Shree Chhatrapati Sugar Factory: श्री छत्रपती साखर कारखान्याची दमदार घोडदौड! २० दिवसांत १.९४ लाख टन उसाचे विक्रमी गाळप

Shree Chhatrapati Sugar Factory: कारखान्याच्या अहवालानुसार, हंगामात आतापर्यंत सभासदांच्या उसाचे १ लाख २४ हजार ४४३ टन, तर बिगरसभासदांच्या उसाचे ७० हजार २८९ टन गाळप झाले आहे. दोन्ही मिळून एकूण गाळपाचा आकडा १ लाख ९४ हजार ७३२ टनांवर पोहोचला आहे.

• छत्रपती कारखान्यात १ लाख ९४ हजार ७३२ मेट्रिक टन उसाचे यशस्वी गाळपॉ
• ऊस उत्पादक शेतकऱ्यांना उसासाठी प्रतिटन ३,५०१ रुपयांची पहिली
  कामगारांना १५ टक्के बोनस जाहीर

Baramati Politics: इंदापूर तालुक्यातील भवानीनगर येथील श्री छत्रपती सहकारी साखर कारखान्याने २०२६-२७ च्या गळीत हंगामात ऊस गाळपाची दमदार कामगिरी नोंदवली आहे. हंगामाच्या सुरुवातीपासूनच कारखान्याने गाळपाचा वेग कायम ठेवला असून, अवघ्या २० दिवसांत तब्बल १ लाख ९४ हजार ७३२ मेट्रिक टन उसाचे गाळप पूर्ण केले आहे. कारखान्याच्या या कामगिरीमुळे ऊस उत्पादक शेतकरी आणि सभासदांमध्ये समाधानाचे वातावरण आहे. Shree Chhatrapati Sugar Factory Record: 1.94 Lakh Tonne Cane Crushed in 20 Days

एका दिवसात ८ हजार ६८८ मेट्रिक टन उसाचे गाळप

छत्रपती कारखान्याचे अध्यक्ष पृथ्वीराज जाचक, उपाध्यक्ष शिवाजीराव निंबाळकर तसेच सर्व संचालक मंडळ यांच्या नेतृत्वाखाली कारखान्याने या ऊस गळीत हंगामाचे उत्कृष्ट नियोजन केले आहे.कारखान्याच्या ३० ऑक्टोबर २०२६ रोजीच्या दैनंदिन गाळप अहवालानुसार, एका दिवसात ८ हजार ६८८ मेट्रिक टन उसाचे गाळप करण्यात आले. यामध्ये सभासदांच्या उसाचे ४ हजार ५१० टन, तर बिगरसभासदांच्या उसाचे ४ हजार १७८ टन गाळप झाले. हंगाम सुरू झाल्यापासून कारखान्याने गाळपाची गती टिकवून ठेवत विक्रमी कामगिरीच्या दिशेने वाटचाल सुरू केली आहे. दरम्यान छत्रपती कारखान्याने ऊस उत्पादकांच्या ऊसाला पहिली उचल ३५०१ रुपये तर कामगारांना पंधरा टक्के बोनस जाहीर केला आहे.

आता प्रकरण संपणार? Vinesh Phogat च्या ‘त्या’ याचिकेवर हायकोर्टाचे WFI ला आदेश; दोन आठवड्यात…

सभासद आणि बिगरसभासदांच्या उसाचे नियोजनबद्ध गाळप

कारखान्याच्या अहवालानुसार, हंगामात आतापर्यंत सभासदांच्या उसाचे १ लाख २४ हजार ४४३ टन, तर बिगरसभासदांच्या उसाचे ७० हजार २८९ टन गाळप झाले आहे. दोन्ही मिळून एकूण गाळपाचा आकडा १ लाख ९४ हजार ७३२ टनांवर पोहोचला आहे. कारखान्याने ऊस उपलब्धतेनुसार गाळपाचे नियोजन केल्याचे या आकडेवारीवरून स्पष्ट होते.

साखर कारखानदारीत गाळपाचा वेग, साखर उतारा, यंत्रणेची कार्यक्षमता आणि ऊस वाहतुकीचे नियोजन या बाबींना विशेष महत्त्व असते. या पार्श्वभूमीवर श्री छत्रपती कारखान्याने पहिल्या २० दिवसांत केलेली कामगिरी महत्त्वपूर्ण मानली जात आहे.

Diwali 2026 : शेतकऱ्यांसाठी महत्त्वाची बातमी! दुष्काळाच्या झळा सोसणाऱ्या दोन लाख शेतकरी कुटुंबांची