दिग्दर्शन राजकुमार हिरानी (Rajkumar Hirani) आणि शाहरुख खानची (Shah Rukh Khan) जोडी पहिल्यांदाच रुपेरी पडद्यावर आली असून ‘डंकी’ (Dunki) चित्रपट गुरुवारी (31 डिसेंबर) ला रिलीज झाला. पठाण, जवान नंतर शाहरुख खानचा हा तिसरा चित्रपट प्रेक्षकांच्या भेटीस आला आहे. डंकी हा चित्रपट रिलीज होण्याआधी या चित्रपटाची प्रेक्षकांमध्ये प्रचंड क्रेझ होती. चित्रपट रिलीज झाल्यानंतर सोशल मीडियावर संमिश्र प्रतिक्रिाया येताना दिसत आहे. ‘डंकी’ नं पहिल्या दिवशी संथ सुरुवात केली होती तर दुसऱ्या दिवशी सालार सारख्या सिनेमानं टक्कर दिल्याने दुसऱ्या दिवशीही चित्रपटाला समाधानकारक कमाई करता नाही आली. मात्र तिसऱ्या दिवशी चित्रपटाला प्रेक्षकांचा चांगला प्रतिसाद मिळाला असुन चित्रपटाने तिसऱ्या दिवशी बॅाक्स ऑफिसवर (Dunki Box Office Collection Day 3) 26 कोटी कमावले आहेत.
डंकी रिलीज होण्याआधी अॅडवान्स बुकींगमध्येही 37 हजारांहून अधिक तिकीटांची विक्री करून या चित्रपटाने 1 कोटींहून अधिकचा व्यवसाय केला होता. यावरुन चित्रपटाला पहिल्या दिवशी प्रेक्षकांचा भरुभरुन प्रतिसाद मिळेल अशी अपेक्षा होती. Sacknilk च्या रिपोर्टनुसार, या चित्रपटाने पहिल्या दिवशी 30 कोटी रुपयांची कमाई केली होती. डंकीला सोशल मीडियावर या चित्रपटाला चांगला प्रतिसाद मिळत असून वीकेंडमध्ये चित्रपटाच्या कलेक्शनमध्ये वाढ होण्याची शक्यता वर्तविण्यात येत होती. मात्र, शुक्रवारी रिलिज झालेल्या बिगबजेट सालार चित्रपटाने ही शक्यत मोडीत काढली. प्रेक्षकांनी डंकी पेक्षा सालारला अधिक पंसती दिल्याने डंकीच्या दुसऱ्या दिवशीच्या कलेक्शनवर त्याचा परिणाम झाला आहे. डंकीचं दुसऱ्या दिवशीचं बॉक्स ऑफिस कलेक्शन केवळ 20 कोटी झालं आहे. तर तिसऱ्या दिवशी डंकीनं 26 कोटींची कमाई केली आहे.
जवान,पठाणनंतर शाहरुख खानचा या वर्षातील हा तिसरा चित्रपट आहे. या चित्रपटात शाहरुख खान, तापसी पन्नू, विकी कौशल, बोमन इराणी, विक्रम कोचर, अनिल ग्रोव्हर यांच्या प्रमुख भूमिका आहे. डंकीमध्ये चित्रपटाला प्रेक्षक आणि समिक्षकांकडून संमिश्र प्रतिक्रिया मिळताना दिसत आहे. या चित्रपटात इंग्लडंला जाण्यचं स्वप्न बघणाऱ्या मित्रांची गोष्ट आहे. ज्यांच्याकडे व्हिजा,पासपोर्ट नसताना ते अवैध पद्धतीने इंग्लडंला जातात. या चित्पटात कॉमेडी आहे, खूप इमोशन आहे आणि थोडी अॅक्शनही आहे.
