सकाळी उठल्यानंतर सगळ्यांचं चहा, कॉफी किंवा ग्रीन टी पिण्याची सवय असते. पण उपाशी पोटी चहा, कॉफीचे सेवन केल्यामुळे शरीराचे नुकसान होते. शरीराची पचनक्रिया बिघडून वारंवार ऍसिडिटी आणि अपचनाच्या त्रासाचा सामना करावा लागतो. त्यामुळे उपाशी पोटी चहा किंवा कॉफी न पिता ब्लु टी प्यावी. याशिवाय ब्लु टी चा ट्रेंड सोशल मीडियावर मोठ्या प्रमाणात व्हायरल होत आहे. चहा, कॉफी किंवा कॅफिन असलेल्या पेयांना पर्याय म्हणून ब्लु टी प्यायली जाते. गोकर्णाच्या फुलांपासून बनवलेला चहा केवळ त्वचेसाठीच नाहीतर संपूर्ण शरीरासाठी खूप जास्त फायदेशीर आहे. चला तर जाणून घेऊया फायदे. (फोटो सौजन्य – istock)
वाढलेले वजन कमी होण्यासोबतच चेहऱ्यावर येईल चमकदार ग्लो! उपाशी पोटी नियमित करा निळ्या चहाचे सेवन
कॅफ़िनमुक्त ब्लू टी शरीरासाठी खूप जास्त फायदेशीर आहे. यामध्ये असलेले अँटीऑक्सिडंट्स आणि इतर पोषक घटक शरीर आतून मजबूत बनवण्यास मदत करतात.
ब्लू टी मध्ये खूप कमी कॅलरीज असतात. त्यामुळे वाढलेले वजन कमी करताना कोणत्याही सप्लिमेंट्सचे सेवन करण्याऐवजी एक ग्लास ब्लू टी प्यावा. यामुळे महिनाभरात वजन कमी होईल आणि तुम्ही स्लिम दिसाल.
रक्तातील साखर नियंत्रणात ठेवण्यासाठी अनेक लोक वेगवेगळ्या पेयांचे सेवन करतात. पण ब्लू टी प्यायल्यास रक्तातील साखर संतुलित राहील आणि हृदयाच्या आरोग्यासाठी उत्तम पर्याय आहे.
शरीरात वाढलेला मानसिक तणाव कमी करण्यासाठी आणि शांत झोपेसाठी ब्लू टी खूप जास्त फायदेशीर ठरेल. तसेच यामध्ये असलेल्या अँटिऑक्सिडंट्समुळे त्वचेचा रंग सुधारतो.
ब्लू टी बक्लिटोरिया टर्नेटिया म्हणजे गोकर्णाच्या फुलांपासून बनवला जातो. गोकर्णंची फुले गरम पाण्यात उकळवून चहा तयार केला जातो. या चहामध्ये लिंबाचा रस टाकून प्यायल्यास शरीरास आवश्यक असलेले पोषक घटक मिळतात.
