“बहिणी आता नावडती आणि लाडकी अशा विभागणार…”; राज ठाकरेंची सावित्रीबाई फुलेंच्या जयंतीनिमित्त खास पोस्ट

सावित्रीबाई फुले यांची जयंती देशभरामध्ये मोठ्या उत्साहामध्ये साजरी केली जात आहे. मनसे नेते राज ठाकरे यांनी देखील सोशल मीडियावर पोस्ट करुन सावित्रीमाईंना अभिवादन केले आहे.

सावित्रीबाई फुले यांच्या 194 व्या जयंती निमित्त मनसे नेते राज ठाकरे यांनी खास पोस्ट केली आहे (फोटो - सोशल मीडिया)

Follow Us:

Follow Us:

मुंबई : राज्यामध्ये क्रांतीज्योती सावित्रीबाई फुले यांची जयंती मोठ्या उत्साहामध्ये साजरी केली जात आहे. यंदा सावित्रीबाई फुले यांची 194 वी जयंती आहे. राज्यभरामध्ये मोठ्या उत्साहाने जयंती साजरी केली जात आहे. सावित्रीबाई फुले यांचा जन्म 3 जानेवारी 1831 रोजी साताऱ्यातील नायगाव या गावी झाला. त्यांच्या कार्याप्रती कृतज्ञता म्हणून राज्य सरकारकडून विशेष कार्यक्रमाचे आयोजन करण्यात येते. अनेक राजकीय व्यक्तींनी नायगावमध्ये जाऊन अभिवादन केले आहे. मनसे नेते राज ठाकरे यांनी सावित्रीबाई फुले यांच्या जयंतीनिमित्त खास पोस्ट करुन अभिवादन केले आहे. तसेच त्यांनी सत्ताधारी नेत्यांना देखील टोला लगावला आहे.

काय आहे राज ठाकरेंची पोस्ट?

मनसे नेते राज ठाकरे यांनी सावित्रीबाई फुले यांच्या जयंतीनिमित्त खास पोस्ट केली आहे. भारतात स्त्री शिक्षणाची मुहूर्तमेढ ज्यांच्यामुळे रोवली गेली आणि महात्मा ज्योतिबा फुलेंना सत्यशोधनाच्या खडतर प्रवासात ज्यांनी मोलाची साथ दिली, त्या सावित्रीबाई फुलेंची आज जयंती. स्त्री स्वातंत्र्य औषधाला देखील सापडणार नाही अशा काळात सावित्रीबाईंचा जन्म झाला. तो काळ असा होता की स्त्री शिकली तर तिच्या सात पिढ्या नरकात जातील असं मानण्याचा काळ. पण ज्योतिबा फुले आणि सावित्रीबाई फुले हे दोघेही ज्ञानासाठी आसुसलेले होते, आणि त्यामुळेच ज्योतिबा फुले आणि सावित्रीबाईनी शिक्षणाचा मार्ग स्वीकारला आणि इतकंच नाही तर मुलींसाठी शाळा सुरु केली. त्यावेळच्या अखंड हिंदुस्थानातील, स्वदेशीय व्यक्तीने काढलेली पहिलीच मुलींची शाळा. पण सावित्रीबाईंना प्रचंड अहवेलना, आणि उपहास सहन करावा लागला.  आज थेट अंतराळात झेप घेणारी स्त्री असो की एखाद्या उद्योगसमूहाची प्रमुखपदी बसलेली स्त्री असो, तिचा हा प्रवास सावित्रीबाईंमुळेच शक्य झाला हे नक्की. सावित्रीबाई फुलेंच्या स्मृतीस महाराष्ट्र नवनिर्माण सेनेचं अभिवादन.

ऱाजकीय बातम्या वाचण्यासाठी येथे क्लिक करा

२ वर्षांपूर्वी तत्कालीन राज्य सरकारने पुण्यात ज्या भिडे वाड्यात सावित्रीबाई फुलेंनी स्त्री शिक्षणाची मुहूर्तमेढ रोवली, त्या वाड्याचं रूपांतर राष्ट्रीय स्मारकात करण्याची घोषणा केली होती. या घोषणेचं तेंव्हा आम्ही स्वागत केलं होतं आणि हे स्मारक लवकरात लवकर व्हावं अशी अपेक्षा व्यक्त केली होती.

मध्यंतरी या स्मारकाचं कामकाज कुठवर आलं आहे हे जाणून घेतलं, तेंव्हा कळलं की मध्यंतरी हे काम अनेक कायदेशीर गुंतागुंतीत अडकलं होतं, त्यातले काही विषय न्यायप्रविष्ट होते, जे आता सुटलेत. मुळात इतक्या मोठ्या महापुरुषांच्या स्मारकांसाठी देखील आपल्याला कायदेशीर लढाया लढाव्या लागतात हेच दुर्दैव. असो..

भारतात स्त्री शिक्षणाची मुहूर्तमेढ ज्यांच्यामुळे रोवली गेली आणि महात्मा ज्योतिबा फुलेंना सत्यशोधनाच्या खडतर प्रवासात ज्यांनी मोलाची साथ दिली, त्या सावित्रीबाई फुलेंची आज जयंती. स्त्री स्वातंत्र्य औषधाला देखील सापडणार नाही अशा काळात सावित्रीबाईंचा जन्म झाला. तो काळ असा होता की… pic.twitter.com/bohN9LXLsp

— Raj Thackeray (@RajThackeray) January 3, 2025

पण आता हे काम लवकरात लवकर पूर्ण व्हावं हीच अपेक्षा. आणि स्मारक म्हणजे एखादा पुतळा किंवा एखादं संग्रहालय इतकं मर्यादित न ठेवता, त्याला आधुनिकतेची जोड द्यावी. यासाठी सरकारी साचा सोडला पाहिजे. सावित्रीबाई फुले आणि महात्मा ज्योतिराव फुले यांच्या कार्याचा आढावा घेणारा एखादा बहुभाषिक साउंड आणि लाईट शो, एखादी डिजिटल लायब्ररी असं काहीतरी असावं. आणि हे सगळं एका कालमर्यादेत पूर्ण करावं. अन्यथा इतर अनेक स्मारकं जशी लालफितीत अडकतात तसं हे स्मारक अडकू नये इतकीच इच्छा.

महाराष्ट्रसंबंधीत वाचण्यासाठी येथे क्लिक करा

सरकारनेच कालच लाडक्या बहीण नक्की कोणाला म्हणावं याचा फेरआढावा घ्यायला सुरुवात केला आहे, थोडक्यात निवडणुकीच्या आधी सरसकट लाडक्या असणाऱ्या बहिणी आता नावडती आणि लाडकी अशा पद्धतीने विभागल्या जाणार असं दिसतंय. असो, असं धरसोडपण स्मारकाच्या बाबतीत दिसू नये. पुन्हा एकदा ज्ञानगंगोत्री सावित्रीबाई फुलेंच्या स्मृतीस विनम्र अभिवादन! अशा शब्दांत राज ठाकरे यांनी आपल्या भावना व्यक्त केल्या आहेत.

Web Title: Mns raj thackeray special post on savitribai phule jayanti194th birth anniversary

Get Latest  Marathi News ,  Maharashtra News and  Marathi News from Politics,  Election News ,  Sports News ,  Entertainment News,  Business News and   Religion News only on Navarashtra.com