Mithun Chakraborty: बीएमसीने मिथुन चक्रवर्ती यांना पाठवली नोटीस; बेकायदेशीर बांधकाम संबंधित प्रकरण!

बीएमसीने ज्येष्ठ अभिनेते मिथुन चक्रवर्ती यांना कायदेशीर नोटीस बजावली आहे. बेकायदेशीर बांधकामामुळे अभिनेत्याला ही नोटीस पाठवण्यात आली आहे. तसेच हे संपूर्ण प्रकरण काय आहे जाणून घेऊयात.

(फोटो सौजन्य - x अकाउंट)

Follow Us:

Follow Us:

बीएमसीने ज्येष्ठ अभिनेते मिथुन चक्रवर्ती यांना कारणे दाखवा नोटीस बजावली आहे. कथित बेकायदेशीर बांधकामामुळे अभिनेत्याला ही नोटीस बजावण्यात आली आहे. फ्री प्रेस जर्नलमधील एका वृत्तानुसार, १० मे च्या सूचनेपासून सात दिवसांच्या आत बांधकामाचे समर्थन करण्याचे निर्देश अभिनेत्याला देण्यात आले आहे. तसेच आता अभिनेत्याने कोणते बेकायदेशीर बांधकाम नक्की काय केले आहे जाणून घेऊयात.

सोनालीला सहन करावा लागलेला मानसिक छळ, सिनेइंडस्ट्री सोडण्याची आलेली वेळ; ‘तो’ एक निर्णय आला कामी

बीएमसी करणार कारवाई
मालाडमधील एरंगल गावातील एका भूखंडावर बेकायदेशीर बांधकाम केल्याच्या आरोपाखाली मिथुन चक्रवर्ती यांना ही नोटीस देण्यात आली आहे. समाधानकारक स्पष्टीकरण न मिळाल्यास, मालकाच्या जोखमीवर बांधकाम पाडले जाईल आणि कायदेशीर कारवाई देखील केली जाण्याची शक्यता आहे. असा इशारा महापालिकेने अभिनेत्याला दिला आहे. मढ परिसरातील बेकायदेशीर बांधकामांवर बीएमसीने केलेल्या मोठ्या कारवाईचा एक भाग म्हणून हे पाऊल उचलण्यात आले आहे.

१०१ बेकायदेशीर बांधकामे आढळून आली
अधिकाऱ्यांनी या परिसरात १०१ बेकायदेशीर बांधकामे ओळखली आहेत. अहवालानुसार, बीएमसीच्या सूत्रांनी सांगितले की, हीरा देवी मंदिराजवळील अलिकडेच केलेल्या तपासणीत असे आढळून आले की दोन बहुमजली इमारती, एक तळमजला रचना आणि तीन तात्पुरते युनिट्स विटा, लाकूड, काच आणि एसी शीटपासून बनवलेले होते. संबंधित अधिकाऱ्यांकडून योग्य परवानगी न घेता हे बांधकाम करण्यात आल्याचे वृत्त समोर आले आहे.

सांगितीक मैफिल घडवणाऱ्या ‘अष्टपदी’चा उत्कंठावर्धक ट्रेलर प्रेक्षकांच्या भेटीला…

मिथुन चक्रवर्ती काय म्हणाले?
मीडिया रिपोर्ट्सनुसार, एका अधिकाऱ्याने सांगितले की, एमएमसी कायद्याच्या कलम ४७५अ अंतर्गत उल्लंघन केल्यास दंड आणि तुरुंगवास देखील होऊ शकतो. “या इमारती सक्षम अधिकाऱ्यांच्या मंजुरीशिवाय बांधण्यात आल्या होत्या,” असे अधिकाऱ्याने सांगितले. म्हणूनच नोटिसा बजावण्यात आल्या आहेत. आरोपांना उत्तर देताना, अभिनेता मिथुन चक्रवर्ती यांनी हे दावे फेटाळून लावले आहेत. पोर्टलने उद्धृत केलेल्या निवेदनात ते म्हणाले, ‘माझ्याकडे कोणतेही बेकायदेशीर बांधकाम नाही. अनेक लोकांना नोटिसा पाठवण्यात आल्या आहेत आणि आम्ही आमची उत्तरे पाठवत आहोत.’

Web Title: Mithun chakraborty got show cause notice by bmc over alleged illegal construction

Get Latest  Marathi News ,  Maharashtra News and  Marathi News from Politics,  Election News ,  Sports News ,  Entertainment News,  Business News and   Religion News only on Navarashtra.com