Eknath Shinde Dussehra News : एकनाथ शिंदे यांची महिलांसाठी 25,000 शिलाई यंत्रांची घोषणा; दुष्काळग्रस्त शेतकऱ्यांना दिवाळीसाठी मदत

Eknath Shinde Dussehra News : महाराष्ट्रातील दुष्काळग्रस्त शेतकरी कुटुंबांची दिवाळी गोड करण्यासाठी उपमुख्यमंत्री एकनाथ शिंदे यांच्या नेतृत्वाखालील शिवसेनेच्या वतीने ठाणे आणि मुंबई परिसरातून मदत साहित्याचे ट्रक रवाना करण्यात आले. या साहित्यामध्ये जीवनावश्यक वस्तू आणि दिवाळी फराळाचा समावेश आहे.

• उदरनिर्वाहासाठी 25 हजार शिलाई मशिन्सचे वाटप 
• शेतकऱ्यांची दिवाळी काळी होऊ देणार नाही  
• शिवसेना 80 टक्के राजकारण, 20 टक्के समाजकारण करते  

Eknath Shinde Dussehra News : शेतकऱ्याची दिवाळी आम्ही काळी होऊ देणार नाही, दिवाळी पूर्वी शेतकऱ्याला मदतीचा हात सरकारने दिला होता. शेतकऱ्यांच्या पाठिशी आम्ही उभे राहू असे विधान उपमुख्यमंत्री एकनाथ शिंदे यांनी ठाण्यातील दसऱ्या मेळाव्यात म्हटंले आहे.महाराष्ट्रातील दुष्काळग्रस्त भागातील नागरिकांची दिवाळी गोड करण्यासाठी उपमुख्यमंत्री एकनाथ शिंदे यांच्या नेतृत्वाखालील शिवसेना (शिंदे गट) कडून ठाणे आणि मुंबई परिसरातून दिवाळीच्या शिध्याचे (मदत साहित्य) ट्रक पाठव्यात आले आहेत. ‘ मदतीचे तोरण हेच शिवसेनेचे धोरण ‘ हे श्र्लोगण लिहले गेले आहेत.

एकनाथ शिंदेंच्या शिवसेनेचा दसरा मेळावा गोरेगावच्या नेस्को संकुलात पार पडणार आहे. यावेळी एकनाथ शिंदेंच्या शिवसेनेकडून दुष्काळग्रस्तांना मदत देऊ केली जाणार असून दिवाळी गोड करण्यासाठी जीवनावश्यक वस्तूंचं वाटप केलं जाणार आहे.जीवनावश्यक वस्तूंनी भरलेले ट्रक दुष्काळग्रस्त भागाकडे रवाना झाल्या आहेत.

उदरनिर्वाहासाठी 25 हजार शिलाई मशिन्सचे वाटप

यंदाचा दसरा मेळाव्याच्या मुहूर्तावर शेतकऱ्यांना या साहित्याच्या गाड्यांना हिरवा झेंडा दाखवण्यात आला आहे. दुष्काळग्रस्त शेतकरी कुटुंबांसाठी जीवनावश्यक वस्तू आणि दिवाळी फराळाचे साहित्य असणार आहे. किट्स ट्रक्सद्वारे हे साहित्य पाठण्यात आले आहेत.शेतकरी कुटुंबातील महिलांना स्वतःच्या पायावर उभे राहण्यासाठी आणि उदरनिर्वाहासाठी 25 हजार शिलाई मशिन्सचे वाटप केले गेले आहेत.

Mumbai News: मध्य रेल्वेच्या १५ स्थानकांवर किराणा स्टोअर! चहा, कॉफीच्या विक्रीला बंदी, दैनंदिन गरजेच्या वस्तू स्टोअरवर मिळणार 

शेतकऱ्यांची दिवाळी काळी होऊ देणार नाही

दुष्काळग्रस्त भागातील शेतकऱ्यांच्या मुलींच्या विवाहासाठी आर्थिक मदत तसेच मुलींना सायकलींचे वाटप सुद्धा करण्यात आले आहेत. यंदाचा नवरात्रोत्सव अनेक ठिकाणी साधेपणाने साजरा करून, ‘राजदांडिया’ आणि इतर कार्यक्रमांतून जमा झालेला निधी या दुष्काळग्रस्तांच्या मदतीसाठी वळवण्यात आला आहे. “शेतकऱ्यांची दिवाळी काळी होऊ देणार नाही” हा निर्धार व्यक्त करत शिवसेनेचे पदाधिकारी आणि कार्यकर्ते थेट गावागावांत जाऊन हा शिधा पोहोचवत आहेत.

शिवसेना 80 टक्के राजकारण आणि 20 टक्के समाजकारण करते

दसऱ्याच्या शुभेच्छा देत एकनाथ शिंदे यांनी दुष्काळाच्या पार्श्वभूमीवर दुष्काळ ग्रस्त शेतकऱ्यांना मदत करण्याच्या उद्देशाने शेतकऱ्यांना उपयुक्त वस्तू ठाण्यातून पाठवण्यात आल्या आहेत. उपमुख्यमंत्री एकनाथ शिंदे यांनी दुष्काळ ग्रस्त ठिकांनाची पाहणी करत शेतकऱ्यांची व्यथा जाणून घेतली.शेतकऱ्यांना मदत करून शिवसेनेचे कार्यकर्ते शेतकऱ्यांच्या बांधावर जातील. त्याच्या घरावर तोरण बांधतील असे मत एकनाथ शिंदे यांनी केले. शिवसेना 80 टक्के राजकारण आणि 20 टक्के समाजकारण करते,ही बाळासाहेब ठाकरे यांची शिकवण आहे.असे मत उपमुख्यमंत्री एकनाथ शिंदे यांनी ठाण्यातील दसऱ्या मेळाव्यात केले.

मुंबई महापालिकेचा कारभार होणार डिजिटल! ‘ई-ऑफिस’ प्रणाली लागू; १४ हजार कर्मचाऱ्यांचा टप्प्याटप्प्याने समावेश