शुक्रवार, 13 नोव्हेंबर 2026
Washim Karanja Ginning Fire
या घटनेची माहिती धनज बुद्रुक येथील सर्वधर्मीय सामाजिक कार्यकर्ते श्याम सवाई यांनी कारंजा अग्निशमन दलाचे फायरमन शुभम झोपाटे यांना दिली. माहिती मिळताच अग्निशमन दलाचे वाहन तातडीने घटनास्थळाकडे रवाना झाले. मात्र, धनज रोडवर जात असताना अग्निशमन वाहनाच्या जॉइंटचे नट-बोल्ट तुटल्याने वाहनात तांत्रिक बिघाड निर्माण झाला. ऐन आपत्तीच्या वेळी उद्भवलेल्या या अडचणीमुळे आगीवर नियंत्रण मिळविण्याच्या मोहिमेत अडथळा निर्माण होण्याची शक्यता होती.
मात्र, जवानांनी परिस्थितीपुढे हार न मानता तातडीने कारंजा येथून लहान अग्निशमन वाहन आणि मेकॅनिकला घटनास्थळी बोलावून घेतले, वाहनाची आवश्यक दुरुस्ती करून अग्निशमन मोहिमेला पुन्हा सुरुवात करण्यात आली. त्यानंतर जवानांनी घटनास्थळी पोहोचून आगीवर नियंत्रण मिळविण्यासाठी शर्थीचे प्रयत्न केले. त्यांच्या प्रसंगावधानामुळे आग आटोक्यात आणण्यात यश आले.
या अग्निशमन मोहिमेत अग्निशमन अधिकारी विवेक माकोडे, वाहनचालक भारत जोंधळे, चंदू खराडे, जाहिद अली, फायरमन इमरान खान, राहुल गुल्हाने आणि संजय धुवारे यांनी सहभाग घेतला. एकीकडे जिनिंगमधील कापसाला लागलेली भीषण आग, तर दुसरीकडे अग्निशमन वाहनातील तांत्रिक बिघाड, अशा दुहेरी संकटाचा सामना करीत जवानांनी दाखविलेली जिद्द आणि सेवाभाव उल्लेखनीय ठरला. आपत्तीच्या काळात स्वतःच्या अडचणीवर मात करून नागरिकांच्या सुरक्षेसाठी धावून जाणाऱ्या अग्निशमन दलाच्या जवानांच्या कार्याचे सर्व स्तरांतून कौतुक होत आहे.
Ans: कारंजा तालुक्यातील मेहा फाट्याजवळ असलेल्या लक्ष्मी झिंटेक्स प्रायव्हेट लिमिटेड जिनिंगमध्ये कापसाच्या गंजींना भीषण आग लागली.
Ans: या भीषण आगीत तब्बल १० हजार क्विंटल कापूस जळून खाक झाल्याची माहिती आहे.
Ans: बुधवारी दुपारच्या सुमारास जिनिंगमधील कापसाच्या गंजींना आग लागली.
