कॉमेडियन राजू श्रीवास्तव यांचा मुलगा आयुष्मानने दिला अग्नी, पंचतत्वात विलीन

कॉमेडियन राजू श्रीवास्तव यांचे निधन झाले. वयाच्या ५९ व्या वर्षी त्यांनी अखेरचा श्वास घेतला. राजू श्रीवास्तव यांची प्रकृती गेल्या काही दिवसांपासून ढासळत होती. त्यांच्यावर एम्स रुग्णालयात उपचार सुरू होते. आता त्यांच्या निधनामुळे मनोरंजन क्षेत्रात शोककळा पसरली आहे. अभिनेत्याच्या आकस्मिक निधनाने कुटुंबीयांना धक्का बसला आहे. राजू श्रीवास्तव आता पंचतत्त्वात विलीन झाले आहेत.

Follow Us:

Follow Us:

राजूचा शेवटचा प्रवास दशरथपुरी येथील भावाच्या घरापासून सुरू झाला. रात्री नऊच्या सुमारास त्यांचा शेवटचा प्रवास सुरू झाला. ज्या रुग्णवाहिकेत राजू श्रीवास्तव यांचे पार्थिव ठेवण्यात आले होते ती पांढऱ्या फुलांनी सजवण्यात आली होती. कुटुंब आणि मित्रांव्यतिरिक्त, काही सेलेब्स देखील राजू श्रीवास्तवच्या अंतिम दर्शनासाठी उपस्थित होते. कॉमेडियनला दोन मुले आहेत, मुलगा आयुष्मान सितार वादक आहे, तर मुलगी अंतरा सहाय्यक दिग्दर्शक आहे.

सलमान खानच्या मैने प्यार किया मधील त्याच्या कॉमेडी अभिनयाने अनेकांची मने जिंकली होती. राजूने अनेक चित्रपट आणि शोमध्ये काम केले. राजूने ‘बिग बॉस 3’, ‘नच बलिये’ आणि ‘कॉमेडी नाइट्स विथ कपिल’मध्येही भाग घेतला होता. राजूने आपल्या करिअरची सुरुवात स्टेज शोपासून केली. राजूने अनेक चित्रपट आणि मालिकांमध्ये काम केले होते. राजूच्या कॉमिक टायमिंगला प्रेक्षकांचा चांगला प्रतिसाद मिळाला. राजू श्रीवास्तव यांना ‘कॉमेडीचा बादशाह’ म्हणूनही ओळखले जाते. यासोबतच त्यांच्या ‘गजोधर भैय्या’ या भूमिकेलाही प्रेक्षकांचे विशेष प्रेम मिळाले.

Web Title: Comedian raju srivastava was lit by son ayushmann

Get Latest  Marathi News ,  Maharashtra News and  Marathi News from Politics,  Election News ,  Sports News ,  Entertainment News,  Business News and   Religion News only on Navarashtra.com