सर्वच पालक लहान मुलांच्या शारीरिक विकासाला घेऊन कायमच चिंतेत असतात. वजन न वाढणे, उंची न वाढणे, शारीरिक विकास न होणे यांसारख्या अनेक समस्या लहान मुलांमध्ये दिसून येतात. मुलांना कायमच बाहेरील चटपटीत पदार्थ खायला खूप जास्त आवडतात. पण घरी बनवलेल्या पौष्टिक आणि हेल्दी पदार्थांचे अजिबात सेवन केले जात नाही. म्हणूनच आज आम्ही तुम्हाला लहान मुलांच्या पोषणासाठी आहारात कोणत्या पदार्थांचा समावेश करावा, याबद्दल सविस्तर माहिती सांगणार आहोत. चला तर जाणून घेऊया. (फोटो सौजन्य – istock)
लहान मुलं होतील गुबगुबीत! वजन वाढवण्यासाठी मुलांना खाण्यास द्या 'हे' चविष्ट आणि हेल्दी पदार्थ
लहान मुलांच्या पोषण आहारात विविध डाळींचा समावेश करावा. मसूर डाळ किंवा मूग डाळीपासून बनवलेले पदार्थ मुलांना खाण्यास द्यावेत. हे पदार्थ सहज पचन होतात आणि पचनाच्या कोणत्याही समस्या उद्भवत नाहीत. याशिवाय सर्व पदार्थांमध्ये तूप मिक्स करावे.
कॉटेज चीज, टोफू किंवा अंडी यांसारखे पदार्थ लहान मुलांना खाण्यास द्यावेत. यामध्ये असलेले कॅल्शियम मुलांच्या वाढीवर सकारात्मक परिणाम करतात आणि आरोग्य सुधारतात.
लहान मुलांचे वजन वाढवण्यासाठी मुलांना आहारात रताळी किंवा बटाटे खाण्यास द्यावेत. नियमित एक शिजवलेला बटाटा किंवा रताळ खाल्ल्यास महिनाभरात वजन वाढेल.
सुका मेवापासून बनवलेली पावडर मुलांच्या पेजमध्ये किंवा नाश्त्यातील कोणत्याही पातळ पदार्थामध्ये मिक्स करून खाण्यास द्यावी. सुका मेवा खाल्ल्यामुळे मुलांचा शारीरिक विकास होईल.
मुलांच्या तोंडाची चव वाढवण्यासाठी मुलांना ओट्स किंवा तांदुळापासून बनवलेली खीर खाण्यास द्यावी. गोड पदार्थ लहान मुलं आवडीने खातील आणि मुलांचे पोट सुद्धा भरलेले राहील.
