Alia Bhatt Pink Saree Look: गुलाबी साडी, २२ कॅरेट सोन्याचा ब्लाउज अन् शाही थाट! आलिया भट्टच्या लुकने वेधलं सर्वांचं लक्ष

आलियाचा यावेळीसा लूक खास आहे, कारण तिने पारंपरिक बंगाली पद्धतीने साडी नेसली होती, साडीसोबत फिरोजी निळ्या रंगाचा फिटिंगचा ब्लाउज घातला होता. त्याच्या गोल गळ्यामुळे आणि किंचित फुगीर बाह्यांमुळे संपूर्ण लुकला एक क्लासी टच मिळाला होता. गुलाबी आणि निळ्या रंगाच्या कॉन्ट्रास्टमुळे तिचा पारंपरिक पोशाख आणखीनच खास बनला होता.

केसांच्या स्टाईलसाठी, अभिनेत्रीने केसांमध्ये मधोमध भांग पाडून त्याची व्यवस्थित वेणी घालून अंबाडा बांधला होता. हा अंबाडा रंगीबेरंगी फुलांनी सजवला होता, ज्यामुळे तिचा पारंपरिक बंगाली लूक अधिकच खुलून दिसत होता. तिचा मेकअप सौम्य आणि नैसर्गिक होता. छोटी टिकली, डोळ्यांचा लाईट मेकअप आणि न्यूड लिप कलर तिचा लूक अजून खुलवत होता.

आलिया भट्टच्या या लूकमधील सर्वाधिक लक्षवेधी गोष्ट म्हणजे तिचा खास डिझाइन केलेला ब्लाउज. प्रसिद्ध डिझायनर मयूर गिरोत्रा यांनी हा ब्लाउज डिझाइन केला होता. भारतीय संस्कृती, बंगाली परंपरा आणि देवी शक्तीची संकल्पना यांचा सुंदर मिलाफ या डिझाइनमध्ये पाहायला मिळतो. देवी दुर्गा, शिव आणि शक्ती यांच्या दैवी रूपांपासून प्रेरणा घेऊन हा खास पोशाख तयार करण्यात आला होता.

आपला पारंपरिक लूक पूर्ण करण्यासाठी आलियाने सोनेरी रंगाचे टेम्पल इअररिंग्स, सोन्याच्या बांगड्या आणि आकर्षक स्टेटमेंट रिंग्स परिधान केल्या होत्या. कानातल्यांना जोडलेल्या साखळ्यांमुळे तिच्या दागिन्यांना आणखी पारंपरिक आणि मोहक रूप मिळाले होते.

हा संपूर्ण लूक हाताने विणलेल्या कांजीवरम साडीने पूर्ण झाला होता. ही साडी तामिळनाडूतील कांचीपुरममध्ये विणली जाते, जो प्रदेश त्याच्या पारंपरिक विणकाम आणि रेशमी साड्यांसाठी प्रसिद्ध आहे. त्यामुळे आलियाच्या पोशाखात बंगाली स्पर्शासोबतच दक्षिण भारतीय विणकामाचे सौंदर्य दिसून आले.