मंगळवार, 20 ऑक्टोबर 2026
उन्हाळा ऋतूला सुरुवात झाल्यानंतर शरीरात पित्ताचे प्रमाण वाढते. पित्ताची पातळी प्रमाणापेक्षा जास्त वाढल्यामुळे अंगावर पित्त उठणे, त्वचेवर लाल पुरळ येणे, जळजळ होणे किंवा डोकेदुखीचा त्रास जाणवू लागतो. अशावेळी सोडा किंवा इनो आणून प्यायला जातो. यामुळे शरीरात वाढलेले पित्त कमी होण्यास मदत होते. पण काही वेळानंतर शरीरात पित्ताची पातळी वाढू लागते. त्यामुळे पित्त वाढल्यानंतर कोकमचे सेवन करावे. कोकममध्ये असलेले गुणकारी घटक शरीरातील पित्त कमी करतात आणि उलट्या, मळमळच्या त्रासापासून सुटका मिळवून देतात. चला तर जाणून घेऊया कोकम खाण्याचे फायदे. (फोटो सौजन्य – pinterest)
शरीरात वाढलेले पित्त नियंत्रणात ठेवण्यासाठी आहारात करा कोकमचा समावेश, मळमळ- उलट्या होतील कमी
कोकम खाल्यामुळे शरीरात वाढलेली नैसर्गिक आम्लता कमी करून शरीर थंड ठेवते. त्यामुळे अपचन किंवा अंगावर पित्त उठल्यास कोकम सरबत प्यावे. यामुळे तासाभरात पित्ताचे चट्टे कमी होतील.
कोकममध्ये अँटी ऑक्सिडंट्स आणि नैसर्गिक शीतल गुणधर्म आढळून येतात. यामुळे उन्हाळ्यात अंगावर उठणारी खाज, लालसरपणा किंवा जळजळ कमी होण्यास मदत होते.
रोजच्या आहारात कोकमचा समावेश करावा. डाळ किंवा कोणत्याही भाजी बनवल्यानंतर त्यात कोकम टाकल्यास जेवणाची चव वाढण्यासोबतच शरीराला सुद्धा फायदे होतील.
सुकवलेल्या कोकमपासून तुम्ही आमटी, कढी किंवा सरबत सुद्धा बनवून पिऊ शकता. यामुळे पोटात वाढलेली उष्णता कमी होऊन जळजळ कमी होईल. जेवणाच्या ताटात कायमच सोलकढी वाढली जाते. सोलकढीमुळे खाल्लेले अन्नपदार्थ पचन होते.
ऍसिडिटीमुळे वाढलेली डोकेदुखी, उलट्या, मळमळ कमी करण्यासाठी कोकमचा रस किंवा कोकमपासून बनवलेले पदार्थ खावेत.
