ठाणे मॅरेथॉनसाठी जय्यत तयारी; ३० हजार धावपटूंचा सहभाग, शहरातील वाहतुकीत मोठे बदल

ठाणे मॅरेथॉनसाठी महापालिका आणि पोलीस प्रशासन सज्ज झाले असून रविवारी तब्बल ३० हजार धावपटू सहभागी होणार आहेत. स्पर्धेच्या पार्श्वभूमीवर शहरातील वाहतूक व्यवस्थेत मोठे बदल करण्यात आले आहेत.

• ३० हजार धावपटूंचा मॅरेथॉनमध्ये सहभाग
• वाहतूक व्यवस्थेत मोठे बदल; पर्यायी मार्गांचा वापर
• वैद्यकीय सुविधा, पार्किंग आणि सुरक्षेची जय्यत तयारी

महापौर रेन मॅरेथॉन स्पर्धेची तयारी पूर्ण झाली आहे. रविवार, ३० ऑगस्ट रोजी होणाऱ्या या स्पर्धेसाठी ३०,००० धावपटूंनी नोंदणी केली आहे. या स्पर्धेसाठी ठाण्याच्या वाहतूक व्यवस्थेत मोठे बदल करण्यात आले आहेत. याशिवाय, स्पर्धेच्या पार्श्वभूमीवर रस्त्यांवरील खड्ढे भरण्याची मोहीम जवळपास पूर्ण झाली आहे. ठाणे महापौर रेन मॅरेथॉन यशस्वी व्हावी यासाठी प्रशासन, लोकप्रतिनिधींसोबत पूर्णपणे कार्यरत आहे.

Marathi Language: ‘यूपी-बिहारच्या मतांसाठी मराठीचा अपमान खपवून घेणार नाही’; अविनाश जाधवांचा भाजप-शिंदे गटावर हल्लाबोल

ठाणे महापौर रेन मॅरेथॉन यशस्वी आणि सुरक्षितपणे पार पडावी यासाठी महानगरपालिका, पोलीस प्रशासन आणि सर्व संबंधित विभाग पूर्णपणे सज्ज आहेत. विविध विभागांची संयुक्त पूर्वतयारी अंतिम टप्प्यात आहे. पावसाळा, रस्त्यांची स्थिती आणि सहभागी होणाऱ्या मोठ्या संख्येने नागरिकांची सुरक्षितता लक्षात घेऊन – सविस्तर नियोजन करण्यात आले आहे. – महापालिका आयुक्त सौरभ राव यांनी पार्किंगची व्यवस्था, वाहतूक नियंत्रण, – बॅरिकेडिंग, वैद्यकीय सुविधा, पिण्याचे पाणी, स्वच्छता, मोबाईल शौचालये आणि – स्वयंसेवकांची भरती यांसारख्या तयारीचा आढावा घेण्यासाठी सर्व विभागांतील वरिष्ठ – अधिकाऱ्यांसोबत बैठक घेतली. त्यांनी स्पष्ट केले की, यावर्षी मॅरेथॉनमध्ये ३०,००० हून अधिक नागरिक सहभागी होणार आहेत, त्यामुळे प्रत्येक सहभागी सुरक्षितपणे सहभागी व्हावा आणि सुरक्षितपणे घरी परतावा, हे सुनिश्चित करणे – हे प्रशासनाचे प्राथमिक लक्ष आहे.

Thane Metro News: गायमुख-कॅडबरी जंक्शन मेट्रोला हिरवा कंदील; वर्षअखेरीस सेवा सुरू होण्याची शक्यता

शालेय विद्यार्थ्यांच्या सुरक्षेसाठी विशेष योजना

शाळा, शिक्षक, बस चालक आणि स्वयंसेवक यांच्याशी योग्य समन्वय साधून, शालेय विद्याथ्यर्थ्यांच्या सुरक्षेसाठी विशेषतः एक स्वतंत्र योजना तयार करण्यात आली आहे. ठाणे पोलिसांनी मॅरेथॉन स्पर्धेसाठी वाहतुकीत व्यापक बदल केले आहेत. या बदलांमुळे ठाणे शहरातील पर्यायी मार्गावर वाहतूक कोंडी होण्याची शक्यता आहे. हे वाहतूक बदल ३० ऑगस्ट रोजी दुपारी २ वाजेपर्यंत लागू राहतील. नितीन कंपनी ते ठाणे महानगरपालिका मुख्यालय या मार्गावर नितीन कंपनीजवळ प्रवेश बंद करण्यात आला आहे. येथील वाहने तीन हात नाका आणि हरिनिवास मार्गे वळवली आहेत, अलामेडा सिग्नलवरून पालिका मुख्यालयाकडे जाणारी वाहने अलामेडा सिग्नलवरच थांबवण्यात आली आहेत.

(डिस्क्लेमर: हे नवराष्ट्र वृत्तपत्राचे स्वयंचलित न्यूज फीड आहे. ते navarashtra.com च्या कर्मचाऱ्यांनी संपादित केलेले नाही.)