(फोटो सौजन्य - सोशल मीडिया)
अलीकडेच दिग्दर्शक अनुराग कश्यपने मुंबई सोडून दक्षिणेत स्थायिक होणार असल्याची घोषणा केली. याचे श्रेय त्याने बॉलीवूडमधील चित्रपटांबाबतच्या विचारसरणीला दिले. आता बॉलीवूडमध्ये चांगले चित्रपट बनवण्याचा उत्साह संपलाआहे, असे अभिनेत्याने मत मांडले आहे. अनुराग कश्यपने नुकत्याच दिलेल्या एका मुलाखतीत या सर्व गोष्टी सांगितल्या. त्याचे पाच चित्रपट बॉलीवूडमध्ये प्रदर्शित होण्यास उत्सुक असल्याचेही त्याने सांगितले. विशेषतः ‘केनेडी’ रिलीज न झाल्यामुळे चित्रपट दिग्दर्शक आणि अभिनेता खूप नाराज आहे.
Bigg Boss 18: मुलीशिवाय या तिघांना टॉप तीनमध्ये पाहते ईशाची आई? म्हणाल्या “बिग बॉस पक्षपाती…”!
केनेडी रिलीजी होत नाही याबद्दल आहे दु: खी
2023 मध्ये, अनुराग कश्यपचा चित्रपट ‘केनेडी’ कान्स फिल्म फेस्टिव्हलमध्ये दाखवला गेला, जिथे त्याची खूप प्रशंसा झाली. मात्र त्यानंतर हा चित्रपट प्रदर्शित झालेला नाही. याबाबत अनुराग दु:खी आहे. नुकत्याच दिलेल्या एका मुलाखतीत ते म्हणाले की, ‘मी पाच चित्रपट केले आहेत, जे अजून प्रदर्शित झालेले नाहीत. केनेडी चित्रपट अशा लोकांच्या मालकीचा आहे ज्यांनी कधीही चित्रपट बनवला नाही. स्टुडिओचे लोक म्हणतात की तुम्ही तुमची हिस्सेदारी वाढवा, पैसे कमवा आणि नफा मिळवा.’ असे त्यांनी सांगितले आहे.
अनुराग चिंतेत आहे
अनुराग पुढे म्हणतो की, त्याच्यात आता लढण्याची ताकद उरलेली नाही. या सर्व कारणांमुळे तो बॉलिवूडकरांवर नाराज आहे. तसेच अनुरागला आता बॉलीवूडमध्ये चांगले चित्रपट करण्याचा उत्साह दिसत नाही आहे. असे देखील ते म्हणाले होते. नुकतेच अनुराग कश्यपनेही बॉलिवूडमधील कलाकारांच्या वागणुकीबद्दल सांगितले आहे. हिंदी चित्रपटांतील प्रत्येक अभिनेत्याला स्टार ट्रिटमेंटची गरज असते, असे तो एका मुलाखतीत म्हणाला आहे. अशा परिस्थितीत चित्रपट बनवणे खूप कठीण होऊन बसते. साऊथ इंडस्ट्रीत असे घडत नाही, तर मोठे कलाकारही चित्रपटातील इतरांप्रमाणेच वागत आहेत. असे त्यांनी सांगितले आहे.
