Raigad News: विद्यार्थिनींचा व्हायरल व्हिडिओ ठरला प्रभावी; खांडपे-कोंडिवडे रस्त्याच्या दुरुस्तीला सुरुवात

अलीकडेच सोशल मीडियावर शालेय विद्यार्थींनींचा व्हिडीओ व्हायरल झाला होता. या व्हिडीओमध्ये या विद्यार्थीनींनी कर्जत तालुक्यातील खांडपे-कोंडिवडे रस्त्याच्या दुरवस्थेबाबत आवाज उठवला होता. विद्यार्थीनींच्या या व्हायरल व्हिडीओनंतर रस्त्याच्या तात्पुरत्या दुरुस्तीचे काम सुरू करण्यात आले आहे.

• विद्यार्थिनींच्या व्हायरल व्हिडिओनंतर खांडपे-कोंडिवडे रस्त्याच्या तात्पुरत्या दुरुस्तीला सार्वजनिक बांधकाम विभागाने सुरुवात केली आहे.
• पावसाळ्यात खडी वाहून गेल्याने रस्त्यावर मोठ्या प्रमाणात खड्डे पडले होते, त्यामुळे विद्यार्थ्यांना आणि नागरिकांना त्रास सहन करावा लागत होता.
• पावसाळा संपल्यानंतर या रस्त्याचे कायमस्वरूपी मजबुतीकरण करण्याचे आश्वासन आमदार महेंद्र थोरवे आणि सार्वजनिक बांधकाम विभागाने दिले आहे.

कर्जत: कर्जत तालुक्यातील विद्यार्थिनींच्या व्हायरल व्हिडिओमुळे खांडपे-कोंडिवडे रस्ता देशात पोहचला होता. या रस्त्याची तत्काळ दुरुस्ती करण्यास सार्वजनिक बांधकाम विभाग यांनी सुरुवात केली आहे. या रस्त्याची केवळ तात्पुरती दुरुस्ती करून घेतली जात असून पावसाळा थांबल्यावर रस्त्याचे मजबुतीकरण केले जाईल, असे आश्वासन आमदार महेंद्र थोरवे यांनी दिले आहे.

Yavatmal News: रेशनच्या ई-केवायसीला लागला ‘ब्रेक’!४ लाख लाभार्थी अजूनही दूरच; १६ लाख ७८ हजार १६८ जणांची प्रक्रिया पूर्ण

खांडपे येथील ज्ञान मकरंद विद्यालय शाळेतील विद्यार्थी माध्यमिक विद्यालय सोडल्यानंतर आपल्या घरी चालत जात असतात. दररोजच्या खड्डेमय रस्त्याला कंटाळून शाळेतील मुलींनी छत्रीला बूम बनवत एक व्हिडिओ तयार केला. ज्योत्स्ना घारे ही विद्यार्थिनी आपल्या गावाच्या रस्त्याची बाजू रिपोर्टर म्हणून मांडत होती तर कॅमेरामन म्हणून मानसी पवार हिने जबाबदारी पार पाडली होती. त्या मुलींचा व्हिडिओ व्हायरल झाल्यानंतर व्हिडीओ बनवणाऱ्या शालेय मुली या प्रसिद्धीचे झोतात आल्या आहेत. मात्र राज्य सरकारकडून या रस्त्यावाबत सार्वजनिक बांधकाम विभागाला जाब विचारला गेला असल्याचे बोलले जात होते. तर कर्जतचे आमदार महेंद्र थोरवे यांनी देखील सार्वजनिक बांधकाम विभागाला रस्त्याबाबत चौकशी केली.

रस्त्यावरील खडी वाहून गेल्याने रस्ता खड्डेमय

सार्वजनिक बांधकाम खात्याकडून रस्त्यावर पडलेले खड्डे कमी करण्यासाठी जेसीबी मशीनचा वापर करण्यात आला. ब्लेड मारून राहिलेले खड्ड्यांमध्ये खडी टाकण्यात आली आणि रोलर फिरवून रस्ता सुस्थितीत करण्याचा प्रयत्न केला आहे. या रस्त्यावर मे महिन्यात खडी टाकून रस्ता दुरुस्त कैला होता, पण पावसाळ्यात रस्त्यावरील खडी वाहून गेल्याने रस्ता खराब झाला होता.

बांधकाम विभागाचे आश्वासन

चिंचवली चांदइ कडाव तांबस-जांबिवली- दहिवली –कोदिवडे असा राज्यमार्ग रस्ता असून या रस्त्याचे मजबुतीकरण करण्याचे काम मंजूर आहे. त्या ठिकाणचा रस्ता पावसाळ्यानंतर मजबूत केला जाईल, असे आश्वासन सार्वजनिक बांधकाम विभाग यांचे उप अभियंता राहुल देवांग यांनी दिली आहे.

मुंबईत एकनाथ शिंदेंचा नवा प्लान? सचिन अहिरांकडे संघटनेची धुरा सोपवण्याच्या हालचालींना वेग

या रस्त्याबाबत सार्वजनिक बांधकाम विभागाला जाब विचारला. सार्वजनिक बांधकाम विभागाला रस्त्याबाबत चौकशी केली. या रस्त्याचे मजबुतीकरण करण्याचे काम मंजूर आहे. रस्त्याची दुरुस्ती करून रस्त्याच्या कामासाठी तत्काळ निधी मिळवून देण्यासाठी प्रयत्न केला जाईल. – महेंद्र थोरवे, आमदार

(डिस्क्लेमर: हे नवराष्ट्र वृत्तपत्राचे स्वयंचलित न्यूज फीड आहे. ते navarashtra.com च्या कर्मचाऱ्यांनी संपादित केलेले नाही.)