बहुचर्चित ‘स्थळ’ मनोरंजक मराठी चित्रपटाचा टीझर लाँच; प्रेक्षकांना आता ट्रेलरची उत्सुकता!

मराठी चित्रपट 'स्थळ लवकरच ७ मार्च रोजी सिनेमागृहात दाखल होणार आहे. तसेच हा चित्रपट प्रेक्षकांचं मनोरंजन आणि नवा अनुभव देणारा आहे. या चित्रपटाचा नुकताच टीझर लाँच झाला आहे.

(फोटो सौजन्य - इंस्टाग्राम)

Follow Us:

Follow Us:

ॲरेंज्ड मॅरेज या संकल्पनेवर बेतलेला आणि ग्रामीण भागातील लग्नाची गोष्ट असलेल्या स्थळ या चित्रपटाचा मनोरंजक टीजर लाँच करण्यात आला आहे. टीझर लाँचच्या आधी प्रसिद्ध अभिनेते चित्रपटाचे प्रस्तुतकर्ते सचिन पिळगांवकर यांनी त्यांच्या सोशल मीडियावर एक खास व्हिडीओ पोस्ट करत, ‘स्थळ’ चा टीझर उद्या येत असल्याची माहिती दिली होती. त्यांच्या या उत्साही घोषणेमुळे टीझर आणि एकूणच चित्रपटाविषयीची उत्सुकता आणखीनच वाढली होती. अत्यंत अनोखी गोष्ट या चित्रपटातून दाखवली जाणार असून, महिला दिनाच्या औचित्याने ७ मार्च रोजी ‘स्थळ’ हा चित्रपट प्रदर्शित होणार आहे.

Bigg Boss OTT 4 Host Replacement: ना करण जोहर, ना फराह खान…; Bigg Boss OTT 4 मध्ये सलमान खानची जागा कोण घेणार ?

सर्वसाधारणपणे लग्नासाठी स्थळ पाहायला गेल्यावर मुलगा आणि त्याचे कुटुंबीय मुलीला प्रश्न विचारतात. त्यावेळी बावरलेली मुलगी तिच्या परीनं उत्तरं देण्याचा प्रयत्न करत असते. आपलं काही चुकू नये यासाठी तिची धडपड असते. पण, एखाद्या वेगळ्या परिस्थितीमध्ये मुलीऐवजी मुलाला प्रश्न विचारले गेल्यावर काय होतं हे ‘स्थळ’ या चित्रपटाच्या टीजरमध्ये दाखवण्यात आले आहे. त्यामुळे ॲरेंज्ड मॅरेज अर्थ स्थळ पाहून लग्न होणं यावर स्थळ हा चित्रपट बेतला आहे. मात्र तोचतोचपणा टाळून मनोरंजक पद्धतीनं या चित्रपटाची हाताळणी करण्यात आल्याचं टीझरमध्ये दिसत आहे.

Lee Joo Sil: ‘स्क्विड गेम्स २’ मधील अभिनेत्री ली जू सिलचे निधन; वयाच्या ८० व्या वर्षी घेतला अखेरचा श्वास!

जयंत दिगंबर सोमलकर, शेफाली भूषण, करण ग्रोवर, रिगा मल्होत्रा यांनी स्थळ या चित्रपटाची निर्मिती केली आहे. जयंत दिगंबर सोमलकर यांनी चित्रपटाचं लेखन दिग्दर्शन केले आहे. नंदिनी चिकटे, तारानाथ खिरटकर, संगीता सोनेकर, सुयोग धवस, संदीप सोमलकर संदीप पारखी, स्वाती उलमाले, गौरी बदकी, मानसी पवार या नव्या दमाच्या कलाकारांचा या चित्रपटात समावेश आहे. प्रतिष्ठेच्या टोरंटो इंटरनॅशनल फिल्म फेस्टिव्हलसह तब्बल २९ महत्त्वाच्या महोत्सवांमध्ये हा चित्रपट दाखवला गेला आहे, तसेच १६ पेक्षा जास्त पुरस्कारही या चित्रपटाने पटकावले आहेत. हा चित्रपट लवकरच येत्या ७ मार्च रोजी चित्रपटगृहात प्रदर्शित होणार आहे. ज्याचा आनंद प्रेक्षकांना घेता येणार आहे.

Web Title: Teaser of marathi film sthal released

Get Latest  Marathi News ,  Maharashtra News and  Marathi News from Politics,  Election News ,  Sports News ,  Entertainment News,  Business News and   Religion News only on Navarashtra.com