Meena Ganesh: मल्याळम अभिनेत्री मीना गणेश यांचे निधन; रंगभूमीपासून ते मोठ्या पडद्यापर्येंत आहे कौतुकास्पद प्रवास!

मल्याळम इंडस्ट्रीतील लोकप्रिय अभिनेत्री मीना गणेश यांनी जगाचा निरोप घेतला आहे. खासगी रुग्णालयात उपचारादरम्यान अभिनेत्रीचा मृत्यू झाला आहे. मीना गणेश यांनी चाहत्यांच्या मनात वेगळे स्थान निर्माण केले आहे.

(फोटो सौजन्य - सोशल मीडिया)

Follow Us:

Follow Us:

मल्याळम फिल्म इंडस्ट्रीतील प्रसिद्ध अभिनेत्री मीना गणेश यांनी जगाचा निरोप घेतला. आज गुरुवार, १९ डिसेंबर रोजी एका खासगी रुग्णालयात उपचारादरम्यान त्यांनी अखेरचा श्वास घेतला. मिळालेल्या माहितीनुसार, काही दिवसांपूर्वी त्यांना स्ट्रोक घाताचा झटका आल्याने त्यांना रुग्णालयात दाखल करण्यात आले होते. उपचारादरम्यान आज त्यांचा मृत्यू झाला. या बातमीने संपूर्ण मल्याळम चित्रपटसृष्टीत शोककळा पसरली आहे. त्यांच्या चाहत्यांना मोठा धक्का बसला आहे.

रंगमंचाच्या माध्यमातून अभिनयाला सुरुवात केली
मीना गणेश याही लोकप्रिय थिएटर आर्टिस्ट होत्या. एवढेच नाही तर वयाच्या 19 व्या वर्षी रंगमंचावरील नाटकातून अभिनय कारकिर्दीला सुरुवात केली. मल्याळम सिनेमातील अनेक बड्या स्टार्ससोबत त्याने स्क्रीन शेअर केली आहे. त्यात कलाभवन मणी, पृथ्वीराज सुकुमारन आणि मोहनलाल या दिग्गज कलाकारांच्या नावांचा समावेश आहे.

नाटय़विश्वापासून सुरुवात केली
मीना गणेश या ८१ वर्षांच्या होत्या. केरळमधील शोरानूर येथील खासगी रुग्णालयात त्यांच्यावर उपचार सुरू होते. त्यांच्या निधनाने मल्याळम उद्योगाचे मोठे नुकसान झाले आहे. मीना गणेश यांनी आपल्या करिअरमध्ये 100 हून अधिक चित्रपटांमध्ये काम केले आहे. त्यांचा अभिनय प्रवास रंगभूमीपासून सुरू झाला. नाट्यविश्वात काम केल्यानंतर अभिनेत्री चित्रपटांकडे वळली. अभिनेत्रीने 1977 मध्ये ‘मणी मुझक्कम’ या चित्रपटातून डेब्यू केले होते. आणि त्यानंतर त्यांच्या चित्रपटसृष्टीतील कारकिर्दीला सुरुवात झाली.

As per reports, Malayalam actress #MeenaGanesh has passed away at the age of 81. Our heartfelt condolences go out to her loved ones during this difficult time.🙏🏻#News pic.twitter.com/m3Pc1HvOuN

— Filmfare (@filmfare) December 19, 2024

थिएटर आर्टिस्ट ए.एन.गणेशसोबत लग्न केले
या अभिनेत्रीने ‘मंदनमार लोंधानील’, ‘उत्सवा मेलम’, ‘गोलंथरा वरथा’, ‘साक्षल श्रीमन चथुन्नी’, ‘कल्याणा सौगंधिकम’, ‘सियामी इरतकल’, ‘श्रीकृष्णपुरे नक्षत्रथिलकम’, ‘माय देकर’ यासह अनेक चित्रपटांमध्ये काम केले आहे. त्यांचे अभिनय कौशल्य प्रेक्षकांच्या समोर आले आहे. मीना गणेश यांन त्यांच्या अभिनय कारकिर्दीत मुख्यतः सहाय्यक भूमिका केल्या आहेत. मीना गणेशच्या वैयक्तिक आयुष्याबद्दल सांगायचे झाले तर, त्यांनी अभिनेता आणि थिएटर कलाकार एएन गणेश यांच्याशी लग्न केले आहे.

Ankita Lokhande Birthday: या अभिनेत्रीने रिॲलिटी शो करून मिळवली प्रसिद्धी; आताच्या पिढीला प्रेरणा देणारा आहे जीवन प्रवास!

मोठ्या कलाकारांसोबत काम केले
मीना गणेश यांनी आपल्या करिअरमध्ये साऊथ सिनेसृष्टीतील अनेक बड्या स्टार्ससोबत काम केले आहे. यामध्ये पृथ्वीराज सुकुमारनपासून दिलीप, मोहनलाल, मामूट्टी आदींच्या नावांचा समावेश आहे. अभिनेत्रीच्या निधनानंतर साऊथ स्टार्सनी त्यांना श्रद्धांजली वाहिली आहे. अभिनेता पाकरूने स्वतःच्या इंस्टाग्राम स्टोरीवर मीना गणेश यांचा फोटो शेअर करून त्यांना श्रद्धांजली वाहिली आहे.

Web Title: Veteran malayalam actress meena ganesh passes away at the age of 81 at her home in kerala

Get Latest  Marathi News ,  Maharashtra News and  Marathi News from Politics,  Election News ,  Sports News ,  Entertainment News,  Business News and   Religion News only on Navarashtra.com