Washim News: वाशिम जिल्ह्याच्या मागणीला सकारात्मक प्रतिसाद; दर बुधवारी एमआयडीसी अधिकाऱ्यांची उपस्थिती

Washim MIDC News: वाशिम जिल्ह्यातील व्यापारी व उद्योजकांना एमआयडीसीच्या समस्या आणि प्रलंबित कामांसाठी दूरवर जावे लागू नये, यासाठी स्थानिक पातळीवर प्रशासकीय मार्गदर्शन मिळावे, अशी मागणी करण्यात आली होती.

• व्यापारी व उद्योजक मंडळ
• वाशिम जिल्ह्याच्या मागणीला सकारात्मक प्रतिसाद
• दर बुधवारी एमआयडीसी अधिकाऱ्यांची उपस्थिती

वाशिम: वाशिम जिल्ह्यातील व्यापारी व उद्योजकांना एमआयडीसी संदर्भातील विविध समस्या, अडचणी व प्रलंबित कामांसाठी वारंवार दूरवर जावे लागू नये. तसेच त्यांना स्थानिक पातळीवर मार्गदर्शन व प्रशासकीय सहकार्य मिळावे, या उद्देशाने व्यापारी व उद्योजक मंडळ, वाशिम जिल्हा पांच्यावतीने विविध मागण्या संबंधित पत्र वाशिमचे आ. श्याम खोडे व वाशिम जिल्हाधिकारी योगेश कुंभेजकर यांना मागणीचे पत्र देण्यात आले होते. यावर सकारात्मक प्रतिसाद मिळाल्याने प्रत्येक बुधवारी अधिकारी उपस्थित राहणार आहे.

Buldhana News: भूखंड घशात घालण्याचा भूमाफियांचा प्रयत्न सुरू; तहसील कार्यालयात ठिय्या आंदोलन

या मागणीला शासनाकडून सकारात्मक प्रतिसाद मिळाला. आता दर बुधवारी एमआयडीसीचे प्रादेशिक अधिकारी राजेंद्र जाधव जिल्हाधिकारी कार्यालय, वाशिम येथे उपस्थित राहून व्यापारी व उद्योजकांच्या एमआयडीसीसंबंधी समस्या व कामांवर मार्गदर्शन करतील.

विकासाला मिळणार चालना

या एमआयडीसी संपर्क कक्षामुळे प्लॉट वाटप, उद्योगविषयक कामे, प्रशासकीय अडचणी तसेच संबंधित विविध प्रश्नांबाबत उद्योजकांना थेट अधिका-यांशी संपर्क साधता येणार आहे. त्यामुळे वाशिम जिल्ह्यातील उद्योगांच्या विकासाला निश्चितच चालना मिळण्यास मदत होणार आहे. एमआयडीसी संपर्क कक्षाची सुरुवात झाली. या उपक्रमाचा वाशिम जिल्हातील सर्व व्यापारी व उद्योजकांनी जास्तीत जास्त लाभ घ्यावा, असे आवाहन व्यापारी व उद्योजक मंडळ, वाशिम जिल्हा यांच्यावतीने करण्यात आले.

Buldhana News: ‘पेनगंगा’ च्या गाळप हंगाम पूर्वतयारीचा आरंभ; बुलढाणा अर्बन पेनगंगा साखर कारखान्याच्या पाठीशी – चांडक