सातारा जिल्हा ग्रामपंचायत अधिकारी संघटना अध्यक्षपदी संतोषकुमार माळवे; तर सरचिटणीसपदी संदीप सावंत

महाराष्ट्र राज्य ग्रामपंचायत अधिकारी संघटना सातारा जिल्हा शाखेच्या सन २०२६ ते २०३१ या पंचवार्षिक निवडणुकीत संदीप सावंत यांच्या नेतृत्वाखालील पॅनेलने १३ विरुद्ध ० असा एकतर्फी विजय मिळविला आहे.

• सातारा जिल्हा ग्रामपंचायत अधिकारी संघटना अध्यक्षपदी संतोषकुमार माळवे
• तर सरचिटणीसपदी संदीप सावंत
• संदीप सावंत यांच्या नेतृत्वाखालील पॅनेलचा एकतर्फी विजय

वाई : महाराष्ट्र राज्य ग्रामपंचायत अधिकारी संघटना सातारा जिल्हा शाखेच्या सन २०२६ ते २०३१ या पंचवार्षिक निवडणुकीत संदीप सावंत यांच्या नेतृत्वाखालील पॅनेलने १३ विरुद्ध ० असा एकतर्फी विजय मिळविला आहे. या निवडणुकीत सर्व १३ पदाधिकारी बहुमताने निवडून आले आहेत. ज्येष्ठ ग्रामपंचायत अधिकारी ज्ञानेश्वर गायकवाड, गणेश दडस, बबनराव धायगुडे आणि मोहन कोळी यांच्या मार्गदर्शनाखाली ही निवडणूक पार पडली.

 

निवडून आलेले पदाधिकारी

संतोषकुमार महादेव माळवे- जिल्हाध्यक्ष, संदीप सावंत- जिल्हा सरचिटणीस, ज्ञानेश्वर गायकवाड – कार्याध्यक्ष, बबनराव (दादासाहेब) धायगुडे – जिल्हा उपाध्यक्ष, ज्योती जाधव- महिला उपाध्यक्ष, विजय भिलारे – कोषाध्यक्ष, चांदशा काझी – कायदेशीर सल्लागार, योगेश शेळके- सहसचिव, विक्रम देशमुख-संघटक, संदीप कदम – अंतर्गत लेखापरीक्षक, रियाज मोमीन- जिल्हा प्रसिद्धी प्रमुख, सपना जाधव- महिला संघटक, अनुजा भगत- महिला संघटक यांची निवड करण्यात आली आहे.

यावेळी प्रकाश (काका) पाटील (जिल्हाध्यक्ष, जिल्हा परिषद कर्मचारी महासंघ), गोविंद माने (सरचिटणीस), खाशाबा जाधव (माजी राज्य उपाध्यक्ष), उद्धव फडतरे (माजी राज्य उपाध्यक्ष), सुरेश बाबर (माजी जिल्हा उपाध्यक्ष) आणि दीपक दवंडे (माजी जिल्हाध्यक्ष) आदी मान्यवरांनी शुभेच्छा दिल्या.

निवडणूक निरीक्षक म्हणून आर. डी. पाटील (राज्य उपाध्यक्ष, सांगली) यांनी काम पाहिले, तर निवडणूक निर्णय अधिकारी म्हणून दादासाहेब धायगुडे यांनी जबाबदारी पार पाडली. नवीन कार्यकारिणीच्या माध्यमातून संघटना अधिक बळकट करण्याचा निर्धार व्यक्त करताना जिल्हाध्यक्ष संतोषकुमार माळवे आणि सरचिटणीस संदीप सावंत यांनी “सर्वसामान्य सभासद हाच केंद्रबिंदू” मानून सर्व घटकांच्या हितासाठी प्रामाणिक व प्रभावी काम करण्याचे आश्वासन दिले.

हे सुद्धा वाचा : आंबेगाव तालुक्यात रस्त्यालगत धोकादायक विहिरी; संरक्षक कठडे, जाळी अन् कुंपणाअभावी अपघाताचा धोका

यावेळी पतसंस्थेचे चेअरमन सचिन पवार, सुरेश देसाई, व्हाइस चेअरमन अशोक मिंड, शशिकांत माने, विस्तार अधिकारी अरुण कुंभार, संचालक दिलीप जुनघरे, दिलीप माळवे, विक्रम गोरे तसेच सर्व तालुका अध्यक्ष, सचिव, कार्यकारिणी सदस्य आणि जिल्ह्यातील सभासद मोठ्या संख्येने उपस्थित होते.

हे सुद्धा वाचा : पिंपरी-चिंचवड महापालिकेच्या तिजोरीवर मध्यरात्री ‘दरोडा’; मुख्य लेखाधिकारी प्रवीण जैन यांच्यावर आरोप