कॉमेडीचा ओव्हरडोस! ‘पिक्चर बॉईज’चा धमाकेदार टीझर लाँच, ‘या’ दिवशी होणार रिलीज

हिरो होण्यासाठी धडपडणाऱ्या दोन तरूणांची धमाल गोष्ट "पिक्चर बॉईज" लवकरच चित्रपटगृहात प्रदर्शित होणार आहे. नुकताच या चित्रपटाचा टीझर लॉंच झाला आहे.

उन्हाळ्याच्या सुट्टीत प्रेक्षकांना हसवणारा नवीन मराठी चित्रपट Picture Boys लवकरच भेटीला येणार आहे. या चित्रपटाचा टीझर नुकताच लाँच करण्यात आला असून त्याला प्रेक्षकांकडून चांगला प्रतिसाद मिळत आहे.हा चित्रपट १५ मे रोजी सर्वत्र प्रदर्शित होणार आहे. या चित्रपटात हिरो होण्याचं स्वप्न पाहणाऱ्या दोन तरुणांची मजेशीर आणि धमाल गोष्ट दाखवण्यात आली आहे. त्यांच्या स्वप्नपूर्तीसाठीची धडपड, कॉमेडी आणि घडणाऱ्या गंमतीजमती या चित्रपटात पाहायला मिळतील.

त्रिमूर्ती फिल्म्सनं ‘पिक्चर बॉईज’ या चित्रपटाची निर्मिती केली आहे. रवी पांडुरंग पंडितपवार, राजा पांडुरंग पंडितपवार हे या चित्रपटाचे निर्माते असून शिवाजी केशव पाटील हे सहनिर्माते आहेत. चित्रपटाची कथा, पटकथा, संवादलेखन आणि दिग्दर्शन निलेशसिंह राजपूत यांनी केलं आहे. मंदार चोळकर, सुनील दोडगे, संध्या-प्रनिकेत यांनी लिहिलेल्या गीतांना वरुण लिखाते आणि संध्या-प्रनिकेत यांनी संगीतबद्ध केले आहे. सुप्रसिद्ध गायक आनंद शिंदे, जसराज जोशी, स्वप्नील गोडबोले, वरुण लिखाते, एल. के. लक्ष्मीकांत यांनी चित्रपटातली गाणी गायली आहेत. विनोद पाटील यांनी छायांकन, रोहन पाटील यांनी संकलनाची जबाबदारी निभावली आहे. आनंद शिंदे, जसराज जोशी, स्वप्नील गोडबोले, वरुण लिखाते, एल. के. लक्ष्मीकांत यांनी चित्रपटातली गाणी गायली आहेत. प्रतीक लाड, हंसराज जगताप, अरबाज शेख, पवन चुरे, घनश्याम दरोडे (छोटा पुढारी), प्रिया तुळजापूरकर, सूरज पाटील, किरण पाटील, नम्रता पोटे, निभिया शर्मा, सिद्धेश्वर झाडबुके, प्रशांत तपस्वी, मिलिंद दास्ताने, विजय खंदारे, साक्षी पंडितपवार, विजय गिते, अंकिता राऊत अशी नव्या जुन्या कलाकांची फळी चित्रपटात आहे.

‘Jai Jai Swami Samarth’मध्ये वेदच्या जीवावर मृत्यूयोग; श्रद्धा की भ्रम अंबादास कुटुंबासमोर कठीण परीक्षा

“पिक्चर बॉईज” या चित्रपटातून एक धमाल गोष्ट मांडण्यात आली आहे. चित्रपट क्षेत्राची फारशी काही माहिती नसलेल्या दोन तरुणांना हिरो व्हायचं असतं. चित्रपटाच्या क्षेत्रात आल्यानंतर त्यांच्या वाट्याला काय काय अनुभव येतात, त्यातून काय धमाल विनोदी प्रसंग घडतात याचं कथानक चित्रपटात मांडण्यात आलं आहे. चित्रपटाच्या ट्रेलरमधूनही त्याची झलक मिळत आहे. त्यामुळेच चित्रपटाविषयीची उत्सुकता वाढली आहे. मजेशीर कथानक, उत्तम लेखन, ताल धरायला लावणारं संगीत, दमदार अभिनय हे या चित्रपटाचं वैशिष्ट्य आहे. उन्हाळ्याच्या सुटीत पुरेपूर मनोरंजन करणारा पिक्चर बॉईज हा चित्रपट सहकुटुंब चित्रपटगृहात जाऊनच पाहावा लागणार आहे.

Matka King : दिग्दर्शक नागराज मंजुळे यांचा मोठा खुलासा; Vijay Varma चा ‘बृज भाटी’ अवतार ठरणार गेमचेंजर