थंडीच्या मोसमात शरीर उबदार ठेवण्यासाठी आणि रोगांपासून बचाव करण्यासाठी ड्राय फ्रुट हा एक उत्तम पर्याय आहे. यापैकी काजू हे असेच एक ड्राय फ्रूट आहे जे केवळ चवीलाच स्वादिष्ट नाही तर आरोग्यासाठीही खूप फायदेशीर आहे. काजूमध्ये प्रोटीन, जीवनसत्त्वे, खनिजे आणि अँटीऑक्सिडंट्स मुबलक प्रमाणात असतात जे शरीराला आतून मजबूत करतात. चला याचे अधिक फायदे जाणून घेऊया.
हिवाळ्यात काजू खाण्याचे आहेत जबरदस्त फायदे (फोटो सौजन्य: iStock)
हृदयाला ठेवते चांगले: काजूमध्ये मोनोअनसॅच्युरेटेड फॅटी ॲसिड्स मुबलक प्रमाणात आढळतात, जे हृदयाच्या आरोग्यासाठी खूप फायदेशीर आहेत. हे चांगले कोलेस्ट्रॉल (HDL) वाढवतात आणि खराब कोलेस्ट्रॉल (LDL) कमी करण्यास मदत करतात.
पचनक्रिया सुधारते: काजूमध्ये अनेक प्रकारचे फायबर आढळतात, जे पचनसंस्था निरोगी ठेवण्यास मदत करतात. फायबर पचन प्रक्रिया सुरळीत करते, बद्धकोष्ठता दूर करते आणि आतड्यांचे आरोग्य सुधारते.
वेट लॉससाठी फायदेशीर: काजूमध्ये प्रथिने आणि फायबरचे प्रमाण चांगले असल्याने ते तुम्हाला दीर्घकाळ पोटभर ठेवतात. तथापि, काजूमध्ये कॅलरीज देखील जास्त असतात, म्हणून ते संतुलित प्रमाणात सेवन करणे महत्वाचे आहे.
हाडं होतात मजबूत: काजूमध्ये कॅल्शियम, मॅग्नेशियम आणि फॉस्फरस सारखे पोषक घटक मुबलक प्रमाणात आढळतात, जे हाडे आणि दात मजबूत करण्यात मोठी भूमिका बजावतात.
त्वचेसाठी फायदेशीर: काजूमध्ये झिंक आणि अँटीऑक्सिडंट्स असल्यामुळे त्वचा निरोगी राहण्यास मदत होते. हे घटक त्वचा मऊ आणि चमकदार बनवतात, सुरकुत्या कमी करतात आणि अकाली वृद्धत्वापासून त्वचेचे संरक्षण करतात.
