साताऱ्यात पेट्रोल टंचाईची अफवा! पंपांवर वाहनधारकांच्या रांगा (Photo Credit- X)
सातारा जिल्हा पेट्रोल असोसिएशनचे उपाध्यक्ष रितेश राव खंडे यांनी या परिस्थितीचे खंडन केले असून सातारा शहरात किमान पंधरा दिवस पेट्रोल पुरेल इतका साठा उपलब्ध असल्याची माहिती त्यांनी दिली. सातारा शहरासह जिल्ह्यामध्ये सुमारे 60 पेक्षा अधिक पेट्रोल पंपासून त्यांना कॅश अँड कॅरी या तत्त्वावर लोणी तालुका हवेली जिल्हा पुणे येथील भारत पेट्रोलियम आणि हिंदुस्तान पेट्रोलियमच्या डेपो मधून तेल पुरवठा केला जातो.
सातारा शहरातील पेट्रोल पंपावर आखाता मधील युद्धसंदृष्य परिस्थितीमुळे अचानक टंचाईची परिस्थिती निर्माण झाल्याची अफवा जिल्ह्यामध्ये बुधवारी वाऱ्यासारखी पसरली. मंगळवारी रात्री काही पंपांवरील पेट्रोल आणि डिझेल संपल्यामुळे त्यांनी आपली मागणी डेपोकडे नोंदवली होती. मात्र संबंधित वाहने यायला उशीर झाल्यामुळे पेट्रोल संपल्याचे फलक झळकले त्यामुळे नागरिकांच्या मनात चलबिचल होऊन वाहन चालकांनी गरजेपेक्षा जास्त पेट्रोल भरून घ्यायला सुरुवात केली. भूविकास पेट्रोल पंप, बढीये पेट्रोल पंप, रेणुका पेट्रोल पंप आणि म्हावशे पेट्रोल पंप येथे अचानक गर्दी सुरू झाल्याने आणीबाणी सदृश्य परिस्थिती निर्माण झाल्याची चर्चा सुरू झाली.
कराड येथे सुद्धा पुरवठा विभागाच्या वतीने काही पेट्रोल पंपाची तपासण्या करण्यात आली याची माहिती साहीला नायकवडी तालुका पुरवठा निरीक्षक यांनी दिली मात्र कोठेही पेट्रोल पंपचालक साठा करत नसल्याची माहिती समोर आली. जिल्ह्यात तसेच कराड तालुक्यामध्ये कोठेही टंचाई सदृश्य परिस्थिती नसल्याचे नायकवडी यांनी स्पष्ट केले. पोवई नाक्यावरील पेट्रोल पंपावर तिन्ही वाटप केंद्रावर वाहनांची गर्दी होऊ लागली. आधीच कर्मचारी कमी असल्यामुळे पेट्रोल पंपावर एकच गडबड उडाली.
सातारा जिल्ह्यात कोणतीही आणीबाणी सदृश्य परिस्थिती नाही त्यामुळे सातारकरांनी अफवांवर विश्वास ठेवू नये बाटलीमध्ये पेट्रोल दिले जाणार नाही याची सुद्धा नागरिकांनी काळजी घ्यावी आणि पेट्रोल सदृश्य अथवा तत्सम विज्ञान याचा घरात साठा करून ठेवू नये सातारा जिल्ह्यात पंधरा दिवस पेट्रोल पुरेल इतका साठा उपलब्ध असल्याची माहिती सातारा जिल्हा पेट्रोल असोसिएशनचे उपाध्यक्ष रितेश राव खंडे यांनी दिली आहे.
