(फोटो सौजन्य - x अकाउंट)
अलिकडेच अभिनेत्री रीम शेखला अहमदाबाद विमान अपघाताबद्दल पापाराझींनी विचारले होते. तिला याबद्दल माहिती नव्हती असे म्हटले जाते. याबद्दल तिला खूप ट्रोल करण्यात आले. लोकांनी तिला मूर्ख म्हटले. आता अभिनेत्रीने या प्रकरणावर मौन सोडले आहे. तिने सांगितले आहे की या घटनेबद्दल तिला सर्वात आधी माहिती मिळाली होती. अभिनेत्रीने एक पोस्ट शेअर करून नेटकऱ्यांना प्रत्युत्तर देखील दिले आहे. रीम नक्की काय म्हणाली ते जाणून घेऊयात.
रीमला विमान अपघाताची माहिती होती
रीमने इंस्टाग्राम स्टोरीजवर खुलासा केला की तिची बहीण एअर इंडियामध्ये क्रू मेंबर म्हणून काम करते. तिने लिहिले, ‘सर्वप्रथम, विमान अपघाताबद्दल माहिती नसल्याबद्दल मला ट्रोल करणाऱ्या सर्वांना, कृपया थांबा. माझी बहीण एअर इंडियामध्ये काम करते. जेव्हा अपघात झाला तेव्हा मलाच त्याबद्दल सर्वात आधी कळले. मी तिला घरी बसून, तिच्या सहकारी क्रू मेंबरच्या निधनाबद्दल शोक व्यक्त करताना रडताना पाहिले आहे. हे माझ्यासाठी फक्त एक साधी गोष्ट नाही; ही एक अतिशय वैयक्तिक बाब आहे.’
‘तुझ्याशिवाय…’, अंकिता लोखंडेला आली Sushant Singh Rajput ची आठवण; सुंदर फोटो शेअर करत म्हणाली…
विचारल्याशिवाय त्या दुर्घटनेबद्दल बोलायचे नव्हते
ती पुढे म्हणाली, ‘पापाराझींनी मला काळ काय झाले याबद्दल काही बोलण्यास सांगितले. त्यांनी विमान अपघाताबद्दल विशेषतः विचारले नाही. किती लवकर अंदाज बांधली जातात हे खूप दुःखद आहे. जर मी त्याबद्दल काहीही सांगितले नाही तर ते मला काळजी नव्हती म्हणून नाही, कारण मला विमान अपघाताबद्दल थेट विचारण्यातच आले नव्हते. मला विचारल्याशिवाय कोणत्याही संवेदनशील विषयावर बोलणे योग्य नाही.’ असे ती म्हणाली आहे.
मी कॅमेऱ्यासमोर शोक व्यक्त करण्यास स्वतःला भाग पाडू शकत नाही
रीम पुढे म्हणाली, ‘शेवटी, मी सहसा माध्यमांसमोर उभे राहून बोलणे टाळते. जे मला असंवेदनशील म्हणतात त्यांनी कृपया समजून घ्या – मी कॅमेऱ्यासमोर शोक व्यक्त करण्यास स्वतःला भाग पाडू शकत नाही. मी तशी नाही. मला त्या पद्धतीने वेदना समजत नाहीत. या नुकसानाने माझ्या हृदयाला इतके स्पर्श केला आहे की मी त्याचे वर्णनही करू शकत नाही.’
‘Kantara 2’ च्या सेटवर दुसऱ्यांदा घडली दुर्दैवी घटना, चित्रपटाच्या शूटिंग दरम्यान आणखी एक मृत्यू
काय आहे हे संपूर्ण प्रकरण?
रीम शेखचा एक व्हिडिओ इंटरनेटवर व्हायरल झाला होता, ज्यामध्ये एका पापाराझीने तिला विचारले होते की ‘मॅडम, कालच्या घटनेबद्दल तुम्ही काय बोलाल?’, ज्यामध्ये विमान अपघाताचा उल्लेख होता. यावर अभिनेत्रीने उत्तर दिले होते, ‘काय, काल काय झाले?’ जेव्हा पापाराझीने विमान अपघाताचा उल्लेख केला तेव्हा ती पुढे कोणतीही टिप्पणी करण्याचे टाळत निघून गेली. कामाबद्दल बोलताना, रीम सध्या स्वयंपाकावर आधारित टेलिव्हिजन शो लाफ्टर शेफ्स सीझन २ मध्ये दिसत आहे.
