रविवार, 15 नोव्हेंबर 2026
(फोटो सौजन्य- इन्स्टाग्राम)
संस्कृतीचा कृष्णरूपाच सोशल मीडियावर एवढं कौतुक झालं की आता प्रेक्षकांना “संभवामी युगे युगे” ची खूप उत्सुकता आहे. लवकरच हा डान्स ड्रामा प्रेक्षकांच्या भेटीला येणार असल्याचे समजले आहे. पण या खास प्रोजेक्ट साठी मराठी- हिंदी चित्रपट इंडस्ट्रीमध्ये चर्चेत असलेल नाव जोडलं गेले आहे. संस्कृतीने सोशल मीडिया वर अभिनेता सुमित राघवन सोबत फोटो शेअर करत याबद्दल स्वतः सांगितले आहे. कृष्ण रुपात दिसणाऱ्या संस्कृतीच्या या रूपाला तितकंच साजेसा आवाज देण्यासाठी आता अभिनेता सुमित राघवन या प्रोजेक्टचा एक भाग होताना दिसणार आहे.
या बद्दल बोलताना संस्कृतीने सांगितले, “आयुष्यातल हे स्वप्नवत काम आहे असं म्हणायला हरकत नाही कारण या इंडस्ट्रीत येण्याआधी पासून मी सुमित राघवन दादाची चाहती होती आणि आता माझ्या मनाच्या अगदी जवळच्या प्रोजेक्टसाठी आम्ही सोबत काम करतोय हे माझ्यासाठी खूप खास आहे. तो एक उत्तम अभिनेता तर आहे पण माणूस म्हणून त्याची एक वेगळी बाजू या निमित्तानं अनुभवता आली. ‘संभावामी युगे युगे’ साठी जेव्हा आम्ही कृष्णाचा आवाज कोण देणार यावर विचार करत होतो तेव्हा मनात हे आलेलं पहिलं नाव होत आणि सुमित दादा हे माझ्या अत्यंत जवळच्या प्रोजेक्ट साठी कृष्णा साठी त्याचा आवाज देतोय हे एका स्वप्नापेक्षा कमी नाही म्हणून माझ्यासाठी फॅन मोमेंट ते सुमित दादा सोबत काम करण्याची संधी हा प्रवास सुंदर होता.”
रहस्य आणि थरार यांच्या संगमातून उलगडणारा ‘असंभव’, काय आहे कथेमागचे गूढ रहस्य?
“संभवामी युगे युगे” या डान्स ड्रामा साठी अभिनेता सुमित राघवन याने कृष्णाचा आवाज दिला असून ही गोष्ट अभिनेत्यासाठी तितकीच खास ठरणार आहे या बद्दल बोलताना सुमित म्हणाला.” जेव्हा संस्कृतीचा पहिल्यांदा या प्रोजेक्ट्साठी फोन आला आणि तिने मला या तिच्या अत्यंत जवळच्या प्रोजेक्ट बद्दल सांगितले आणि त्यावर तिने मला कृष्णाचा आवाज करू शकाल का ? हे विचारल्यावर मी तिला हो म्हणालो आणि मी या कारणासाठी हो म्हणालो कारण तिची काम करण्याची जिद्द बघून मला हे खूप जाणवलं की एवढे कष्ट घेऊन ती अगदी छोट्यातल्या छोट्या गोष्टीचा विचार करून काम करते आणि ज्याची सुरुवात कृष्णा पासून होते ते सगळचं छान होत. संभवामी युगे युगे चा एक भाग असल्याचा मला खूप अभिमान आहे. कृष्ण हा एक सखा आहे तो एखाद्या व्यक्तीला वाट दाखवणारा आपला मित्र आहे आणि म्हणून संस्कृती जे काम करतेय ते उत्तम करेन यात शंका नाही आणि तिला या प्रोजेक्ट साठी खूप खूप शुभेच्छा!’
