photo- social media
रिसोड: तालुक्यातील दापुरी खुर्द शिवारात रविवारी सायंकाळच्या सुमारास आग लागून ३ विद्युत डीपी जळून खाक झाल्या होत्या. या घटनेमुळे परिसरातील शेतकऱ्यांसमोर सिंचनाचा गंभीर प्रश्न निर्माण झाला होता. या समस्येकडे लक्ष वेधणारी बातमी दैनिक नवराष्ट्रमध्ये मंगळवारी प्रकाशित होताच महावितरण ताफा घटनास्थळी दाखल होऊन जळालेल्या ट्रान्सफार्मरची पाहणी करून प्रशासनाने दखल घेतली.
Buldhana: दुष्काळावर मात करण्यासाठी प्रशासनाचा मास्टर प्लॅन; १० हजारांहून अधिक कामांचे नियोजन
गुरुवारी जळालेल्या ३ डीपोंपैकी २ नवीन डीपी बसविण्यात महावितरण सुरुवात केली. त्यामुळे संबंधित शेतकऱ्यांना दिलासा मिळाला. दापुरी खुर्द शिवारातील अनेक शेतकरी विहिरी आणि बोरवेलच्या माध्यमातून शेतीला पाणी देण्यासाठी या विद्युत डीपींवर अवलंबून आहेत. मात्र, ३ डीपी जळाल्यामुळे रब्वी हंगामातील गहू, हळद, तूर, चिया, भाजीपाला यासह अन्य पिकांच्या सिंचनाचा प्रश्न गंभीर बनला होता. वेळेवर पाणी न मिळाल्यास पिकांचे नुकसान होण्याची भीती शेतकऱ्यांकडून व्यक्त केली जात होती. शेतकऱ्यांची ही समस्या दैनिक नवराष्ट्राने लावून धरल्याने महावितरण प्रशासनाला जाग आली.
उर्वरित तिसरी डीपी तातडीने बसविण्याची मागणी होत आहे. तीनपैकी २ विद्युत डीपी बसविण्यात आल्या असल्यातरी अद्याप एका डीपीचे काम बाकी आहे. त्यामुळे उर्वरित तिसरी डीपीदेखील लवकरात लवकर बसवून वीजपुरवठ्याची समस्या पूर्णपणे दूर करावी, अशी अपेक्षा दापुरी खुर्द परिसरातील शेतकऱ्यांकडून व्यक्त होत आहे. रब्बी हंगामातील पिकांना वेळेवर पाणी मिळणे अत्यंत आवश्यक असल्याने महावितरणने उर्वरित डीपी बसविण्याच्या कामालाही प्राधान्य द्यावे, अशी मागणी शेतकऱ्यांनी केली.
.png "Videos"){kind=small}
