरक्षणभिंत, दग्र्यांजवळील सभागृह, बालवाडीची दुमजली इमारत, पाण्याची टाकी यांसारख्या मोहल्यातील कामासाठी कटिबद्ध असल्याचे सांगून महाडचा सर्वांगीण विकास हा शिवसेनेचा संकल्प असून नगराध्यक्ष व २० नगरसेवकांना विजयी करून ही संधी आमच्या हातात द्या. असे मतदारांना आवाहन केले. या सभेला शिवसेनेचे सर्व जिल्हा तालुका स्थानिक पातळीवरील आजी-माजी पदाधिकारी, कार्यकर्ते व प्रभागातील मतदार बंधू भगिनी मोठ्या संख्येने उपस्थित होते. (फोटो सौजन्य – instagram) 

सिद्धेश हा संकटात धावून जाणारा कार्यकर्ता

प्रभाग ७ चे उमेदवार सिध्देश पाटेकर व पूजा गोविलकर यांच्या प्रचारासाठी सरेकरआळीत सभा झाली. सिध्देश हा संकटात धावून जाणारा कार्यकर्ता, महाड-पोलादपूर-माणगाव परिसरात कुठेही रुग्णवाहिका लागली तर सिध्देश पहिला पोचतो, असा उमेदवार तुम्हाला दिला आहे, असे मंत्री गोगावले यांनी उमेदवार सिद्धेश पाटेकर यांच्या विषयी उपस्थितांना अभिमानाने सांगितले.
तसेच शहरातील ३५० कोटींच्या विकासकामाची माहिती देत त्यांनी प्रभाग ७ साठी सभागृह, गार्डन आदी केलेली कामे अधोरेखित केली आणि प्रत्येक संकटात धावून येणाऱ्या शिवसेनेला नगराध्यक्ष व २० नगरसेवक निवडून देऊन तुम्ही शहराच्या विकासाला सहकार्य करा असे सांगितले.

राष्ट्रवादीची-भाजपाशी स्वार्थासाठी छुपी युती

युवासेना कोअर कमिटी सदस्य विकास गोगावले यांनी टीका करत म्हटले, स्वार्थासाठी राष्ट्रवादीने भाजपाशी छुपी युती केली असून त्यांच्या बॅनरवर मोदी-शहा-फडणवीस यांचे फोटो नाहीत. तारीक गार्डन दुर्घटनेतील दोन अनाथ बालकांना तत्कालीन मंत्री एकनाथ शिंदेंनी दत्तक घेतले आहे, याची आठवण त्यांनी उपस्थितांना करून दिली.

दोन्ही प्रभागांचा कायापालट करणारच

विकास गोगावले यांनी सिद्धेश पाटेकर हा नंत्री गोगावले यांचा विश्वासू सहकारी म्हणून ओळखला जातो, तर पूजा गोविलकर या लोकांमध्ये काम करणाऱ्या सुसंस्कृत सुशिक्षित महिला म्हणून प्रसिद्ध आहेत. या उमेदवारांना निवडून द्या, अशी विनंती उपस्थितांना केली आणि शिवसेनेची सता येताच दोन्ही प्रभागाचा कायापालट करून दाखवतो, असा विश्वास व्यक्त केला. विरोधक प्रामुख्याने माजी नगराध्यक्ष स्नेहल जगताप यांच्यावर टीकास्त्र सोडले.

Railway Mega Block : सीएसएमटी ते विद्याविहार लोकल प्रवास रखडणार! मध्य, हार्बर रेल्वे मार्गावर मेगाब्लॉक

मोहल्ले स्मार्ट बनवणार !

नगराध्यक्ष पदाचे उमेदवार सुनील कविस्कर म्हणाले, सामान्य घरातून निवडून येऊन वर्षानुवर्षे पालिकेत काम केले. आता शहरातील सर्व मोहल्ल्याना स्मार्ट करण्याचे व्हिजन आहे. ज्यांना तुम्ही अनेक वर्षे संधी दिलीत ते निर्णयक्षम नसल्याने विकास झाला नाही, आता तरुण चेहऱ्यांना संधी द्या, असे त्यांनी मतदारांना आवाहन केले.