छातीमध्ये जमा झालेल्या कफाने त्रस्त आहात? मग ‘या’ मसाल्यांचे करा सेवन

सतत घसा खवखवत असेल तर घरी तुम्ही सुंठवडा बनवून खाऊ शकता. यामुळे घशातील खवखव कमी होण्यास मदत होईल. यामध्ये अँटी-इंफ्लेमेटरी आणि अँटीऑक्सिडंट गुणधर्म आढळून येतात.

सर्दी, खोकला किंवा कफ झाल्यानंतर दालचिनीच्या पावडरचे सेवन करावे. दालचिनी खाल्यामुळे घश्यातील जळजळ कमी होण्यास मदत होते. नियमित दालचिनीचे पाणी प्यायल्यामुळे रोगप्रतिकारशक्ती वाढण्यास मदत होते.

छातीमधील कफासाठी हळद अतिशय प्रभावी आहे. हळदीमध्ये असलेले दाहक-विरोधी आणि अँटी-बॅक्टेरियल गुणधर्म कफ काढून टाकण्यास मदत करतात. त्यामुळे हळद आणि मध मिक्स करून खाल्यास कफ कमी होईल.

खोकला किंवा कफ झाल्यानंतर पिंपळी उगळून चाटण बनवले जाते. हे नियमित खाल्ल्यास सर्दी खोकला कमी होण्यास मदत होईल. पिंपळी पावडरमध्ये मध मिक्स करून खावे.

आयुर्वेदामध्ये मधाला अमृताची उपमा देण्यात आली आहे. त्यामुळे सर्दी किंवा खोकला झाल्यानंतर अँटिबायोटिक्स घेण्यापेक्षा मधाचे सेवन करावे. मध खाल्यामुळे कफ कमी होऊन आराम मिळतो.